عندي استفسار بخصوص الود وادي
هل بيكون مفتوح يوم الخميس تاريخ 24-4؟
والساعه جم ؟ للنساء فقط
وكم اسعاره؟
وللطفل عمره سنه كم يحسب له؟
وطفل عمره 8 سنوات
وياريت تفيدونى اذا اشخاص مابيتسبحون بعد يدفعون المبلغ كامل؟
لانى باخذ الخدامه معاي وحابه استفسر
اذا الوايلد ودي اللي أعرفها فما عمري سمعت ان فيه يوم نسائي الا اذا هذا الامر جديد آخر مرة دخلتها الدخول للي بيسبح و اللي مهوب سابح ب 120 درهم و الطفل ما اقدر افيدك لاني ما كان معي اطفال
بالنسبة للمكان خليطي و تشوفين مناظر و العياذ بالله تكرهينها لذا اذا مضطرة و مجبورة روحي لها في اول افتتاحها قبل لا يجون الفئة الشابة بعد الظهر
و اذا دخلتي بيعطونك ساعة خاصة تعبين فيها رصيد تدفعين فيها مبلغ مثلا 100 درهم او اكثر على حسب ميزانيتك و بتحجزين فيها خزانة للملابس و اكل وشرب في الداخل و المبلغ اللي يبقى فيها بيرجعونه و انتي طالعة
لكن اللي اعرفه ايضاً أن تعال و التقط الصور اللي تعجبك يعني حتى لو قالوا لك التصوير ممنوع بيكون فيه تصوير سواء من المراقبة او من برج العرب او من فندق جميرا او من اي مموبايل