أماري كورال بيتش - شبكة ومنتديات زاد المسافر

22 / 09 / 2009, 33 : 04 PM

رقم المشاركة : 1

شــمـــعــة الـــزاد

الملف الشخصي

تاريخ التسجيل : 05 / 06 / 2009

رقم العضوية : 8061

الإقامة : الكويت

المشاركات : 3,829

التقارير : 7

الحالة :

رد: رحلة ام يسافي العائليه لتايلند...

بوكيت....

وصلنا بعد 45 دقيقه منتجع أماري كورال بيتش

ويقع على تله بآخرالباتونغ بيتش...

وما صورت بالطريق غير هالصورتين..

ماطولت الاجراءات دقايق وخلالها قدموا لنا

شراب بطعم الورد وفوط مثلجه للانتعاش...

ولما توجهنا لغرفنا الصراحه ماعجبني الوضع بس سكت ناطره

ردة فعل الاولاد...!!!

ورغم تعبهم استغربت انه عجبهم المكان وعجبتهم الغرف

(وانا عارفه ان ذوقهم اصعب من ذوقي)

وزاد انزعاجي أكثر لما طليت من البلكون ولقيت البحر بعيد مو مثل ما تصورته...

( أظن كان سبب انزعاجي التعب)

وهذي أول صوره أخذتها أول ما وصلنا وتعمدت

أحطها علشان تشوفون رطوبة الجو

( بس ما كان الهوا واقف الحمدلله )

وعلى ما ريحنا ودوش وصلاة طلبنا ماكدونالدز وبعدها نوم...

صحيت على المغرب مع ولدي الصغير...قلنا ننزل نستكشف..

نزلنا تمشينا وكان المنتجع بالليل أحلى

(سبحان الله بدا يحلى بعيوني بعد مانمت وارتحت)

مرينا على مكتب السياحه بالمنتجع وشيكت على اسعار الفيري...

وسألت الريسبشن عن (السفن الفن)علشان خطوط الموبايل...

هالسفره كنت مقرره ماراح استخدم الدولي وبشوف شكثر أوفر!!!!

طلعنا شفنا التوك توك عند الباب(دائما متواجد)وطلب 100بات

قلت حق ولدي خلنا نتمشى ونستغل هالجو الحلو ونستكشف الطريق

كان الطريق سهل لأنك راح تنزل من التله ووصلنا بدقايق الى السفن الفن...

(وهو عباره عن سوبر ماركت صغير ومنتشر بكل مكان

ويذكرني بأمريكا تلاقيه هناك بكل محطة بنزين)

المهم شريت ثلاث شرايح ون تو جو الواحده ب50 بات يابلاش

و300بات تعبئه لكل خط...وشرينا كم علبه زيرو(دايت بيبسي)

واحنا طالعين شفت لي كشك للسياحه وسألت عن الفيري قالت

700بات للمحطه الرئيسيه بس ماعندي الي يكمل لمنتجع هوليدي ان

(المنتجع بعيد شوي ومعزول بالنسبه لباقي الجزيره)

وخذينا توك توك ب100بات مافينا نصعد التله

(خلونا نجرب الصعده مره ثانيه)

حاولنا بباقي الشباب نصحيهم مافي فايده محد راضي...

وكنا مستكشفين (المطعم الايطالي)قلت انزل واتعشى مع صديقي

الصغير وكان الفيو واااو عجيب على البحر مباشره...

ومرينا على الي قاعد يشتغل باللوحات...واستأذنته بصوره...

وطلبنا بيتزا مارغريتا رفيجتنا بالسفره و روزرتو بالمشروم

وكان اكلهم طيب بمستوى مطعم نينو عندنا...

وأخليكم مع الصور...

اقتباس

23 / 09 / 2009, 19 : 01 PM

رقم المشاركة : 2

شــمـــعــة الـــزاد

الملف الشخصي

تاريخ التسجيل : 05 / 06 / 2009

رقم العضوية : 8061

الإقامة : الكويت

المشاركات : 3,829

التقارير : 7

الحالة :

رد: رحلة ام يسافي العائليه لتايلند...

اليوم الثالث 3/8/2009

صحينا الفجر توا بدا يشق النور...وكلنا نشاط وحيويه...

وهذا فجرهم...

ونطرنا للساعه ست موعد الريوق ونزلنا كلنا...

وكان أحلى مافي الريوق الفيو واااو شوفوه معانا...

ورفعوا نظركم فوق شوي...

والتفتوا على يساركم...

شفتوا الأكواخ المعلقه...!!!

راح اوديكم لهم بعدين...ونستكشفها مع بعض...

بالنسبه للريوق كان متنوع وفيه الكثير من الاصناف

وفي ركن كاتبين بدون لحوم خنزير...يعني أكل وانت متطمن..

وكان الجو روعه ومنعش جد طافكم

وقرروا ينزلون لحمام السباحه وعمل تان...

(خاصة ان الفندق كان خالي وهادي وقتها او الناس لحد الآن ماصحوا)...

ولقيتها فرصه ونزلت معاهم

بعدها قلنا نجرب البحر بس ما عجبنا كان موج ورجعنا لحمام السباحه...

واسترخيت عند حمام السباحه اكتب ملاحظاتي للزاد مع عصير

كوكتيل مثلج منعش..

والي يسبح والي يتشمس الى ان اكتفوا...
(طبعآ استخدمنا حوض السباحه الثاني وليس الي بجانب الفطور
الثاني فيه نوع من الخصوصيه ويخلو من الاطفال لعمقه)

وصعدنا لغرفنا وبعد الدوش ما يبيله الا ماكدونالدز
(على فكره انا سألت الفندق وقالوا حلال وعلى عهدتهم)

وعلى المغرب نزلنا للوبي وشيكنا مع المكتب بخصوص بكره ...

عرضت علينا شركتين من الفيري...

الفيري الاول ب1000 بات ويوقف بمحطه واحده ويكمل لمنتجع هوليدي ان...

بس من الصوره ماعجبني وحسيت انه قديم...

أما الثاني ب1000 بات وادفع زياده 200 بات

لكل شخص ذهاب وعوده للمنتجع...والصوره لا باس بها (عموما انا مو من طبعي اصدق البروشور)

توكلنا على الله وخذينا الثاني...
وموعدنا الساعه 12ظ نكون باللوبي...

وقالت لي من هناك دفعي للمنتجع واخذي التذاكر...

وبعدها خذينا توك توك ب200بات ورحنا كارفور(قلت الجزيره مقطوعه آخذ لهم سناكس على الاقل)

وصلنا المول وخذينا لنا جوله صغيره فيه ...

وقعدنا بسويدنس للآيس كريم وهذا طلبنا...

ورحنا كارفور شرينا بعض الاغراض... وشفنا وايد خليجيين...

الله يهديها واحده عيالها عفسوا المكان ولا تحركت!!!!!

ورجعنا بتوك توك نفس التسعيره (كأنهم موحدين السعر والصراحه

آنا موقاعده أكاسر ومافيني أحن على جم بات ومرات أقول حرام على قد حالهم)

ونمنا بدري بعد ماجهزنا أغراضنا لبكره...حطينا الي نبيه بالشنط

الصغيره (الهاندباقز) على أساس نخلي الكبار بالأمانات بالفندق لحين عودتنا...

وتصبحون على خير ...

وتابعونا مع الفيري وشنو صار !!! وليش حرمت اركبه !!!!

اقتباس

05 / 10 / 2009, 33 : 05 PM

رقم المشاركة : 3

شــمـــعــة الـــزاد

الملف الشخصي

تاريخ التسجيل : 05 / 06 / 2009

رقم العضوية : 8061

الإقامة : الكويت

المشاركات : 3,829

التقارير : 7

الحالة :

رد: رحلة ام يسافي العائليه لتايلند...

اليوم الثامن 8/8/2009

يا صباح الخير والعافيه...

صحينا ومازال التعب بأجسامنا...

وهذا الفيو الجديد لغرفنا.....

ونزلت مع الشباب للفطور على الساعه 9...

والبنات طلبوا من الروم سيرفس...

وهذا الفيو واحنا طالعين من الغرفه بالخلف...

والشباب قرروا يسبحون بحمام السباحه...وانا معاهم استرخاء...

وجلست أكتب للزاااد...كان الجو متقلب وحلو...مره شمس ومره

غيوم وغالبا مطر غزير ينعش...

وعلى العصر طلعنا...

واهني بعض الصور بطريقنا الى الريسبشن...

زوووم...

وجلسنا في اللوبي ننتظر البنات وزينهتم...

ومع الزوووم التقطت هالسنجاب...
والله يطلع مني كمصوره...

وهذا شباك كبير يطل على جانب اللوبي...

اقتباس

06 / 10 / 2009, 06 : 04 PM

رقم المشاركة : 4

شــمـــعــة الـــزاد

الملف الشخصي

تاريخ التسجيل : 05 / 06 / 2009

رقم العضوية : 8061

الإقامة : الكويت

المشاركات : 3,829

التقارير : 7

الحالة :

رد: رحلة ام يسافي العائليه لتايلند...

أصبحنا وأصبح الملك لله سبحانه وتعالى....

اليوم صحينا بدري وكنا مقررين يكون يوم استرخاء وحر للجميع...

بعد الفطور مع الشباب...

(والبنات مثل العاده طلبوا بالغرفه)

تمشينا شويه ورجعنا الغرفه....

اليوم كان ممطر أغلب الوقت...تحسون ان فاقدين المطر بديرتنا...

(كل ما تمطر هناك أدعي ربي وأقول ياربي ارسل هالغيمه لديرتنا على خير)

وتبارك الرحمن استمرت زخات المطر المتقاربه الى المغرب...

عليهم بالعافيه...

وكانت البلكونه بالنسبه لي من أجمل الأماكن وقتها....

ومع هذا المنظر...والأحساس بالانتعاش...

زووووم علشان تعيشون معاي جو المطر المنعش...
( مطر بوكيت المنعش )

حمام السباحه ...بس هذا الي يبين من غرفتنا...

البحر.....زووووم...

الأسلكه... راح أوريكم اياها وقت الصحو...

ومرات أخاف على الكاميرا وادخل ...

واشتد المطر وهالمركب مازال صامد ومستمر بطلب رزقه...
( الله يرزقهم ويبارك لهم )

اقتباس

06 / 10 / 2009, 14 : 04 PM

رقم المشاركة : 5

شــمـــعــة الـــزاد

الملف الشخصي

تاريخ التسجيل : 05 / 06 / 2009

رقم العضوية : 8061

الإقامة : الكويت

المشاركات : 3,829

التقارير : 7

الحالة :

رد: رحلة ام يسافي العائليه لتايلند...

ومازلت بالبلوكه بعد ما شيكت على زاااادي....

ومع النسكافيه والحليب...

نكمل انتعاشنا مع هالجو المنعش...

وهذي التله البعيده بالطرف الآخر لشاطيء الباتونغ بيتش...

وهذا أحد الممرات ... لازم تشوفون معاي كل شي

ورجعنا للزووووم....

وعادت السحب ... والأمطار فجأه...

الصياد مع الساليه...

يتبع......

اقتباس

06 / 10 / 2009, 18 : 05 PM

رقم المشاركة : 6

شــمـــعــة الـــزاد

الملف الشخصي

تاريخ التسجيل : 05 / 06 / 2009

رقم العضوية : 8061

الإقامة : الكويت

المشاركات : 3,829

التقارير : 7

الحالة :

رد: رحلة ام يسافي العائليه لتايلند...

ونزلنا نتعشى بالمطعم الايطالي الى سبق ان تعشينا فيه يوم وصولنا آنا والصغير...

لأ ما راح نركب هالدرج...

راح ننزل من هالدرج...

نظره لفوق واحنا نازلين....

المطعم رومانسي وشاعري...وعلى البحر مباشره وخدمته خمس نجوم...

( سبق اني ذكرته بأول التقرير )

وهذي الاطباق الي طلبناها...

والسعر كان 2120بات...مناسب للخدمه والفيو...

وعند خروجنا... الجلسه العلويه للمطعم...
وبنفس الوقت يخدم حمام السباحه بالنهار...

يتبع.....

اقتباس

06 / 10 / 2009, 20 : 05 PM

رقم المشاركة : 7

شــمـــعــة الـــزاد

الملف الشخصي

تاريخ التسجيل : 05 / 06 / 2009

رقم العضوية : 8061

الإقامة : الكويت

المشاركات : 3,829

التقارير : 7

الحالة :

رد: رحلة ام يسافي العائليه لتايلند...

وختمناها بالتمشي بين أرجاء المنتجع...

حمام السباحه المفضل لدينا...

يا حلو القمره....

ونظره لأعلى....

مطعم الريوق... له جو ثاني بالليل...

ممكن تاخذ فيه عشاك ... بالمنيو...

واسمحوا لي ما قدرت أصوره وقت الريوق...

البار الي يخدم حمام السباحه الثاني الكبير...( بجانب مطعم الريوق )

طله على البحر...

ومكان البوفيه... بمكان بارد مكيف...

وبالعوده...للغرفه...

واعجبتني هذي الشجره...

ونظره أخيره لحمام السباحه...

غرفنا...

اقتباس

12 / 10 / 2009, 10 : 12 PM

رقم المشاركة : 8

شــمـــعــة الـــزاد

الملف الشخصي

تاريخ التسجيل : 05 / 06 / 2009

رقم العضوية : 8061

الإقامة : الكويت

المشاركات : 3,829

التقارير : 7

الحالة :

رد: رحلة ام يسافي العائليه لتايلند...

مميزات ومساويء منتجع آماري كورال بيش...بوكيت..

* ميزته بهدوئه رغم ان المنتجع شبه فل بالسكان...

* يقع على مساحه كبيره ويحتوي على عدد 2 حوض سباحه...

الأول صغير وعمقه 140سم وقريب من اللوبي...

والثاني متدرج العمق ويصلح للأطفال وله فيو على البحر مباشره...

ويقع بجانب مطعم الفطور...

( احنا نفضل الأول أهدأ ومافي الا كبار السن )

* مميزاته جميع الغرف مطله على البحر...

بس يفرق بينهم البعد والقرب في الفيو...

* من عيوبه كثرة السلالم ...صعود ونزول...

( لا يصلح لكبار السن والي معاهم عربات )

والي ما عنده لياقه

* هناك عدة قاعات للطعام...مكان الفطور في غدا وعشا...

والمطعم الايطالي...

والقاعه الكبيره كل يوم عندهم نوع معين للبوفيه مع الموسيقى الهاديه...

* مكان السبا والمساج عباره عن أكواخ معلقه والفيو على البحر مباشره...

*** ولو ارجع لبوكيت لن أتردد باختياره...

اقتباس

05 / 09 / 2011, 30 : 11 AM

رقم المشاركة : 9