اقتباس:
المشاركة الأصلية كتبت بواسطة kabayan
خبر ممتاز و رائع ولكن للأسف ارى بأنها أغلى من الوولد ودي و غيرها في دبي ياترى وش السبب مع اني اشوف ان اللي بدبي افخم و افضل
تحياتي لك ومشكوره على التغطية الحية لراس الخيمة بالتحديد
هلا والله اخوي كابيان .. انا معاك في سالفة غلاء الاسعار
وتبا الصدق انا عمري مادخلت الوايلد وادي وماشفتها الا من خلال الصور اللي في الانترنت .. وفي ناس كثير يمدحونها .. لكن الشركة المؤسسة لهالحديقة تختلف عن الشركة اللي اسست وايلد وادي.. ومانقدر بعد نحكم من الحين منو افضل إلا بعد التجربة لان بهالحديقة فيه مميزات غير موجودة في حديقة الوايلد وادي .. حتى الصور اللي انا حاطتها مثل ماتشوف كلها رمل وغبار لووول لانها بعد ماافتتحوها واعتقد بعد مايجري الماي فيها بيكون شكلها اكيد غير ..
عموما معيار الأفضلية يعتمد على عدة عوامل منها : الاسعار - تنوع الألعاب وكفاءتها - المتعة والتسلية التي يحصل عليها الشخص من خلال تجربة هالالعاب - الأمن والسلامة - المنظر الخلاب - وايضا توفر كل مايحتاجه الزائر من مطاعم وكوفيهات وخزانة ملابس وغيرها ..
وان شالله كل هالاشيا تكون متوفرة في كلتا الحديقتين وسواء الزائر راح حديقة الوايلد وايد او قام بتجربة حديقة آيس لاند المهم انه يستمتع في دولة الإمارات
شاكرة لك ملاحظتك اخوي كابيان وياهلا ويامرحبا الساع
