وأخيرا أبو سعود تحدث! .. سبحان الله الذي يغير ولا يتغير .. معقول أبو سعود يكتب تقرير؟ .. صحيح كان لك تقرير يا أبو سعود في البوابة التركية وكان تقرير ممتع لكني اعتقدت أنه أول وآخر تقرير .. وهذا حدك .. وليس بالإمكان بأفضل مما كان .. وكفاية لحد كذا .. لكن ما شاء الله أشوفك تحمست .. هذا الشمال التركي وما يسوي؟ .. يقلب كيان الإنسان فوق تحت .. لكن يبغالك بعض التدريب العملي يا أبو سعود من خلال معرفة التعامل مع لوحة المفاتيح والخيارات المتاحة ..

أمر طبيعي بالنسبة لك بحكم أنك ما زلت في بداية الطريق .. يا ما إنمسح لنا معلقات أمضينا في كتابتها الساعات لكن الواحد مع الجد والاجتهاد يتعلم .. متابعين يا أبو سعود الروائع القادمة .. أما بالنسبة للخط فيا أخي الإدارة كلها عندك في الكويت .. كلم واحد فيهم يعلمك كيف تكبر الخط وانتهينا .. مسوي لنا إزعاج وبلبلة وطالب المشرفين .. إتصال واحد بمدير منتدانا الباب العالي وهو يحل لك الموضوع بجرة قلم! .. يحفظك ربي

ماشاء الله عليك بو سعود شكلك ماتبي لاتاكل ولا تشرب وتبي توصل للشمال التركي باسرع وقت

متابع طال عمرك


تم تعديل الخط وتكبيره للشياب على ترك وابو سلطان

شكلك يابو سعود من فرحتك بالكاس نزلت التقرير وصارت الفرحة فرحتين لك
متابعك ياعمي للاخر

السلام عليكم ورحمة الله وبركاته

ماشاء الله تبارك الرحمن تقرير مميز بأدق التفاصيل من البدايه جزاك الله الف خير اخى ابوسعود

وجعله فى ميزان حسناتك متابعين معك ومستمتعين ومنتظرين الجمال التركى بالشمال

بارك الله فيك ورزقك الجنه بالدارين

شوصف فيك شخلي منك طيبت قلبك و ضحكت سنك المشكلة انك فاهم كل الاوضاع ............


شهادتي فيك مجروحه يا بعد حيي !!!!!!!!!!!!!!!!!!!!!!!


تقرير مرتب سريع الذوبان مثل نيدو :3: و صحبه مباركه ابو عبد الله و نعم الخوي بس مشكلته

حب الشكلاتات و اعتقد نصف الميزانيه راح على الشكلاته يستاهل ابو عبد الله دام انه كل ما قلت

له شيئ قال امين يعني مريح الزبون على الاخر ..........


ننتظر بقية الاحداث الدراماتيكيه على احر من الجمر

دموع الوجد / قولي غير الكمبيوتر بكبره .
حياك الله في تقريري المتواضع .



أبو سلطان / لا تحرش فيني
أنطر بس راح أصير خبره وأصك عليك ، وصورك موجودة عندي وراح أنزلها :3: وبدون طمس .
والربع كاهم عدلوا لي الخط بدون اتصال ، ولا تزلغ وايرات ، وراح تشوف التقرير اللي على أصوله .... بس تمهل !!
أشكر حضورك وقلمك الساخر الممتع فعلا ، لا حرمناك يا الغالي .



ناصر كويتي / كفو والله يا السبع ، عسى الله يكبر حظك مثل ما كبرت خطي .
تصدق يا بو باسل إنا ما اهتمينا بالأكل كثر ما همنا سرعة الوصول ، وراح تلاحظ أن أكلنا لا يذكر .
أشكرك من كل قلبي




الناي الحزين / أديبة الزاد ، تشرفنا بحضورك الكريم ، وما تقريري إلا بعض مما عندكم ، وإن شاء الله تجدين التميز في تقريري المتواضع .




الهجرة / فرحة الزاد القدير ، حياك الله ، على طاري الفوز ، يا أخي ابتلشنا الرغوة بالشوارع والجراغيات ( العاب نارية ) تقول قصف جوي ، هذا احنا فزنا بالخليج ؟
شلون لو نفوز عالعالم يمكن تصير حرب أهلية :3:
بس هم الفوز له نشوة .
وبالنسبة لوقت تنزيل التقرير سببه أني ما فضيت إلا الحين لأن تدري مابي رمضان والعيد والحج يسبب بانقطاع التقرير ، وتدري الهمة عندي واصله حدها أخاف أبدأ ويحصل انقطاع وتعال هات من يكمل التقرير عني .




yazeed / وعليكم السلام ورحمة الله ، والنعم فيك ، أنت الذيب والله ، أشكرك على مرورك اللي فاح من عطره التقريرُ .
والله يا خوي أنا قاعد أحاول قصارى جهدي بإتمام التقرير على أكمل وجه ، وما تشوف إلا أصابعي على الكيبورد تقول اخطبوط ، وشوى وإلا أصابعي متشابكه :3:
لكن حاضر بحاول أخلص امبجر ( مبكر يعني )


مطيعة لربي / وعليكم السلام ورحمة الله وبركاته ، حفظك المولى ، ومتعك الله بالنظر لوجهه الكريم ، أبشري بالذي يسرك ، إن شاء الله التقرير فيه صور جميله تعجبكم .

أبو صهيب / أمير المؤمنين رضي الله عنه وأرضاه ، فضلك في أعناقنا يا بو صهبه ، والقلوب عند بعضها ، والكاكاوات لا تسولف عنها نصف الميزانية لها .
ويسلم عليك بو عبد الله وتراه فعلا أحبك وأحب شباب المنتدى وأثنى عليكم خيرا . وأنتم أهل لذلك .

السلام عليكم ورحمة الله وبركاته

أخي الفاضل ... " بو سعود "

أشكرك على جهودك المتميزة ...

وأحييك على حضورك المتألق دوما في بوابة السلاطين

مقدمة رائعة وتفصيل دقيق وصور معبرة

تقرير " قوي " من بدايته

هذا تسجيل حضور ومتابعة

بارك الله فيك وزادك من فضله