قررت انشالله اسافر لامريكا من نهاية 6 الى 22-7 2011 تقرين 24 يوم بالتحديد لوس انجلس-سان دييغو-سان فرانسيسكو-لاس فيغاس وذا بعد في مكان حلو انا ناسي قريب من الاماكن هذي خبروني عنا المهم ماطول عليكم ابي نصايحكم الكريمه في السكن في مكان حلو وامن وتعطوني الاماكن السياحيه والاسواق الخ... واكون جدا شاكرلكم.

الله يحييك اخي الكريم سان فرانسيسكو ولوس انجلس وسان دييغو في ولا يه كاليفورنيا ولوس انجلس في ولا يه نيفاده وهي تقريبا 300 كيلو متر من لوس انجلس

الاماكن السياحيه كثيره خصوصا في لوس انجلس

ديزني لاند ويونيفيرسال ستوديو وسفن فلاقز ومدن العاب بالهبل هناك

الاسواق عد وخربط

السكن انصحك تسكن في نيو بورت ولا ايرفاين لكثره العرب فيها ومطعم الحلال

سان دييغو فيها سي وورلد ومنطقه رائعه

السكن حاول انك تشترك في اي شركه للفنادق العالميه علشان تحصل نقاط وخصومات وبعد حجز مؤكد وترقيه بكل مره


بس بعرف عدد الاشخاص اللي وياك واي طيران راح تاخذ

واهم شي الفيزا عندك ولا للحين مقدم عليها

شاكرلك اخوي ناصر على الرد طال عمرك وبالنسبه للفيزه موجوده والحمدالله وحجزت طيران كي ال ام ورايح انا مع زوجتي

وابي نصيحتك في تقسيم الرحله (عدد الايام) في المناطق الي بروحلها مع العلم اني بأجر سياره هناك

السياره ضروريه مع جهاز الجارمن وانصحك تاخذه من هني وتخزن فيه خريطه امريكا 2011 الجديده وهي موجوده في المنتدى وبلاش بعد

24 يوم قليله جدا

ماعرف نقطه الوصل لكني متوقع راح تكون في لوس انجلس

هذي يبيلها 10 ايام والسكن يكون في نيو بورت او ايرفاين

وانصحك تحجز للالعاب من الحين في النت علشان تاخذ خصم محترم وبعد تحجز الفندق والسياره

ولاتنسى تشترك مع اي شركه للفنادق علشان تفيدك في المستقبل


وبعد لوس انجلس انصحك تروح سان دييغو لمده ثلاث ايام

ومنها الى لاس فيغاس 3 ايام الى خمسه وهي تستاهل

وتطلع بالسياره طبعا الى فرانسيسكو تقريبا 8 ساعات والطريق ولا اروع وهذي يبيلها 5 ايام على الاقل

انصحك في كل بلده تاخذ الباص السياحي وتشوف الاماكن السياحيه اللي تزورها بعدين مع اهلك

وبعدين ترجع الى لوس انجلس
علشان تشتري الهدايا واذا عندك وزن زايد كالعاده تشحنهم ارخص لك

الفعاليات هناك كثيره ومتنوعه وتختلف من شخص الى اخر يوجد سياحه للالعاب والمجمعات والاماكن الطبيعيه والبحر وكل شي



هذي خطوط عريضه للرحله وان شاء الله افصلها لك تفصيل بس بعرف نوعيه السياحه اللي تحبها

السكن في فيغاس انصحك تبتعد عن الفنادق اللي فيها كازينو افضل لك علشان تبتعد عن الزحمه

وافضل فندق هو هلتون فكيشن كلوب روعه وباخر السترب

السترب هو عباره عن شارع فيه كل الفنادق الدرجه الاولى وكل الالعاب وكل شي

وعلى فكره الفنادق في فيغاس رخيصه وسعرها ما تتعدى 100 دولار

جزاج الله خير دموع على الرابط الحلو

الله يعطيكم العافيه اخوي ناصر واختي دموع ماقصرتوا على المعلومات الحلوه

يعني ماتنصح بالسكن في سانتامونيكا او بيفيرلي هيلز؟؟؟؟؟؟؟؟؟؟؟؟؟