يوم في Global Village
25-02-2008

ستغلق القريه في تاريخ 1-3-2008

موقع القرية:


خريطة القرية:


قررنا البارحه عقب حنه ورنه.. ان نسير القرية العالميه.. وطلعنا الساعه اربع ونص..وصلنا خمس بسبب الازدحام الشديد...



اتريينا اخوي الثاني يوصل عشان ندخل مع بعض.. خصوصا ان يوم الاثنين يوم العائلات.. وعقب ملينا وقلت حق اخوي خلنا نسبقهم .. وسبحان الله اول مانزلت... بالرغم اني ناسه الصبح مافبني شي.. على طول الكحه والزجام ردوا.. وعلى نصيحه اخوي اللي كان خايف على عياله عن يمرضون.. قال لي تمي في السياره بعدنا مادخلنا وانتي تكحكحين.. ولكن من يقول انا يايبتنكم واخر شي ما اسير احوط مستحييل..!!

اول شي خذنا خدمه تغسيل السياره مقابل 20 درهم.


عقبها سار اخوي اييب التذاكر وهي خمس دراهم للشخص الواحد.. وتمينا نتريا عشان ندخل بسبب الزحمه اللي ماكنا نتوقعها..دخلنا من البوابه الرابعه... وبتصادفكم مساحه صغيره للي يبون يركبون الجمال والتصوير... طبعا حسافه ان ولد اخوي ماكان ياي ويانا.. فطوفنا وقلنا عقب بنركبه...

وتوجهنا لـ عطورات الحرمين... عندهم عرض للعطور بسعر المصنع.. اخوي وحرمته تشروا وطلعنا.. عقبها شفنا البقيه توهم داخلين القريه.. سرنا اجرنا سياره لولد اخوي عشان ما يزعجنا.. وتوجهنا اول شي لـ


اللي يدخلها بيعيش جو ثاني.. بين رائحه البخور والعود.. وبين التمور السعوديه.. وبتلمح المعامله الطيبه خصوصا من السعوديين الموجودين هناك..

عقبها توجهنا لـ


الي اثبتت في هالعام وجودها في القريه.. وطبعا هناك العديد من المحلات الراقيه والجميله.. واغلبيتها للشباب المواطنين.. وكدعم لهم سرنا تشرينا منهم.. والتعامل وياهم حلو..
واخوي طبعا مدلع ولد اخوي.. واصر انه يشتري له سلاح...!

وعقبها توجهنا للقريه اليمنيه


الي يدخلها بيعيش جو بين الاعشاب و المجوهرات الرائعه.. وتتوزع اكشاك العسل بانواعه هنا وهناك.. وكل ما تمر تعال تذوق تعال تذوق..!! والضحيه خليتهم اخواني..!




اليوله لفت براسهم..!!






مجوهرات ومسابيح راقيه..


اللبس اليمني..


عقبها خذنا عسل..


وطلعنا... والحمدلله كانت القريه هذي هاديه نسبيا ومافيها زحمه

عقبها توجهنا لـ


ماكان فيها شي مميز وماعيبتني وايد.. ماطولت فيها طلعت بسبب الزحمه.. خصوصا وان الحمى بدت ترد لي..

فتوجهنا للـ:




تغيرت عن المرات اللي سرت فيها.. اكثر الاشياء اللي تجذب للبنات بس.. احلى مافيها البدل والاكسسوارات الخفيفه..

خلصنا منها وتوجهنا للالعاب.. طبعا التصوير ممنوع


كانوا خواتي ويا صديقاتهم هناك يلعبون سرنا نطمن عليهم.. وسحبوني وغصب ركبوني المشخله.. وتبهدلت بهدله عمري ما تبهدلتها.. وطبعا نص اللي في اللعبه بويات... وانا ميته من الزياغ ما اداني اكون في مكان واحد وياهم.. وماصدقت خلصت اللعبه .. وعقب حلفت ما اركب أي لعبه ثانيه وروحت عنهم خخخ والله الالعاب زياغ..

توجهنا عقبها للعشق الكبير.. اللي اتمنى ازورها يوم من الايام.. الحب اللي حبيتها من قبل ما اشوفها.. توجهنا لـ












طبعا الازدحام فيها كبير وايد... والسبب معروف.. الجلابيات المصريه هالسنه غير.. والتشكيله غير.. وطبعا ماقصرت عند كل محل واقفه.. ولازم يكون لي نصيب الاسد في الشراء.. وللعلم سرت ورديت عليها هالقريه ثلاث مرات والود ودي ما اطلع منها..!!

ومن مصر توجهنا لـ


ماكان فيها أي شي حلو يذكر... الا بعض الجلابيات النسائيه والمفارش..

عقبها توجهنا لـ



في هذي القريه كنت احس باحساس غير.. من بوابه الدخول لين بوابه الخروج.. في كل مكان تحس كانك فعلا في فلسطين بالرغم اني ما سايرتنها.. بس مادري ليش هالاحساس.. المعروضات الفلسطينيه روعه.. واللبس الفلسطيني اروع.. وخلطات أم حمزه احلى..!!

عقبها توجهنا للبنان..وكان شي عرض للدبكه اللبنانيه برع






وقفنا وخذنا بعض الحلويات..


وعقبها دخلنا سوريا وكانت حلوه وايد اكثر عن قبل.. بس التكرار يملل الواحد.. تقريبا نفس البضايع في الدول الاخرى..


يوم دخلت سوريا.. خليت الكيمرا عند اختي.. واختي العزيزه سارت تكمل لعب بدون ما ادري والكيمرا تمت وياها.. وما قدرت اصور أي شي ثاني للاسف بالرغم اني مريت على بعض الدول بعد..

في النهايه شفت الساعه عشر ونص قلت خلاص نرد.. تعبت... والكحه ذبحتني.. خذنا نجوس وشعر بنات عن خاطري خخخخ... وسرنا السياره

تعبتوني اليوم..!!



حياكم..!!


سوري ما بعطي حد.....!!!



في النهايه حبيت أعتذر عن قلة الصور بسبب الازدحام الشديد.. وصراحه الواحد من يرفع الكيمرا بيصور لازم شي يخرب.. والتصوير كان صعب داخلى القرى.. ان شاء الله اليايات اكثر في السنه اليايه *..*

(خبر جميل وفي نفس الوقت محزن.. وصلني واتمنى لو ينفذ.. القريه من المحتمل ان يتم ايقافها لمده عامين.. لان الارض معروضه للبيع.. واحتمال تثبيت مكان القريه.. واتمنى ان ما يتم تثبيتها الدائم عشان الواحد مايمل..!!)

السموحه منكم..