إضافة رد
17 / 07 / 2007, 52 : 12 PM
رقم المشاركة :  1 
عضو مجلس الإدارة



الملف الشخصي
تاريخ التسجيل : 26 / 06 / 2007
رقم العضوية : 82
الإقامة : الــــكـــــو يــــت
المشاركات : 48,648
التقارير : 7
الجنس : ذكر
الحالة : ناصر كويتي غير متواجد حالياً
رحلتي الى نيويورك









السلام عليكم ورحمه الله وبركاته


اخواني واخواتي حبيت اضع بين يديكم اليوم رحلتي الى امريكا وبالاخص رحلتي الى نيويورك وحبيت احطها في موضوع مستقل عن موضوعي نيويورك لاختلاف الموضوع

اولا كانت الرحله في تاريخ 30/6/2006

وكانت للرحله ابعاد اخرى:poster_ban:

اهمها كانت عاطفيه لانها كانت اول سفره لي طويله مع الوالده خصوصا بعد وفاه الوالد رحمه الله عليه اول السنه 7/1/2006

لذا فرحت كثيرا :poster_dev:

عندما قررت والدتي الذهاب معي خصوصا اني كنت احن عليها من زمان السفر معي لكن كان عذرها الوالد رحمه الله عليه وملازمته له على طول


وايضا كانت السفره بعد يوم واحد فقط ليوم الانتخابات لمجلس الامه وكان صيفنا العام الماضي حار جدا واكثر السياح اجلوا سفرهم بسبب الانتخابات :poster_dots:
كان يوم السفر هو الجمعه والانتخابات يوم الخميس وكنت سهران للصبح في انتظار نتيجه الانتخابات وايضا علشان اروح المطار وادخل الشنط اول الناس لاخذ الاماكن المناسبه لان الرحله كانت لمده 14 ساعه طيران على الكويتيه من الكويت الى نيويورك دايركت والواحد لازم يشوفله مكان مناسب للرحله والحمدلله حصلت لي اماكن ممتازه والطياره كانت شبه ممتلئه خصوصا من الركاب الترانزيت الهنود وياكثرهم على خط نيودلهي نيويورك :poster_oops:

قبل السفر بمده كافيه حجزت لي فندق في نيويورك وهو فندق امباسي سويت في مانهاتن بالقرب من مبنى التجاره العالمي اللي ضرب بالطيارتين وكان موقع الفندق رااااااااائع جدا مقابل البحر وايضا مقابل تمثال الحريه الشهير او ليدي اوف ليبرتي

ركبنا الطياره الصبح وكنا مستعيدن للسفر خصوصا العيال اللي كانت السفره مفاجاه لهم وحبيت افاجأهم بالسفر اخر لحظه وتم ذلك عندما صحيتهم الصبح الساعه 6 وقلت لهم يالله نبي نسافر بسرعه لبسوا :Jawdrop2:

باسل ولدي طبعا مو مصدق وضاري اخوه طار من الفرحه وكنا مستعدين لهم انا وزجتي بالشنط وباغراض السفر كامله خصوصا الالعاب مثلا البلي ستيشن بي اس بي لطول المده والجيم بوي

والاشرطه والدي في دي

والحمدلله خلصنا اجراءات السفر بسرعه لاننا اول الناس في المطار واعرف عيالي ماياكلون اي شي في الطياره فحبيت يفطرون في المطار والحمدلله خلصنا وركبنا الطياره

الوالده حبت تجي مع اخوي اول شهر سبعه

راح ادعم تقريري بصور كثيره ان شاء الله

تابعوني
المواضيع الموجودة في الموقع تعبر عن رأي كاتبها ويتحمل مسؤوليتها فقط ولا تعبر بالضرورة عن رأي موقع زاد المسافر
17 / 07 / 2007, 03 : 02 PM
رقم المشاركة :  2 
{ مـؤسـس }



الملف الشخصي
تاريخ التسجيل : 23 / 06 / 2007
رقم العضوية : 7
الإقامة : "" U A E ""
المشاركات : 5,249
التقارير : 7
الجنس : ذكر
الحالة : رحال الإمارات غير متواجد حالياً
رد: رحلتي الى نيويورك

بإنتظار التكمله والصور

وجزاك الله خير على انك وديت الوالده معاك .... كسبت فيها اجر
17 / 07 / 2007, 33 : 02 PM
رقم المشاركة :  3 
عضو زاد المسافر الفخري



الملف الشخصي
تاريخ التسجيل : 26 / 06 / 2007
رقم العضوية : 78
الإقامة : الـمـربــوعــة
المشاركات : 2,032
التقارير : 3
الجنس : ذكر
الحالة : محمد مكلبش غير متواجد حالياً
مشاركة رد: رحلتي الى نيويورك



مشرفنا الغالي ناصر كويتي


ما شاء الله بداية تجعلنا نقول :

متابعين .. وقاعدين .. وناطرين ..

يعني بالعربي لا تتأخر علينا .


الله يحفظك يا أبو باسل ، ويخليلك عييلك ومرتك وامك .

مع بالغ مودتي ،،،

مــكــلــبــش
17 / 07 / 2007, 39 : 02 PM
رقم المشاركة :  4 
][::.. مسافر جديد ..::][



الملف الشخصي
تاريخ التسجيل : 16 / 07 / 2007
رقم العضوية : 214
الإقامة : KSA
المشاركات : 17
الحالة : Hot Chocolate غير متواجد حالياً
رد: رحلتي الى نيويورك

السلام عليكم

اخوي ناصر سجلني من المتابعين

بإنتظار باقي التقرير والله الله بالصور




تحياتي


شوكلت
Nothing to say just smile and be happy
17 / 07 / 2007, 33 : 11 PM
رقم المشاركة :  5 
عضو مجلس الإدارة



الملف الشخصي
تاريخ التسجيل : 26 / 06 / 2007
رقم العضوية : 82
الإقامة : الــــكـــــو يــــت
المشاركات : 48,648
التقارير : 7
الجنس : ذكر
الحالة : ناصر كويتي غير متواجد حالياً
رد: رحلتي الى نيويورك

ماشاء الله الربع صافين دور هههههههههههههههههه

خلوني انزل التقرير اول يا حبكم للاماكن الاولى


على العموم ابشروا باللي يسركم
:poster_av1:
المواضيع الموجودة في الموقع تعبر عن رأي كاتبها ويتحمل مسؤوليتها فقط ولا تعبر بالضرورة عن رأي موقع زاد المسافر
17 / 07 / 2007, 56 : 11 PM
رقم المشاركة :  6 
عضو مجلس الإدارة



الملف الشخصي
تاريخ التسجيل : 26 / 06 / 2007
رقم العضوية : 82
الإقامة : الــــكـــــو يــــت
المشاركات : 48,648
التقارير : 7
الجنس : ذكر
الحالة : ناصر كويتي غير متواجد حالياً
رد: رحلتي الى نيويورك

السلام عليكم جميعا

اليوم راح اكمل من المطار والحمدلله دخلنا المطار والعيال تريقوا وكانت الفرحه مو شايلتهم


صوره من المطار او من البوابه وتبين طيارتنا اللي راح نركبها وهي من نوع بوينغ 777 المخصصه للمسافات الطويله











ركبنا الطياره وكنا على صف واحد اربع مقاعد لان الطياره فيها ثلاث صفوف كل صف ثلاث مقاعد وكانت جارتي عجوز هنديه قبل لاتطير الطياره نايمه الله يعينا لكن الحمدلله الصف اللي خلف الاهل كان فاضي وعلى طول حجزته اول ما صكوا الباب وقزرتها عليهم بالنوم لاني من المدخنين الله يبعدكم عن التدخين وطول الرحله الواحد مصدع بسبب الزقاره الله ياخذها


اخوكم بالطياره انواع التعب والارهاق شوفوا الهنديه من الحين نايمه










ما اطول عليكم الرحله كانت متعبه لاخر درجه خصوصا للمدخنين اياهم وطبعا الطاقم كان متعاون جدا والخدمه ممتازه لانها رحله طويله الافلام كانت تقريبا 8 افلام جديده العيال من الوناسه ماذاقوا النوم طول الرحله

انا قلت لهم لحد يحاول يقعدني خلوني انام ليمن نوصل طبعا مستحيل انام ساعتين على بعض مع ان المكان مريح جدا والمظيف كل ساعه يمر علي ويخزني تقول ذابح اهله وكل ساعه يقولي ها نمت عدل


عاد انا بروحي صابر ومصدع كلمته قلت له اشفيك عسى ماشر قاللي يبا اشخيرك واصل لاخر الطياره :ranting:

واله مو مني لكني سهران وانا مو متعود على السهر ولا احبه

مالكم بالطويله وصلنا مطار جي اف كنيدي والحمدلله وانا عارف السالفه قلت للاهل بسرعه نطلع قبل الزحمه لان الممر طويل جدا وفعلا نزلنا بسرعه ليمن الجوازات والحمدلله كانت الامور سهله جدا وكالعاده بصمنا ووصورونا وخلصنا من اجراءات التفتيش لاني كنت مسجل عندي اكل وطبعا لازم يشوفونه

وهني احب انصح الكل لازم تقول شنو وياك ولا تحاول تتهرب لانهم لو يصيدونك يمكن يغرمونك غرامه كبيره

والمساله عاديه جدا اي شي تجيبه معاك لازم يكون مغلف وعليه ستكرز لمده الانتهاء فقط لاغير


طلعنا وكنت حاجز لنا ليموزين من النت سعره 150 دولار الى الفندق وكانت هذي هديه لضاري لانه كان من المتفوقين والحمدلله وكان وده يركب ليموزين بالكويت فخشيتها له في المطار وكانت له المفاجاه الثانيه
الليموزين واقفه عند الفندق





المواضيع الموجودة في الموقع تعبر عن رأي كاتبها ويتحمل مسؤوليتها فقط ولا تعبر بالضرورة عن رأي موقع زاد المسافر
18 / 07 / 2007, 12 : 12 AM
رقم المشاركة :  7 
عضو مجلس الإدارة



الملف الشخصي
تاريخ التسجيل : 26 / 06 / 2007
رقم العضوية : 82
الإقامة : الــــكـــــو يــــت
المشاركات : 48,648
التقارير : 7
الجنس : ذكر
الحالة : ناصر كويتي غير متواجد حالياً
رد: رحلتي الى نيويورك

اكمل معاكم الرحله

وصلنا الفندق وهو امباسي سويت تابع لشركه هلتون العالميه يمتاز هذا الفندق بغرف السويت فقط وبما اني من منتسبين هلتون اكيد راح يعطوني غرفه كبيره او يسوون لي اب قريد وفعلا مثل ما توقعت عطوني سويت كبير عباره عن غرفتين ومطله على البحر الجميل ويمتاز الفندق بالفطور المجاني اللذيذ طبعا امريكا اللي راح لها يعرف شنو الفطور عندهم هذي بعض الصور للفندق لكن للاسف ما صورت السويت من الداخل




في الطريق الى السويت








لقطه مع العيال











لقطه من الفندق






المواضيع الموجودة في الموقع تعبر عن رأي كاتبها ويتحمل مسؤوليتها فقط ولا تعبر بالضرورة عن رأي موقع زاد المسافر
18 / 07 / 2007, 23 : 12 AM
رقم المشاركة :  8 
عضو مجلس الإدارة



الملف الشخصي
تاريخ التسجيل : 26 / 06 / 2007
رقم العضوية : 82
الإقامة : الــــكـــــو يــــت
المشاركات : 48,648
التقارير : 7
الجنس : ذكر
الحالة : ناصر كويتي غير متواجد حالياً
رد: رحلتي الى نيويورك



راح احاول اخلص رحلتي الى نيويورك بسرعه لاني قعدت فيها فقط 5 ايام وبعدين رحت حق كاليفورينا لوس انجلس


برج التجاره العالمي او كان هنا برج التجاره العالمي تعرفونه وهو قريب من الفندق




لقطه من نادي اليخوت بالقرب من الفندق مع باسل







تمثال الحريه او ليدي اف ليبرتي وهو مقابل الفندق بس بينا وبينه بحر





المواضيع الموجودة في الموقع تعبر عن رأي كاتبها ويتحمل مسؤوليتها فقط ولا تعبر بالضرورة عن رأي موقع زاد المسافر
18 / 07 / 2007, 36 : 12 AM
رقم المشاركة :  9 
عضو مجلس الإدارة



الملف الشخصي
تاريخ التسجيل : 26 / 06 / 2007
رقم العضوية : 82
الإقامة : الــــكـــــو يــــت
المشاركات : 48,648
التقارير : 7
الجنس : ذكر
الحالة : ناصر كويتي غير متواجد حالياً
رد: رحلتي الى نيويورك

طبعا نيويورك اللي يبي يروح لها اول شي ياخذ الباص السياحي وهو موجود في التايم سكوير وسعر التذكره تقريبا 25 دولار وهو من طابقين مثل باصات لندن وفيه مرشد سياحي يقرق فوق راسكم ساعتين وتكلم عن كل شي في نيويورك وهذا الشارع اللي مثل فيه سبايدر مان وهذا المطعم اللي اشتغل فيه سبايدر مان وهذا مال باتمان انواع القرقه وكل ساعه يقول انا والسايق لاتنسونا من التب او البخشيش

الحلو اللي في الباص انك اذا تبي تنزل اي محطه تنزل عادي وتقدر تاخذ الباص اللي وراه وتحتفظ طبعا بالتذكره لانها ليوم كامل وفي رحلات بعد حق شلالات نياغرا بس المده ثلاث ايام ما حبيت اروح لها



ضاري ولدي مع الباص السياحي










هذا الشخص لابس مثل تمثال الحريه والصوره معاه ب 10 دولار







هذا الحنطور عند السنترال بارك اكبر حديقه في امريكا وهي حديقه مشهوره جدا وفيها العاب ومطاعم










اخر صوره في نيويورك حق مطعم ومتجر بلانت هولييوود الشهير








اتمنى انكم استمتعتوا بالرحله وياي وان شاء الله اكون وفقت في سرد اول رحله لي الى نيويورك


اذا في اي اضافات او تساؤل ياليت تسالون ومايردكم الا لسانكم


الرحله القادمه الى لوس انجلس الجميله

انتظروني

اخوكم ناصر كويتي
المواضيع الموجودة في الموقع تعبر عن رأي كاتبها ويتحمل مسؤوليتها فقط ولا تعبر بالضرورة عن رأي موقع زاد المسافر
18 / 07 / 2007, 30 : 07 AM
رقم المشاركة :  10 
{ مـؤسـس }



الملف الشخصي
تاريخ التسجيل : 23 / 06 / 2007
رقم العضوية : 8
الإقامة : Abu sultan
المشاركات : 2,982
التقارير : 3
الجنس : ذكر
الحالة : دهميد غير متواجد حالياً
رد: رحلتي الى نيويورك

ما شاء الله عليك يا بو باسل
سرد ممتع .. وصور جميلة .. ويستاهل ولدنا ضاري تشتري له لموزين بعد ..
إضافة رد


المواضيع المتشابهه
الموضوع كاتب الموضوع المنتدى الردود آخر مشاركة
[تقرير مصور ] نيويورك ناصر كويتي زاد المسافر الى الولايات المتحدة الامريكية 17 27 / 10 / 2015 00 : 09 AM
فنادق نيويورك bader264 بــوابـة الاسـتفـسـارات عـن الولايات المتحدة الامريكية 1 20 / 01 / 2015 49 : 06 AM
من نيويورك إلى سان فرانسيسكو nado0osh بــوابـة الاسـتفـسـارات عـن الولايات المتحدة الامريكية 2 05 / 03 / 2014 40 : 08 AM
سكن في نيويورك مسافره الى اي مكان بــوابـة الاسـتفـسـارات عـن الولايات المتحدة الامريكية 0 22 / 02 / 2014 39 : 11 AM
اريد شقة في نيويورك alhdf بــوابـة الاسـتفـسـارات عـن الولايات المتحدة الامريكية 7 24 / 12 / 2012 25 : 02 PM


المواضيع ، تعبر عن رأي كاتبها ويتحمل مسؤوليتها فقط ، ولا تعبر بالضرورة عن رأي شبكة ومنتديات زاد المسافر .