أول ماوصلنا الفندق سوينا الشك ان بأقل من 5 دقايق كنا بغرفنا وكل اللي ياخذونه من رقم الحجز وجواز السفر يصورونه ودامك واصل بعد الساعة 12 او 2 حسب نظام الفندق
تدخل غرفتك مباشرة وهذي بعض الصور من اللوبي حبيت هالكورنر
ويعطونك بطاقة خصومات حسب مدة إقامتك لكثير من الأماكن السياحية بالمنطقة
.. معلومة ..
إذا سكنت في غرفة وحبيت تبدل غرفتك تدفع 10 يورو بدل تنظيف الغرفة وتنقل بنفسك للغرفة الجديدة وهذا اللي صار معانا بعد ماغيرنا غرفة أمي وأبوي بعد يومين .
الفندق ماكان مثل الصور اللي شفناه وغرفتنا كانت مطلة على الجبل وما لقينا غرف مطلة على البحيرة في الفترة اللي كنا فيها لان الفندق فل صحيح مو مثل ماتوقعناه لكن خدماتهم ممتازة
طلعنا للغرف وهذا الكوردور
وهذي صور غرفتنا .. غرفة أمي وأبوي اصغر منها بس ماصورتها
الحلو عندهم انك حاجز غرفة ثلاثية تدخل تلقى كل شيء جاهز عكس الفنادق اللي عندنا
وهذي صور البلكون
النت عندهم مجاني والتلفزيون مافيه قنوات عربية بس حلو فيه قناة زيلامسي تجيب لك تصوير مباشر للمنطقة كيف الجو ليل بنهار
رد: فندق livingmax في زيلامسي من تصوير الاخت نور الشمس
ماشاء الله مرره مرتب أهم شي النظافه لأنه للنوم
أنا أخذنا بشقق توني في كابرون مدري عاد هي نظيفه وموقعها حلو الله ييسر أمرنا وياكم يارب
شكرا عالتقرير الخفيف
