بسم الله الرحمن الرحيم

السلام عليكم ورحمة الله وبركاته

حبيبنا الغااااااااااااااااالي أبوهشام (عمرة مقبولة بإذن الله تعالى)

تقرير مميز وصور إحترافية ماشاء الله تبارك الله


عسى ربي يحفظك وعائلتك ويسعدكم دنيا وآخرة(آمين)

السلام عليك

تقبل الله طاعتك

فندق جميل و رائع و الاروع انك سكنت فيه

تقبل الله منا ومنك صالح الاعمال
تقرير رائع وصور اروع
والفندق جدا فخم وسعرة ممتاز مع موقعه ودرجة الفخامه وصدقة عند قولك ان الفخامه في كل زاويه
بس كيف الاوضاع مع الارتفاع وباي دور كنت ساكن؟

أخي ابو هشام
عمرة مقبولة وتقبل الله منا ومنكم الطاعات.
رغم أني لا أُعير كبير اهتمام باطلالات الغرف الا اني اعتقد أن اطلالة على الكعبة تسوى الدنيا وما فيها لا لشيء
الا لكوني لا ينتابني الخشوع الا بحالات السكون التام وأعتقد ان غرف برج الساعة المطلة على الكعبة ستؤدي المطلوب ولو كانت اقل فخامة لكان أفضل.>> لست أدري لما لا يتوافق عندي الثراء والفخامة مع العبادة.
وفقك الله لما تحب ويرضى

عمرة مقبولة منور طال عمرك
لك وحشه ياشيخ

أعوذ بالله من الشيطان الرجيم .. بسم الله الرحمن .. إنك لا تهدي من أحببت ولكن الله يهدي من يشاء .. قل يا عبادي الذين أسرفوا على أنفسهم لا تقنطوا من رحمة الله إن الله يغفر الذنوب جميعا .. رب إغفر وارحم وأعفوا تكرم وتجاوز عما تعلم إنك تعلم ما لا نعلم إنك انت الأعز الاكرم .. من حج فلم يرفث ولم يفسق خرج من ذنوبه كيوم ولدته أمه ..

إيه الحلاوة دي يا ابو هشام؟ .. شكلك يجنن بالإحرام .. أأيقاظ نحن أم نيام؟ .. بياض وطهر وسلام ووئام .. وسكون وعقل ورحمة وهيام .. سبحان من يحي العظام .. سبحان من يحي العظام .. وسامة وجمال ولا في الأحلام .. وصلعة لامعة ونظافة تمام .. ممكن يا أبو هشام تهديني هذا الإحرام؟ .. أريد أن أحتفظ به للذكرى وألبسه عند زيارتي القادمة للبيت الحرام .. اللندني بلباس الإحرام؟ .. سبحان الله والله أكبر ويا سلام .. وأعيد وأقول : سبحان من يحي العظام .. سبحان من يحي العظام ..

ابو سلطان ...

الإسلام يجب ما قبله !!!!!!!!!!!!!!!!!!

فهاد : نعم يا أبو عبد الرحمن .. ومن تاب تاب الله عليه ..

ابوباسل .. جزاك الله خير ومنور بوجودك الدائم يالغالي ..

أم العبادله .. جزاك الله خير أختي وتراه يصلحلكم وأنصحكم فيه .. معظم الضيوف بهالفندق من أشقائنا الخليجيين .. و أعتقد في غرف أو سويتات إطلالتها أجمل .. الله يكتب لكم عمرة قريبة إن شاء الله ..

أبوعبدالرحمن .. فهاد (ردك الأول) .. وأنا والله مشتاق أكثر وعندي الكثير بس وقتي مايسمحلي للأسف .. راح أحاول جهدي بتمرير تقارير سريعه مثل هالتقرير كل مالقيت فسحه من الوقت .. ملاحظتك عن المهنية في محلها وأبشرك بأن هالفندق عندهم إحترافية كبيرة بالخدمة وسرعة الإستجابة والإهتمام بالتفاصيل الدقيقة .. نسيت أذكرلكم إن الإنترنت متوفر ومجاني مع الغرفة (وايرلس وكيبل) وكذلك بوفيه الإفطار شيء يفوق الوصف في جماله وتنوعه وخدمته بس أستحيت أصور لوجود الكثير من العوائل ..

الريم .. جزاك الله خير أختي أم سعود .. معليش بس أنا جديد ع الصنعة وحديث عهد بالإسلام .. اقصد بالطواعة .. وش يردون على -تقبل الله طاعتكم-؟ كلكم كاتبينها لي مدري وش ارد قلت احط جزاكم الله خير عساها تقوم بالواجب وماتفقدين غالي أختي الكريمة ..
ابوعبدالعزيز .. جارمن .. جزاك الله خير .. بالفعل الفندق فخم .. ويستحق الإشادة خصوصا مع هالسعر الرائع ..

أم يسافي .. برضو تقبل الله طاعتكم .. طب هالمرة أبي أغيّر و أقول تقبل الله طاعتكم أنتم وطاعة أهلكم ومن يعز عليكم .. والله دعيت إللي الله قدرني عليه ومنه الإجابة سبحانه .. اي والله صورت قبل لا أبدأ المناسك قلت قبل لا تعتفس الغرفة ..

أبومطر .. منا ومنك .. إنت الحلو ياحلو .. يعلم الله باللي بنيتي بس ما أخفيك لنا كشك بأبراج البيت وخليتهم يكرهوا اليوم اللي جيتهم فيه .. وانا نازل وطالع أمر عليهم واتفقد احوالهم واشوف ادائهم مع الزوار وبهذلتهم على شغلة خطيرة قصروا فيها لين صاروا يسألوني طال عمرك متى حتمشي؟ يعني نقدر تقول كانت حج و بيع سبح .. اما اللي قاموا فيه الشباب بالرياض فهذا مطلوب عسى الله يشيل من سيئاتي ويعطيهم .. الكريديت ليميت عندي وصل حده .. دنا غلبان ياقدعان .. إنت ذكّرتني بأخوي العود أمس يكلمني على العملية اللي اجريتها ويقول لي ان شاء الله تكفير ذنوب .. قلتله لو هي تكفير ذنوب ولا جسمي كله ما يكفيه أبي أستعير ثلاث وللا أربع أجسام معاي ويادوبك أصفّر العداد .. يبيلها حَجّة محترمة مع المغامر .. عشان لامني سويت حركات كذا وللا كذا يتودس بطني ويخليني من جد أصفّر العداد ويرجع الكريدت ليميت حق الذنوب زيرو ..

أبوسلطان (ردك الأول) .. خل عنك الكلام الإنشائي .. اللي ماعنده قروش ياكل تبن موبلازم يسكن جنب الحرم .. ريالين بالباص تجيبه لحد الحرم من اي مكان بمكه .. شحات ويتشرط بعد

أبواليازية .. يوم انكم بالرياض قال لي رياض انك قلتلهم لا يدعيلي ابوهشام .. قلت يبشر .. غالي والطلب رخيص .. وحبيت أزيد على طلبك ودعيت عليك .. نسأل الله القبول .. أما سعر الغرفة أشوفه رائع جدا مع هالفخامة .. في غيره ب 750 وجنب الحرم بعد يقال له زمزم جراند على ما أظن .. أباسكن فيه قريب واكتبلكم عنه تقرير إن شاء الله .. حبيت البيكنك لمكة وودي أكررها كل شهر .. توور روحانية تاخذ فيها بريك من كل مشاغل الحياة .. كانت سلسه والحمدلله .. المساكين اللي بيروحون فيها الموظفين اللي بالكشك بأبراج البيت .. راح أجيب لهم الصمرقع .. اللي مايعرف معنى الصمرقع يسأل ولد حارتي ساراتوقا ..



أكمل بعدين البطارية أنتهت .. سلام ..