السلام عليكم ورحمة الله وبركاته
زوار كيرلا الأعزاء....اود ان اعرف عن اسواق كيرلا من حيث المولات والاسواق الشعبيه وما تتميز به المنطقه من بضائع ...وهل مستوى التسوق بها مثل سيرلانكا وشكرا مقدما لك من يتفاعل او يمر علي استفساري

بشكل عام فان منطقة كيرلا غير مناسبة لمن يهوى سياحة التسوق
كوتشي او كوتشين عاصمة كيرلا هي الاكثر من ناحية المولات
لكنها بالتاكيد لاتشبع نهم محبي التسوق
باقي المناطق التي زرتها انا الاسواق فيها متواضعة الا من محلات بيع الملابس الهندية
فهي متوفرة
مدينة البي الاسعار فيها مناسبة جدا
كوماركوم وترافندرام الاسعار عالية جدا
تيكيدي يوجد بعض المحلات لبيع المنتوجات الكشميرية ذات الجودة العالية
لكن اسعارها غالية جدا
وفيها ايضا الكثير من محلات بيع البهارات وهي تخصصهم
ذكرت البهارات للفلئدة فقط

هذا مالدي
واتمنى ان اكون قد افدت

من رايي ان كيرلا بشكل عام اسواقها اقل مستوى من اسواقنا الخليجية ..
لكن بالطبع فيها اشياء غير موجوده عندنا و ان وجدت ليست بنفس النمط..
رايت في سوق و مولات كوتشي الكثير من البنجابيات الراااائعة جدا ..
عجبتني موديلاتها كثير..
و طبعا كما ذكر اخي هام السحاب فيها البهارات ذات الجودة العالية .. و فيها شاي و باشكال مختلفة منها الشاي الاخضر و بهارات الشاي و الزهورات و انواع كثيره ..
اجهزتهم الجوالات و الكمبيوترات بشكل عام نفس القيمة و الجودة اللي عندنا..
و في محل في كوتشي للاحذية اكرمكم الله راااائع جدا راح اوصف مكانه في موضوعي ان شاء الله..
يعني اللي يبغى يتسوق يخلي التسوق في كوتشي افضل ..
و المنتوجات الكشميرية رائعة فعلا في تكدي كما ذكر اخي هام السحاب.. البنجابي و الشال و المفارش و الحقائب.. كلها اشغال يدوية مميزة بصراحة ..
و الساري اشتهرت به كيرلا بالذات .. اللي يبغى ساري بجودة عالية يجي كيرلا يشتري منها .. و ممكن يصل قيمة الساري الى عشرة الاف روبية .. بس تستاهل ..
ادري طولت ..
ترا اشوف الاسطر و مو قادرة اوقف هذرة :3:

اشكركم على هذا الموضوع واتمنى ان يضع كل من زار الهند معلومات عن التسوق
لاني افكر ازورها واعتبر التسوق بجانب المناظر الطبيعية مكملين لبعض اثناء السفر

إسمح لي أن أطلب نقل موضوعك إلى بوابة الاستفسارات الخاصة ببوابة الهند .. يحفظك الرحمن ..

زين ممكن ازيد استفسار لانى ايضا انوي السفر بالاجازه باذن الله وبعد اذن صاحب الموظوع هل من الممكن اروح من كيرلا لى منطقه تسويقيه مثل دلهى او بنغلور ولا صعبه

لانى بصراحه ابى استفيد واظرب عصفورين بحجر

صعب جدا تتنقلين..

وعادي يعني ايش فيه العصفور الواحد ,, خير و نعمه :3:

بعدين اسواق كوتشي مو سيئة بس عادية جدا..

الاسواق الشعبية الموجوده في تيكادي اغلبها كشميرية و حلوه بصراحه.. و تستاهل سعرها في نظري لانها كلها اشغال يدية ..

افضل اسواق البهار و الشاي في مونار..

البي ماتسوى العنوه ..

محلات ادوات اليوغا وين احصلها

وعليكم السلام ورحمة الله وبركاته