وبالنسبه للسياره للتأجير اي شركة نأجر من الكويت ولا في لوس انجلس

سانتا مو نيكا رائعه وبيفرلي هيلز بعد لا تقل روعه لكنها غاليه جدا

حجز السياره يفضل من النت ومن الشركات هناك ارخص

في شركه دولار رخيصه ومنتشره ولهم فرع في مطار الكويت قارني الاسعار ما بينهم وشوفي الافضل لكن مهم جدا تحجزون سياره قبل السفر

فندق رائع وهو تابع لسلسله فنادق انتركونتنتال

موقعه بمنتصف السترب

كل شي يمك ولا تحتاج الى سياره

ومقابله فندق كازينو وفيه مجمع للالعاب كبير جدا وبعد يقابله النافوره الشهيره في فيغاس

انصحك ما تسكن فيه اذا معاك اطفال لانه فيه كازينو

وطبعا نصيحتي لك لها اسباب لان عندهم قانون هناك اللي يقامر او يلعب بمكاين القمار اقل من 18 سنه يغرمونه غرامه عاليه جدا

وهناك المكائن منتشره بشكل مو طبيعي حتى في دورات المياه وانتو بكرامه موجوده فهني توجد صعوبه بانك تسيطر على اطفالك بعدم اللعب مع ان الاجهزه شكلها تغري

وفي فندق الاقصر على شكل الاهرامات باللون الازرق انصح فيه وبشده مع ان فيه كازينو لكن فيه العاب وسينما ومطاعم

لكن الحلو اللي فيه ان فيه بوفيه شرقي للفطور والغدا والعشا

بعد التحية انا عايش فى لاس فيغاس .حاول تدخل على الويب سايت فندق cosmopolitan بصراحة اجمل فندق فى لاس فيغاس وفى العالم. افتتح قبل اربعة اشهر، جميع الغرف فيها بلكونة ومطبخ، واسعار الغرف موغالية اذا نويت راسلنى وانا لك بالشوفة.

هلا وغلا يالغالي ..
أنا أكتب لك الآن من لوس أنجلس .. أقضي إجازة لزيارة أطفالي إللي عندهم إجازة الربيع هالأيام ..
جالس بشرفة الفندق مع هالإطلالة اللي تشوفها بالصورة .. وراح أقول لك على هالفندق بعد شوي ..




أبو باسل (ناصر كويتي) عمدتنا الأمريكي .. و لانطول ركبته .. كلامه درر .. وأنا ألحين ماتتخيل شكثر منقهر إني ماعرفت كل هالمعلومات عن لاس فيجاس وللا كان عطيتها نصيب وافر من رحلتي .. قال لي أبوباسل لا تفوّت لاس فيجاس لكن ماسمعت الكلام .. يمكن لوس أنجلس أستهوتني ولابعد شبعت منها لا أنا ولا الأطفال .. لذلك قضيناها كلها بلوس أنجلس .. عموماً إللي بأقوله إن الإختلاف بالآراء طيب والتنوع فيها يفيد السائل .. لذلك أنا ما أنصحك أبداً تسكن في نيوبورت أو أناهايم .. أرفاين مدري عنها ما جيتها .. نيوبورت هاديه بالحيل بالحيل وبعيده عن وسط وشمال لوس أنجلس إللي فيها كل الأماكن إللي تستحق الزياره .. يعني بالراحة ساعة إلا ربع إلى ساعه حتى توصل لسانتا مونيكا أو هوليوود أو بيفرلي هيلز .. ترى لوس أنجلس كبيرة حيل .. أنا أقول إنها تعادل 6 إلى 8 أضعاف مدينة الرياض .. لذلك وبعد زياراتي الماضية لكاليفورنيا وبالذات لوس أنجلس .. عرفت هالمرة وين أسكن وكان خياري سليم والحمدلله .. سكنت بمنطقة إسمها ماريا ديل راي Maria Del Rey .. المنطقة مليئة بالحياة .. بيتش رائع وممشى على البيتش ومطاعم وكافيهات .. و أهم من كل هذا .. سانتا مونيكا ماتبعد عنك أكثر من ربع ساعة .. وهوليوود و بيفرلي هيلز ماتزيد عن 20 إلى 25 دقيقة .. ونفس الشي لو بغيت تروح صوب نيوبورت .. بحدود نص ساعة .. يعني إنت هنا بمنتصف لوس أنجلس .. أبعد مشوار عليك بيكون ديزني لاند .. تقريبا ساعة بالسيارة .. أما بخصوص بيفرلي هيلز .. لو إنك إنت وزوجتك ومامعكم أطفال .. ماهيب شينه لو أخذتولكم ليلتين بهالفنادق الرومانسية إللي هناك لتجديد شهر العسل عسى الله يديم عليكم المحبة .. تراها تستاهل إسمع كلام أخوك .. وأنصحك بفندق إسمه بيفرلي هيلز .. يجنن .. وعقب هالليلتين تعالوا وأسكنوا بماريا ديل راي .. سانتا مونيكا رائعة رائعة رائعة .. فيها البيير إللي داخل ع البحر و فيها شارع للمشاه إسمه ثيرد ستريد برومينايد Third Street Promenade .. هذا الشارع مليان كافيهات ومطاعم ومحلات تسوق .. مع أصحاب المهارات الفردية إللي يقدموا عروض فنية ومضحكه للناس .. شارع للمشاه فقط .. ممتع جداً .. تقضولكم نص نهار مع الغروب هناك آخر حلاوه .. وبطرف هالشارع فيه مول إسمه سانتا مونيكا بليس Santa Monica Place عندهم بالدور العلوي المكشوف مطاعم حلوه ومتنوعة .. وش بعد .. إمممممممم .. ترى العيال صاجيني يبوني أفك اللابتوب وأخرج .. قلتلهم أعطوني 10 دقايق وآخذلكم ميلك شيك الليلة .. وافقوا لأني حارمهم من الأشياء الباردة .. هالأيام الطقس هنا بارد .. عموما لارجعت أنا للسعودية عقب أسبوع إن شاء الله أكتب لك أكثر .. ومدن الترفيه كثيرة حيل .. قال لك عنها ابوباسل ومابي أكرر .. بالنسبة لسان دييجو .. هذي سلمك الله أعرفها وأدلها زين .. عيالي عايشين فيها .. إنت للحين ماجاوبت على سؤال بوباسل عن طبيعة سياحتك لكن لو إنك مثلي من اللي يحبون المناطق الساحلية والبحر والممشى والكافيهات والمطاعم اللي تفتح على البحر مع الهوا اللي يفتح النفس .. عليك بالسكن بمنطقة إسمها أوشن بيتش .. فيه فندق هناك روعه فاتح ع البحر موقعه خياااااااااااااااااال .. عندي كم صورة له .. بحطها لك بعدين .. تسكن بهالفندق ليلتين طال عمرك ثم تروح تسكن بفندق الهيلتون بمنطقة يقال لها مشن باي Mission Bay .. أخذت عيالي من البيت بسبتمبر الماضي وقعدنا لنا فيه ويك إند ولا أروع .. هذا بيكون أحلى لو معك أطفال بعد .. وحتى بدونهم بتستانسون .. خضرة وبحر وخير من الله .. هم بعد عندي صور لها بحطها لك بعدين .. بس إسمع كلام أخوك أبوهشام لأنك راح تدعيلي بإذن الله ..
لاس فيجاس و سان فرانسيسكو ماجيتهم ولا أقدر أفتيلك فيهم .. أبوباسل مثل ماقلتلك يكفي و يوفي .. عمدتنا .. والأخ كذلك إللي كاتب الرد اللي فوقي (الجربه) ساكن بلاس فيجاس الله يجزاه بالخير عرض عليك الخدمة عسى الله لايحرمه الأجر ..




كلش يلحق بالتفصيل لاتشيل هم ..

ماشالله الاعضاء ما قصرو
بس بغيت اعطيك معلومات عن سان فرانسيسكو،، انصحك بالسكن في اليونيون سكوير
وانشالله بكتبلك الفنادق المقترحه و الاماكن السياحيه...

تحياتي،،

الاماكن السياحيه فى سان فرانسيسك و هي:

- Fisherman's Wharf
- Pier 39
- Al catraz Island
- Lombard Street
- Coit Tower
- Golden Gate Bridge
- Golden Gate Park
- China town
-Union Square
- TWIN PEAKS
- CABLE CAR
- SALSALITO( من البيير 39 تاخذون مركب وتروحون الى سالساليتو وهي مرتبطة بسان فرانسيسكو بواسطة القولدن قييت بردج))


السكن يفضل انه يكون في وسط المدينة في منطقة Union Square


Union Square San Francisco Hotels- Downtown San Francisco Luxury Hotel- Westin St. Francis


Union Square Hotels & Downtown San Francisco Accommodations - Grand Hyatt San Francisco


San Francisco Marriott, San Francisco Hotel: JW Marriott Hotel San Francisco.


San Francisco Marriott, San Francisco Hotel: JW Marriott Hotel San Francisco.



Luxury Boutique Hotel in San Francisco - Orchard Hotel.

واذا تامر بشي ثاني مايردك الا كيبوردك


تحياتي،،

الصراحه ماقصرتوا كلكم بلا استثناء بيض الله وجوهكم