رحلة جميلة وممتعة اخوي بو سلطان ..شوقتني للمنطقة الشرقية خصوصا مع أجوائها الشتوية الجميلة هالأيام .. اما الآيس كريم الحار شي عجيب الصراحة .. حركات بعد هالمطعم ..

تسلم ايدك .. ودعوة مني لك ان الله يقدرك وتكمل تقاريرك الباقية

اقتباس:

رحلة جميلة وممتعة اخوي بو سلطان ..شوقتني للمنطقة الشرقية

غريب؟ أنتم تطلقون على الفجيرة وما جاورها المنطقة الشرقية مثل ما نطلق نحن على الدمام والخبر المنطقة الشرقية؟ .. ميزة الإمارات العربية المتحدة أن لكل إمارة منها طبيعة خاصة ، وكل إمارة تحوي من التنوع المعماري والثقافي والبيئي الشيء الكثير ..

اقتباس:

تسلم ايدك .. ودعوة مني لك ان الله يقدرك وتكمل تقاريرك الباقية

اللهم آمين .. لكن إن شاء الله ما تكون الدعوة بفلوس مثل دعوات اللندني؟ .. أول مرة أشوف إنسان يحسب كل دعوة ومتى دعاها وكم تكلفتها من منطلق الربح والخسارة رغم إني أدعو له ولكل مسلم بالمجان .. شاكر مرورك أختي حور الإمارات والحمد لله بدأنا نلحظ نشاطك بعد أن من الله على أختك بالشفاء يحفظك الرحمن ..

بارك الله فيك يابوسلطان
والنعم والله في عيال السعد
الله يجزاهم خير
والله يتقبل من ابويوسف
حج مبرور وسعي مشكور إن شاء الله

جزاك الله خير بو سلطان وان شاء الله نشوفك مخلص كل تقاريرك الواقفه

رحله رائعه جدا رديتني لورا وايد

كنا نقوم بمثل هالرحلات مع خالي
واهم شي مصارعه الثيران كنا نشوفها شي ممل

لكن الحينه احن لهالايام ..

البارحه كان لي اتصال مع بنت خالي وخبرتني انها هناك
وصابتني الغبنه :4: يا في خاطري اسير

واليوم شفت تقريرك وعوضني شوي

وان شاء الله تكون لي زياره قريبا

بارك الله فيك

أبو فيصل: شكرا على المرور مراقبنا يحفظك الرحمن ..

ناصر كويتي : عندي نشاط زايد حاليا في الكتابة ولكنه سوف يختفي مباشرة بعد العودة للعمل .. نقول يا كريم!

فوفو : مصارعة الثيران أختي فوفو لو اهتمت بها الفجيرة أكثر شوي كان شفتي السياح يتوافدون على الإمارة .. ما زال تنظيم هذه الرياضة بدائيا مقارنة بحجم ومكانة دولة كالإمارات العربية المتحدة وشكرا على حضورك وأنا سعيد إن جعلتك تسترجعبن تلك الأيام يحفظك الرحمن ..

الله يعطيك الف عافيه يابو سلطان على التقرير الرائع والجميل بصراحه ابدااااااع دائما مبدع ومتالق استاذي العزيز
وعقبال ماتخلص التقرير التانيه وسجلني متابع معك في كل تقرير اول باول
شـكــ وبارك الله فيك ـــرا لك ... لك مني أجمل تحية .
وكل عام وانت بخير حبيب قلبي

كل عام وأنت بخير يا دكتور حمودي .. الواحد يحس بالراحة لما يخلص تقرير .. يشعر وكأن عبئا إنزاح عن عاتقه والله يسهل بالنسبة للتقارير الأخرى .. يحفظك الرحمن ..

اقتباس:

اللهم آمين .. لكن إن شاء الله ما تكون الدعوة بفلوس مثل دعوات اللندني؟ .. أول مرة أشوف إنسان يحسب كل دعوة ومتى دعاها وكم تكلفتها من منطلق الربح والخسارة رغم إني أدعو له ولكل مسلم بالمجان ..

لا تخاف هالدعوة مب بفلوس بس أفكر اسويها المره الياية بفلوس :3:

اقتباس:

والحمد لله بدأنا نلحظ نشاطك بعد أن من الله على أختك بالشفاء يحفظك الرحمن ..

اكيد طبعا نفسيتي تغيرت بعد ماطلعت اختي من المستشفى لاني بصراحة الفترة اللي فاتت مريت بمرحلة صعبة جدا من حياتي كانت نفسيتي في الحضيض وكنت احس بألم نفسي فظيع .. لكن الحين الحمد لله حاسة اني مطمنة على اختي خصوصا انها في بيتنا حاليا اهي وعيالها .. وحالتها تتحسن الحمد لله ..
اللهم لك الحمد والشكر..

الحمدلله ع سلامتك ياخوووي ..
وجزاهم الله خير عيال السعد على الضيافه كفوو او وفو . ما عليهم قصور انشالله ...
الصراحه الموضوووع جذبني لاني كنت واثق انه بيكون غيرر ..
وبالنسبة للفندق المجاور لمنتجع روتانا هو فندق لي مريديان (العقه)
وتسلم على تقريرك المميز..