بسم الله الرحمن الرحيم
السلام عليكم ورحمة الله وبركاته

يوم في البحرين جاء صدفه بدون تخطيط .. من اسبوعين كنا مقررين نقضي كم يوم في مدينة الخبر ولكن قدر الله وما شاء فعل وتحولت الرحلة للبحرين


طلعنا الصباح ع الساعة 8 من الدوحة ووصلنا الساعة 9 الحدود القطرية ابوسمره الحمد لله





خلصنا من حدود ابوسمره وسلوى والحمد لله سهالات

((شوق الامارات طوقني ..من ين ما اروح يطرالي))

^
^
^

vi




لما كنت صغيره كنا دوم نتردد على السعوديه وبالأخص لجبيل,, امل من الطريق وانام تقعدني جدتي رحمة الله عليها وتقول قرب الطريق وصلنا جبل الاربع تبي تهون الدرب علي,,
وهذا هو جبل الأربع قريب من الاحساء كل ما اشوفه تطري علي رحمة الله عليها





الدليل ههه لو الود ودهم اليهال ما تجاوزناه :456ty:






وصلنا بداية الأحساء الساعة





ما كان وده زوجي يدخل في زحمة الاحساء فخذ الدوار يسار وتبع اشارة الدمام رياض في طريق اول مره نسلكه وبعده خذنا المسار الي يشير الى الهفوف وبالفعل ما دخلنا في زحمة الاحساء جابنا الطريق على الشارع الي فيه مجمع البستان وخلفه مجمع العثيم الي كنا ناوين ننزل نتسوق به في العوده وما الله كتب بس خيرها في غيرها




















طلعنا من الاحساء الساعة





وصلنا الخبر الساعة







مجمع الراشد في مدينة الخبر




بدى مشوار البحث عن سكن شوفو الساعة كم صارت واحنا نلف وندور سكن مناسب





والساعة




وما فيه فايده لفينا على شقق كثيره اما انها ما تجوز لنا .. او فل ما فيه مجال ,, الغاليه ام سعود ما قصرت زودتني بارقام شقق كثيره بس ما كان فيه مجال اتصل واحجز بدون ما نعرف مستواها الي اعرفهم ودقيت عليها كانو كلهم محجوزين مثل ميلان ومدهال العليا ورمادا الرايه وجولدن توليب حاولو الاهل يدبرون لنا حجز من المكاتب في قطر ولان الجمعة والظهر ما كان فيه خيار قدامهم الا سفريات رجنسي حاولو على الي مرديان او كورال بس بعد ما فيه...

فندق كورال كان ودي نسكن فيه




(( عجبني فندق جديد (موفنبيك )اذا فتح يا اخوان عطونا خبر شكله وايد حلو وموقعة هادي))

المهم قربت الساعة 4 العصر وبعد هالدوخة ما عاد لنا مزاج نتسوق اليوم فغيرنا الخطة و قررنا نتوكل على الله ونروح البحرين ونرجع ثاني يوم الخبر لأن الهدف من الزياره التسوق في الخبر






لنا لقاء في الجزء الثاني في البحرين ان شاء الله