السلام عليكم ورحمة الله وبركاته
في البداية اعتذر عن التأخير وانتم عارفين تنزيل التقرير وتعديل الصور وتحميله والشرح يتطلب وقت
اعتذر من جديد
في هذه الحلقه معلومات مفيده جدا ومهمه
وراح اشرحها بالتفصيل ان شاء الله
وايضا هناك مقتطفات مطرفه اتمنى ان تحوز على رضاكم
كانت الرحله من الكويت الى قطر ترانزيت لمدة ساعتين 25 دقيقه ومن ثم السفر الى روما مطار ( Fiumicino )
اتجهنا الى الطائره بعد اتمام جميع الاجراءات الحمدلله
كانت في زحمه لكن تنظيم الخطوط القطرية ممتاز جدا بحيث انه خلصونا بسرعه
ماكانت في رحلتي من الكويت الى روما تلفزيون ولا العاب تسليه وهذا شي طبيعي لقرب المسافه بين الكويت وقطر
اليكم الصور
لحضة الاستعداد للاقلاع
وبعدها قدمو لنا وجبة الافطار وصراحه كانت خياليه
هو بيض بس مادري شلون تركيبته هههههه
وبعد ما انتهينا من الاكل اتحفني هذا المنظر الخيالي وانا من عشاق شروق الشمس بعكس عشاق غروب الشمس
الواحد ماعنده في هل الحاله الا ( ســبــحان الله )
لحضة الاعلان عن وصولنا الى الغاليه قطر
وهذه قطر الحبيبه تظهر لنا
حتى مرنا الباص واخذنا وامانه مطار قطر مبين انه راح يكون مطار فخم ومشرف بأذن الله
كأنه متحف إليكم بعض الصور السريعه مع الزحمه
هنا معلومه :
لمن قصينا البوردنق عطونا مع التذاكر هل الورقه
وهذه الورقه لونها اصفر
وتلاحضون في الوان ثانيه (بني - ازرق - اخضر)
انتم ماعليكم الا انك تنزلون بالبوابه الصفرا
لانه هذي البوابه
طبعا في مسارين من تدخل البوابه
في مسار للي رحلاتهم على وشك الاقلاع باللون الاحمر لهم بوابة خاصه وتفتيش سريع
حتى يتسنى لهم انهم يلحقون على رحلتهم
اما الي رحلتهم بعد ساعه او اكثر مالهم الا هل الخط
وهنا كانت الصدمه
شرايكم مافي زحمه صح ؟؟؟
انا ما اتشمت واعوذ بالله من الشماته او الاستهزاء
لكن كانت الريحه حدث ولا حرج
تلاحضون في لافته حمرا ؟؟ على اليسار ؟؟ هذي للرحلات السريعه يتجهون من هل البوابه
وبعد ماخلصنا من التفتيش واعانا الله عليها من كثر الزحمه
ضاعة ساعتي
كلمنا الموظفين لكن .. راحت الساعه
رجعت لهم قبل اقلاع طيارتي همن ماحصلوها
عليها العوض بس
طبعا ماكان لنا الا ان ازور هل الكافيه لاني متعود اذا سافرت امر عليه
ومشروبي المعتاد كابتشينو بدون منازع
بعدها ماكان علينا الا انه نتجه للبوابه
واخذنا الباص وجلسنا في كراسينا بكل يسر الحمدلله
ما ان قدمو لنا الوجبات
حتى شفتلي مسرحيه وهي :
أه ده أسد
دانا بخاف من الكلب ( اعزكم الله ) يطلعلي اسد خخخخخخ
اخذنالنا نومه محترمه الحمدلله وصحينا بأعلانهم للحضة الهبوط حيث ظهرت لنا روما
والحمدلله وصلنا الى مطار روما ( Fiumicino )
واتبعنا هل اللوحات الارشاديه
الى ان ظهرت لوحة نركب القطار يوصلنا
شفت هذا زحمة الى في قطار ثاني جمبه وكان فاضي ركبته ودقائق ومشى فينا
وبعد ماوصلنا ظهرت هذه اللوحه اتبعتها وهي من الصوره تدقيق الجوازات
وكان زحمه بعد لانه كذا رحلة وصلت معانا
معلومه :
في مسارين طبعا
مسار يمين لمواطنين الدول الاوربي
انتم خلكم مع هل الافته على طول يسار
لانه اذا رحتو لمواطنين الدول الاوربيه وصفيتو معاهم ووصل دوركم عادي يردونكم طبيعي
تلاحضون في الطابور بوابتين في كل مسار والحمدلله اجراءاتهم سريعه جدا
وكنت صراحه خايف شوي لانه فيزتي اسبانيه
وكنت حاسب حسابها اذا ردوني اخذت رقم واحد من الجماعه في السفاره الايطاليه
لكن ماكان على الموظف الا ان رحب فيني في ايطاليا بدون اي اسأله او اي شي وشكرني بعد
بعد ماخلصنا
ظهرت هذه اللوحه لتفتيش الشنط وهي طبيعي راح توديكم لشنطكم وللمخرج
واخذنا الشنط الحمدلله
معلومه عن مطار روما
اذا كنت تبي عربانه للشنط لازم يكون معاك يورو علشان تاخذ عربانه واذا ماعندك في صراف عند العربانات بس ماسألته اذا يعطيك عمله معدنيه يورو او لا
طبعا انا اخبرت الفندق ان يستقبلنا شخص في المطار بسعر 50 يورو
حتى ظهر لنا رجل ماسك لافته بأسمي سلمت عليه
مشكلته مايتكلم انجليزي فقط ايطالي وماكان عندي مشكله لانه يدل الفندق
اخذ الشنط الى ان اوصلني الى السياره
وهذا هو الي يسحب الشنطه
استقبلنا على سياره مرسيدس نوع E240 جديده
وطلب مني الفوتشر لتأكيد ماذا انا كنت المعني او لا ، وبعد ماتأكد توكلنا على الله
طبعا طبيعي تجلس ورى في اوربا
صور من الطريق
اتمنى ان تكونو قد استفدتكم من المعلومات المتواضعه
واعتذر لاطالتي
وفي الحلقه القادمه
راح اتحدث عن الفندق وصور عنه
وتقييمي له
انتظروني لن اطيل عليكم
تحياتي لكم
