السلام عليكم ورحمة الله وبركاته

حبيت اخبركم عن تجربتي في هذي الشقق grand medwest في ميديا ستي في دبي طبعا مثل ما انتوا عارفين الاسبوع الماضي كان زحمة وما فكرت احجز الا متاخر فكانت تقريبا اغلب الفنادق محجوزة وبالصدفة لقيت هذي الشقق لمدة يومين علما اني ابي اربع ليالي وحجزت استديو ب540 درهم وكان السعر ممتاز وللاسف الصور اخدعتني كثير ومو مطولة عليكم وبسرد لكم مساؤها:


1- طبعا الدخول من الباب الخلفي الى الان ما بعد يفتحون الباب الرئيسي (الاستقبال) لدرجة ان مرتين نسأل التاكسي متأكد من المكان ....وايضا الشارع اللي فيه الشقق شبة اظلم (فقلت هذي اولها ينعاف تاليها)
2- جينا للاستقبال كان غير منظم وكان فيه موظفين اثنين وحدة هي اللي تشتغل وتروح هنا وهناك وكذا مجموعة ينتظرون يخلصون والثاني اللي معاها شكله يتعلم
3-دخلت الغرفة وكانت الصدمة الكبرى مدري ما ارتحت فيها كنت اصبر نفسي جيت للسرير واشوف شعر راس واقول لزوجي شوف قام يتطنز علي وقال وهنا في بقعة اثناء كلامه سحب البطانية وطلع فعلا في بقعة صفراء على الشرشف
4- طبعا نزلنا عشان نطلع نتعشى وقلنا لهم غيروا الشراشف وعدلوا السيفتي بوكس وحطوا بتري في الريموت طالعتنا الموظفة بنفس خايسة واسلوب اخيس وكاننا ساكنين من حلالها .
للأسف رحلتنا كانت متأخرة وكانوا حاجزين مبلغ الليلة الاولى
5- الخدمة بطيئة.

ورجعنا وشفناهم غيروا كل شي وانا حطيت في بالي اني اغير الفندق ماحصلنا منهم خير والحمدلله لقيت في فندق جراند ميلينيوم اللي كنت ابيه من قبل .

نسيت اقولكم ان الشي العدل اللي عندهم هو الفطور

هذا الكلام يعبر عن وجهة نظري وعن اللي شفته
حبيت افيدكم لان في اللي احسن منهم وافضل سعر مثل كورال الخوري مثلا...

الله يعطيك العافية على التنبيه وياليت لو كان فيه صور

الحمدلله على السلامه

الوقت هذا مزحوم للاخر والناس مشغوله

اهم شي انهم سمعوا كلامكم وهذا تحسب لهم

وياليت لو نشوف تقرير

او رابط للفندق

بارك الله فيك على التنبية

وكنا نتمنى صور عشان الكل يعرف شكل الفندق و يحذر منهم

هلا والله وسهلا باللي ردو

للاسف ماعندي صور لاني مالي خلقه
بس هذا الرابط اللي حجزت منه في موقع بوكينغ

اولا الحمد لله على السلامة
اللى حصل عندنا بدبي خلال الاسبوعين الماضين
اولا مهرجان التسوق ثانيا احداث مصر
الجميع حول من مصر الى دبى جميع الفنادق نسبة الاشغال 100 %
حظج للاسف غير موفق وخيرها بغيرها
وبعدين الفندق بعيد جدا عن دبى بمدينة الاعلام
دائما افضل الحجز المبكر
عموما تجربتكم راح يستفيد منها الاخرين
وبالفعل كورال خورى روعه والدليل اختيار اعضاء الزاد لذلك الفندق والرابط للرحلة بتوقيعى
تقبلي تحياتى

الحمد لله على سلامة الوصول أختنا سياحية .. جميل أن تضعي تجربتك عن الفندق الذي اخترتيه للسكن .. وموقع بوكنج يضعون تقييما للفنادق من خلال آراء النزلاء .. إنني أستخدم موقع بوكنج في جميع حجوزاتي وأحرص على قراءة آراء النزلاء قبل إختيار الحجز في أي فندق .. وغالبا عندما يأخذ الفندق نسبة 5 أو أقل في تقييم النزلاء في بوكنج فهذا دليل على أنه فندق متواضع .. وهي طريقة من بوكنج لجعل الفندق يحسن من خدمته مستقبلا .. يحفظك الرحمن ..

يعطيك العافيه

حتى انا يوم بغيت احجز وكان الوقت جدا متأخر ماحصلت الا كم فندق عن طريق بوكينغ ومن ضمنها هذا الفندق

بس سبحان الله استخرت واجلنا الروحه كلها لبعدين

بو سلطان كلامك صحيح ما جاء في بالي اني اقرأ تعليقات الزوار خلاص في المرة الجاية ان شاء الله
very elegant الفنادق في ميديا سيتي يمكن تشوفها اسعارها مناسبة لكن نصيحة اذا ماعندكم سيارة لا تسكنون في هذي المنطقة لانها بعيدة وبيأخذ منك التاكسي اكثر مثلا الروحة من جراد ميلينيوم الى دبي مول تقريبا 50 درهم واذا بتروح مشوار ثاني شوف بكم تطلع عليك فادفعوا زيادة في مكان اقرب واوفر للوقت.