الله يحييكم جميع وسامحوني على القصور
ترا اخوكم اعجز واحد بالتقارير دكتوراة كسل وتسدح لكن بتصفح التقارير اعجبكم
نواصل التقرير
وصلنا لسوق بن بطوطة وهو عبارة عن سوق ارضي بس انه طويل وينقسم لعدد من الاقسام
ومسمنها باسماء المناطق اللي مر عليها بن بطوطة
وحاطين لوحات فيها تعريف بالاماكن اللي مر عليها ابن بطوطة وبعض التعليقات مثل القسم
الهندي والفارسي والاندلس وتونس
خريطة السوق
تقييمي للسوق 10 من 10
بعدين طلعنا منه الى القرية العالمية
شوفو الابراج مهوب المملكة والفيصلية ويطلعونها بكل لقطة فرحانين فيها
ونلاحظ العمل على تصليح المترو ما شاء الله ناس تشتغل وتخطط صح وبأمانة
وبعدين وصلنا القرية العالمية
وسعر الدخول 5 درهم والبزور بلاش
الحقيقة تستاهل الزيارة بس اهم شي ند الشرا تكاسر وتكاسر وتمثل دور الغثيث
تصدقون اشتريت اشياء من 300 و400 الى 100 والاسعار تتفاوت في بعض المحلات بقوة
على نفس البضاعة
جناح المملكة
وترى ما به حفريات بالارضية ابد
جناح ام الدنيا
جناح الكويت
جناح فلسطين
هالجناح رغم صغره الا اني دخت عنده
عليهم بهارات مهيب صاحية
البهارات قبل يطحنونها
البهار عقب ماطحنوه
وطبيعي وانت تتمشى تبي تشتري اغراض وتبلش بهن قدامك حلين اما تأجر حمالي وبياخذ منك
اكثر من قيمة الاغراض او تشتري مثل هالشنطة وتعبيها واسعارهن تبدا من 30 درهم وكل ما كبرت
الشنطة زاد السعر .:mh1313:
هذي اهديها لابو مطر رجل شرقي
يوجد الله يكرمكم حمامات عامة مجانية
وهذي بفلوس
يوجد مدينة العاب حلوة في نفس القرية
شوفو المواقف برا وش كبرها وهذا جهة وحدة منها
بعدين طلعنا من القرية العالمية حوالي 10 بالليل وللعلم هي تفتح 4 العصر
تقييمي لها 10 من 10
بالليل فاز المنتخب المصري وصارت الشوارع ازعااااااااااااااااج
اليوم التالي طلعنا لسوق التنين الصيني
سوق طويل جدا وما انصح بزيارته لانه يفلس بالواحد
به كل شي في البال واقسامه واجد
تقييمي له 10 على 10
بعدين طلعنا منه الى مول الامارات وفي نفس المول يوجد فندق كيمبنسكي
وللاسف ما صورت به من كثر زحمة الناس به
وعلى المغرب طلعنا للشقة وريحنا شوي وطلعنا للسيتي سنتر
لفينا به ويوم جينا نطلع منه وتصيدنا الزحمة بالسرا لانتظار التكاسي وانتظرنا حوالي ساعه
هذا بداية السرا من داخل السوق
اليوم التالي
سلمنا الشقة وخلينا اغراضنا عندهم ورحنا لبرجمان
برضه برجمان مسوين له توسعة ويميز برجمان تجمع كل الماركات العالمية فيه
ويوجد ببرجمان خدمة الباص المائي وهو باص يتمشى في دبي وخور دبي
لمدة 90 دقيقة وسعر الراكب 120 تقريبا
هذا الباص السياحي مار من عند برجمان
بعدالظهر طلعنا من برجمان للشقة اخذنا اغراضنا وطلعنا للمطار
ياكثر هالنوعية بالمطار مدري وشلون يسمحون لهم ينامون بالارض
هذي طيارتنا البلغارية التابعة لبحرين اير
وهذا قبل الوصول للبحرين يرشون بالمرش للي يبي ما ورد
ملاحظة مهمة
التكاسي في منطقة دبي حوالين حمر عين ما يوقفون لك وبكل غرور يمر من عندك ولايوقف
ويوم سألت سواق تكسي قال التكاسي داخل دبي ما تطلع فلوس كثيرة بسبب ان الوقت يضيع
من الزحمة فيروحون على شارع الشيخ زايد عند الاسواق البعيدة حتى يستفيدون من المشوار
لكن سووا مثل طريقتي .الماريوت جنب حمر عين اروح عند بابهم واذا جا تكسي ركبت معه
ولا اضيع وقتي بالانتظار عند الشقق لانه ماراح يوقف لي تكسي اصلا .
واذا كان زحمة عند الماريوت يعطيك البواب حق الماريوت رقم مثل هذا حتى تاخذ دور
واخيرا قضينا من التقرير بحمد الله
