السلام عليكم ورحمة الله وبركاته ،،
أسعد الله مسائكم أخواني وأخواتي الكرام ،

طلبي واضح من العنوان بارك الله فيكم ،

وهو كروكي لموقع مسجد الشيخ ناصر القطامي بالرياض ؟؟

دمتم بحفظ الله ورعايته ،،

هذا وصفه وانت قادم من الشرقية استمر بالدائري الشمالي وتابع هالوصف


اليك الوصف طبعا منقول من النت

إذا انتهى طريق الملك فهد شمالاً
تجاوز كباري الدائري الشمالي
يجيك كبري التخصصي غربا وجامعة الامام والثمامة شرقا
اطلع من فوق الكبري
أول مخرج يجي بعد الكبري اطلع معه وامش الين تجيك الاشارة
خذ (لف ) معه يمين ثم تجي بوجهك اشارة حمراء تأشر
عندها مطبة كبيرة
مع الاشارة اتجه يسار ثم ثاني ملف (دخلة) على اليمين أدخل معها تجد المسجد في وجهك .

حبيبي بو عبدالعزيز ،، تراني ما فهمت شي من الوصف ؟؟

ياليت لو تزودني برقم المخرج إللي عالدائري ؟؟ ولو عندك كروكي أو مخطط تحطه لنا ،، وأكن لك من الشاكرين

محبتي وتقديري

اذا دخلت الرياض وانت قادم من الشرقية تستمر يجيلك مخرج القصيم والمدينة المنورة تطلع معه يمين

ووبعد ما تعدي الكبري (يكون يمينك وانت فوق الكبري مبنى الهلال الاحمر طويل ) اذا انتهى الكبري ادخل في الخدمة

وأول اشارة تجيلك لف معها يمين اذا مشيت شوي يجيلك اشارة حمرا تأشر (تنبيهيه) عندها مطبة لف من عندها يسار

بتجيلك أول دخلة على اليمين اتركها

الثانية ادخل معها تجد المسجد بوجهك

اذا ما فهمت الوصف

وعندك قارمن اطلب الاحداثيات و الشباب ما يقصرون معك

هلا بالغالي
تم وضع الكروكي بناء على طلب ابوعبدالعزيز
ان شاء الله يفيدك

بارك الله فيكم ... هل رجع يصلي ؟ بأي مسجد ؟

جزاك الله خير يابو فيصل ما قصرت

ابو يوسف هذا وصف لمسجد ثاني لكن ما أدري في اي واحد يصلي هو

جزاكم الله خير أخواني الأعزاء ،، كفيتوا ووفيتوا بارك الله فيكم

أبو عبدالعزيز ،، ما قصرت عالشرح ،، كافي ووافي بارك الله فيك
أبو فيصل ،، يعطيك العافية عالخريطة الرائعة كروعة شخصكم العزيز

الشيخ حاليا ً إمام في جامع القاضي بحي التعاون ،،

اجل يابويوسف تحصله بمخرج 6 على اليسار