في تجربه رائعه وفريده من نوعها بتفرد فندق قصر الامارات بكل
انواع الترف والرفاهيه والفخامه الموجوده فيه
سكنت قبل 5 سنوات في فندق القصر جميرا في دبي وكانت
تجربه رائعه وممتعه لي انا وعائلتي لكن للاسف
الصور اختفت في مكان ما ,,, وقبل سنتين ذهبت انا وزوجي في
رحله زوجيه خاصه لمدة 3 ليالي
المكان رائع بكل ماتعني الكلمه لدرجة اني كنت ماحب اطلع من
الفندق لاني اتحسف على الوقت الي اقضيه فيه
ونفس الشي الصور كانت مختفيه لكني دعبست في كل مكان لين حصلتها الحمدلله
وفي البدايه اوجه هذه التحيه البسيطه :
من السعوديه.. لــ كلّ الإمارات @ هلا من الخافق.. و يا مرحبا الساع
أحرص على شعب الإمارات بالذات @ أهل الكرم, والذوق.. واقلام الاِبداع 
وصلنا الفندق واستقبلونا من عند البوابه واعطيناهم الاسم وما نتظرنا ولا شي على طول جت معانا وحده شقراء وفي يدها باقة ورد صغيره اعطتني اياها وراحت معانا الغرفه وسوت لنا التشيك ان في الغرفه يعني قمة الدلع
وهذي صورة باقة الورد الصغيره
طبعا انا مرررره استانست فيها
واحنا رايحين الغرفه سالتنا سبب الزياره قلت لها اجازه واحتفاليه خاصه فينا
ماقصرت بنت الحلال باركت لنا وتمنت لنا اقامه سعيده
وهذي صور للمرات وطبعا هي ااكبر واحلى من تصويري بكثيييير
وهذي صور للغرفه
وهذا صحن الفاكهه ومعاه مو يه فيها اوراق ورد
وهنا هذا الصندوق الصغير فيه تشوكلت كانت يمي يمي ....
وهنا الريموت كونترول للتلفزيون والنور بعد واول مره اشوف مثله حتى فندق القصر جميرا ماكان كذا ريموتهم ....
وهنا اعزكم الله الشبشب وبعد فيه اوراق ورد
وهذا الملف الي يكون عادة فيه اوراق وظروف
وهنا دورة المياه اعزكم الله
وهذي مناظر من البلكونه
بعد مادخلنا الغرفه بساعه تقريبا والا الباب يطق قلنا خير مامدانا نوصل :114:
والا هم جايبين لنا باقة ورد حمراء كبيره وقطعة كيكه وعصير 
مااااتتخيلوووون اشكثر فرحت فيها لدرجة الورد ماخليته شلت الباقتين الصغيره والكبيره وجبتها معي الرياض وهذي صور الورد وهي نفسها الي في بداية التقرير .... وهنا الباقتين الصغيره والكبيره ...
وهذي صورة الكيكه ومكتوب عليها تهانينا بالانجليزي وعليها غطاء جمييييل مررررره ....
وهذي الكيكه بعد ماشلت عنها الغطاء بس بالغطاء كانت احلى ....
وتم بحمدالله ,,,, ان شاءالله يليق بذائقتكم ومره ثانيه اعتذر عن رداءة بعض الصور 
طبعا قضيت ايام حلوه ورائعه برفقة ابو العيال وكانت ايام لاتُنسى من جميع النواحي نحتاج احيانا لتلك الخلوة بانفسنا لتجديد مامضى عليه الزمن وما سرقه منا الاهتمام بالاولاد
نحتاج لتجديد الطاقه التي بداخلنا وشحنها بامور ايجابيه تساعدنا على الاستمرار على مانحن عليه من عطاء
فلا تبخلون ايها الازواج على انفسكم بهذه الخلوه ,,,,,
ودمتم كما تحبون ,,,,,واطيب تحيه واصدقها من قلب اختكم
مها .......
(ملاحظه الابيات منقوله )
