2 July
الطقس: غائم + بارد
قررنا اليوم نروح "
English Garden" الحديقة الانجليزية ,
أكبر حديقة داخل مدينة
صور من الطريق
وصلنا الحديقه
مناظر جميله ولا انا عجيز
اللي تلعب كلبها واللي طالعه مع اطفالها تتمشى بالسيكل واللي رابط حبل بين شجرتين وينطط عليه
وجميع الاشاء الجميله
موكب سياكل
هذا البرج فيه فرقة تعزف وقدامها مطعم وجلسات جالسين فيها الناس وكشك ايس كريم وكشك فيه
تذكارات
رأيي الشخصي : الحديقة كطبيعة ومناظر جميلة جداً
فيها كشكات ايس كريم وسناكس , وفيها مطعم عند البرج الصيني
هادية جداً
يعني حلوه حق ساعتين تشوفنها وتاكلون ايس كريم
واللي بيكون في المارينا حلو يركب السيكل ويوديه لها
ياخذ فيه جوله
طلعنا نبغى نروح للمارينا بلاتز وكان اليوم السبت وكان عندهم مهرجانات وزحمه
البيت المزخرف جايز لي
هذا الشيء ودي اركبه !
واحنا نمشي مفهين في العالم جانا واحد بسيكله قال يلا اركبوا تجربه جميله
قلت : كم ؟
قال : 50 دقيقه ب 30 يورو.
قلت : طيب ابي 15 دقيقة ب 10 يورو .
قال : اركبوا اكبوا
سألنا نهتمون بالاثار والتراث قلت : اجل وش نهتم فيه !
ونركب يدور بنا وتفلسف على كل مبنى وانا اهز راسي واقولي واو يس بيرفكت ياشيخ اسكت
وش لقفني وخلاني اقول ايه اهتم
الا جاء بيت وطرا روميو وجوليت الا واستانس اخيراً عرفت شيء
قال : تعرفينهم من فيرونا !
قلت : ايه بروح فيرونا وفينسيا
قال: صدق !! بتروحون روما !!
قلت : لا بنروح ميلان
قال: ميلان !
قلت: علشان الشوبنق .
قال :اها انتوا مسلمين .
قلت : ايه .
قال: الاسلام زين . انتوا من وين ؟
قلت : من السعودية
قال: اي مدينة ؟ دبي ؟
ههههههههههههههههههههه
وش دبي لا يالحبيب الرياض
قال : اووه الرياض .
وتحجر له اختي تعرفها !!
قال : لا
قلت : وش اسمك ؟
قال : جوناس .. وانتي ؟
قلت : رغدة .
قال : رغداده .
ياحليل سواليفه
يشرح
صورة لجوناس
قروب بنات لابسين الزي الالماني تصورين معهم ب 3 يورو .
طلعنا من المارينا بنروح للبيت
الا نشوف سوق شعبي ونوقف عنده
هذا الشي اشتهيته بس طبعاً Ham
السوق هذا مادري وين مكانه فيه !
فيه مطاعم سناكس وفاست فود , ايضاً فيه سمك , بهارات هندية , مصنوعات صينيه , ملابس
رجعنا البيت كل واحد يرتب شنطته بكرا بنروح زيلامسي .
وخلصت 5 ايام جميله في ميونخ
مدينه هاديه , مريحه , وجوها رائع
وطبيعه تفتح النفس
5 ايام مرة زينه لها تكفي
أريد كرسي درجة أولى 
