شبكة ومنتديات زاد المسافر / زاد المسافر الاوروبية / زاد المسافر الى النــمسا

إضافة رد
24 / 11 / 2011, 05 : 01 PM
رقم المشاركة :  1 
][::.. درجة أولى ..::][



الملف الشخصي
تاريخ التسجيل : 15 / 06 / 2011
رقم العضوية : 28263
الإقامة : uae
المشاركات : 848
التقارير : 4
الجنس : أنثى
الحالة : nooni غير متواجد حالياً
تقريري عن النمســا الحالمــة اكتوبر 2011 " فيينا *سالزبورغ*زيلامسي* ميونخ"









السلام عليكم ورحمة الله وبركاته



قد لا توفي عباراتي رد الجميل لاخوتي أعضاء زاد المسافر , لما قدموه لي من دعم
وتجاوب سريع ومبادرات رائعة سيبقى صداها في ذاكرتي ما حييت
اعجز عن شكرهم , فهم منبع يستهل منه كل مسافر ما شاء
الشكر عام للجميع , وشكر خاص لكل من (( الأخ رجل شرقي .. الأخت دموع الوجد .. الأخت اماراتية )) ولا انسى باقي اعضاء زاد النمسا الذين اتحفونا بتقاريرهم المميزة
والتي اثرتني بمعلومات مفيده وقيمة عن بلاد ٍ لا توفيها الالقاب حقها ..


فكــل ما استطيع قـوله " سبحـان الخالق في ما أبدع وصور "



لا اود الاطالـة.. فأنا بشوق لأســرد لكم تفـاصيل رحلتــي لأجمــل بقــعـة حطت عليها رحالـي



"""""""""""""""


خططت لهذه الرحلة قبل موعدها بشهرين تقريبا ً .. ف استعنت ب قاموس زاد المسافر ..


الذي اتحفني بكم هائل من المعلومات .. سواءً عن الرحلات .. المواصلات .. الخرائط ..وغيرها الكثير ..


موعــد الرحلـة : 11 ليله = 12 يوم


بتــاريخ 10/اكتوبـر / 2011


والعــودة بتـاريخ : 21/اكتوبـر / 2011


مخطط الرحــلة : كالتـــالي


3 ليالي فيينا
3 ليالي سـالزبورغ
ليلتين زيــلامسي
3 ليالي ميونيخ


* كنت اتمنى البقــاء لمدة اطول في زيلامسي.. ولكن لم احصل على حجز لمدة 3 ليالي رغم مخاطبتي لموقع بوكينق


الحجــز تم عن طريــق موقــع booking.com




جدول الفنــادق المختـــارة :


فيينا www.nh-hotels.com NH wien

سالزبورغ www.ramada.com Ramada


زيلامسي www.hotelneuepost.at Neue post

ميونخ www.hotel-stachus.de Stachus




الرحلة متكونة من : شخصــان " انا و زوجــي "


عبر الخطوط الجويـة الأماراتيــة " طيران الأمارات "


المــدة الزمنية: 5ساعات و 50دقيقة


الأنطـلاق من المبنــى (3) الجديد ..


قيمة التــذكــرة : 3250 درهم .. طبعـاً بتسألوني كيـف !!!


كانت التذكرة بـ 3800 درهم .. لكــن ما حبينا نستعيل وناخذها .. خصوصا ان سعرها مرتفع .. بعد فترة .. اتصل صديــق زوجي .. يبشره ان اسعــار التذاكــر بدت تزيد :omg: .. فأتصــل زوجــي على طيــران الامــارات عشان يتأكـد .. والصدفة انهم بلغوه بأن تذكرة فيينا عليها عرض لمدة محدودة .. وكــان هذا من حسن حضنا .. وفنفس اليوم رحنــا وحجـزنا التذاكــر ..


هنـاك رحلتان مباشرتان لمطــار فيينا .. فضلت الرحلـة الاولـى .. الساعة 9:55 صباحـاً
بتوقيت الأمارات ..


الرحـلة الثانيـة تكون مسـاءً السـاعة 5:10


""""""""""""""



التـأشيرة : تم استخراجهــا من مكتب سياحــي .. من السفارة الالمـانية . . واستلمتها في غضون اسبوعين بقيمة 700 درهم


"""""""""""""
الكـاميرا المستخدمــة : Nikon D 3100 & Sony DSC-HX7V
وهذي اول مرة استخدم فيها كاميرا شبه احترافيــة ..

"""""""""""""


مــوقف محــرج : تحركنــا الساعة : 6:40 الصبح من بيت الوالــد الله يحفظه
طبعــا حبيت اقضــي عندهم ليلة .. اولا عشان اودعهم قبل لا اسافر .. ثانيا لأن ولدي راح يظل عندهم .. ثالثاً : لأن بيت الوالد جريب من دبي .. ومثل ماتعرفون .. عدنا الزحمة حدث ولا حرج .. :4:
بعد ماتحركنا بنص ســاعة اتصلت الوالدة اتخبرني بأني ناسية شنطة الكـيمرا
ف اضطرينا نرجع مرة ثانيه عشان ناخذها


ومن بعدها علقنــا فالزحمــة


والحمدلله وصلنـا المطــار .. والحــلو فالمبنى الجديد .. انه اتخلص امورك بســرعة .. الاجـراءات سريعه ..


طبعاً حبينا نتريق عالســريع قبــل مانركب الطيارة


واقولهـا عالسريــع لأن قضينــا اغلب وقتنا فالســوق الحــرة ونحن نشتري عطــور وسويتس


طبعا طلعت كيمرة السوني بما انها اخف عشان اصور الريوق .. طلعت البطارية امفضية مع اني ماستخدمتها من قبل الا للتجربة


فصــورت بكيمرة تيلفوني : البلاك بيري ..








""""""""""

وهذي صورة الطــيارة




""""""""""


اول ما ركبت الطيارة طلبت من المضيفة اتحط كاميرتي فالجرج :2f87d42f252880131a2

.. وكانت التصبيرة عصير وبسكويت مالــح

عاد الأزمـــة كانت عالغدا .. اصــريت اني ما اتغدا الا بعــد ما اصورلكم طبق الغدا
والمضيفة قالتلي اتريي لين ما اخلص واوزع الغدا عالمسافرين
والعــالم كلها اتغدت وخلصت وانا بعدني اتــريا الكيمرا .. فمرت مضيفة ثانية وسألتني ليش ما آكــل (( الظاهــر كسرت خاطرها )) فقلتلها اني اتريا الكيمرا عشان اصور الغدا:3:.. وعلى طول راحت ويابت لي الكيمرا













بعد هاللقطات .. طلعلي مسج فشاشة الكاميرا .. ان لايوجد مساحة فالكاميرا للتصوير .. جيكت عالكاميرة .. طلع مافيها ميموري




اتذكرت اني محتفظة بالميموري فالشنطة .. وشنطتي فالبيت
ف قلت لما انزل فيينا بشتري ميموري


"""""""""""""""



وصــلنا مطــار فيينــا الساعة 13:45 بتوقيت فيينا


وطبعــا زمــن الدلـع راح .. وبدا وقت الجد والخدمــة الذاتيــة


بدايــة من حمل الحقائب .. ووضعها فالعربــة .. ولازم تدفع 50 سنت عشان تستخدم العربة .. :a575f059f95cc9160e9
.. وطبعا اكيد الواحد ماعنده خردة " فكة" فيضطر انه يخرد من المحل الملاصق للعربات .. والمحل ياخذ فايدته 50 سنت



.. انطباعي عن مطار فيينا : لم يعجبني .. والسبب .. لاتوجد فيه اي شي يجذب المسافر .. وصغير المساحة .. ولازم الواحد يوقف طابور طويل عريض عشان يختمون على جوازه
يعني بس جهتين .. :6f6754d5085b1c123a5
بعد ما خلصنا امورنا توجهنا للمخرج المؤدي الى المواصلات .. وكان الجو ممطر


لكن سبحان الله .. مطرهم غير .. مثل الرذاذ ..

اخذنا تاكسي لتوصيلنا للفنــدق .. ومن سوء حظنا ان الســائق ( مصـري )

ما ارتحت له ابد .. ولا لطريقة كلامه ..
والقهر انه نزلنا فالشارع الرئيسي وقال لنا ان الشارع الخلفي مغلق للصيانة
ونزلنا ونحن اندور مدخل الفندق ومب عارفين كيف نوصله ..فسألت احد المارة وماقصر وساعدنا وقالنا نمشي للخلف ونكمل سيده والفندق بيكون مواجهنا على طول ..
ونحن نمشي اكتشفنا ان الشارع الخلفي فيه صيانة لكنه مب مغلق .. والسيارات اتمر منه:105:
قيمة التوصيل : 43 يورو

* السايق سألنا اذا نبغي فاتورة ولا لأ !!! اموت واعرف ليش كان يسأل اذا نبغي الفاتورة ولا لأ.. وحسيته انه مايبغي يعطينا .. لكن خذناها ..ف ياريت حد يجاوبني ليش ؟؟!!!



""""""""""""



الفندق :



NH Wien













Hotel in Vienna, 4 stars


Mariahilfer Strasse32-34 (via Lindeng.9). A-1070 Wien. Vienna (Austria)



Tel. +43.1.521720 | Fax: +43.1.5217215 |

Email: nhwien@nh-hotels.com


دخلنا الريسبشن وعطيناهم ورقة الحجز .. وفدقائق معدوده تم تسليمنا الغرفة رقم 215

الموظفين بشوشين وخدومين .. ويقدمون المساعده ويعطونك اجابة لكل استفسار عندك بخصوص الاماكن السياحية او المواصلات او الاتجاهات وغيرها

""""""""""""

اتجهنا لغرفتنا .. وكانت ممتازة





خزانه وتلفزيون فالغرفه





الصالــة .. وفيها طاوله طعام .. وكنب وتلفزيون .. بالاضافه للمطبخ التحضيري .. الميني بار





الميني بار .. وفيه مايكرويف + ثلاجة










هدية من الفندق






الحمام عزكم الله .. وهو منفصل عن حمام الشاور









رتبنا اغراضنا وصلينا وبعدها اتوجهنا مره ثانية للريسبشن .. وسألناهم عن اتجاه المحطة الرئيسية westbanhuf لاني كنت شاكة اذا امشي يمين او امشي يسار ..كنا ناويين نشتري تذاكـر لسـالزبورغ

وعند خروجنا من الفندق عرفنا الطريج اللي يطلعنا على الشارع الرئيسي ..

وقابلتنا محطــة .. عند الفندق .. قريبة جدا ..


المهم مشينا مسافة 10 دقايق عشان نوصل للمحطة .. ورحنا لمكتب المعلومات واستفسرنا منهم . ف قالوا انهم بس يبيعون تذاكر الاوبان الداخلي (داخل فيينا)

وفعلا اخذنا عنهم تذكرتين لمدة يومين وقيمة التذكرة للفرد : 10يورو


واشرتلنا على المكتب الثاني اللي يبيع تذاكر للرحلات الخارجية


قيمة التذكره 42 يورو للفـرد (الدرجه الثانيه)

الأجمــالي لشخصين : 84

* قيمة حجز المقعد : 3 يورو فـ = 87





*
( نصيحة ) ماله داعي تحجز مقاعد .. لأن القطار كبير ويسد بلد
الأماكن كلها فاضية بس طب واتخير المكان , وماله داعي تحجز تذكرتك قبل الرحله بيومين او ثلاث , احجزها نفس الوقت , الا اذا كنت فأيام الاجازة (الأحد والاثنين) تطلع عليك ارخص .



بعدها طلعنا من المحطة .. وقضينا يومنا مشي فساحة ماريا هيلفر تحت الاجواء الماطرة ( اقصد رذاذ المطــر ) اليوم بأكمله كان نفاف روعة .. والناس كلها تتمشى وعادي الحياه حلوة
مارمت اصور .. خفت عالكيمرتين


عموما ً : الساحة مليئة بالمارة .. وكلها محلات متنوعة بالأضافة لوجود سنتر كبير .. فيه كل ماتحتاجه .. ويوجد به قسم مخصص للالكترونيات


وطبعا اشترينا حاجتين :

* الفيشة الاوروبية لأن اللي يبتها من الامارات طلعت مافيها بطاريات
فقلنا بدال مانشتري بطاريات وتفضي .. ناخذ فيشة من عندهم احسن

* ميموري لكاميرة السوني


بعد ما اتمشينا وخلصنا .. قصدي المحلات سكرت ..ههههههههه
وصارت الساحة هادية .. قلنا ناخذ لنا عشا ونتعشى فالفندق ..

ولقينا مطعم تركـي في نفس الساحه


"""""""""""""

خرائط ومواقع تخص فيينا




شكرللاخ رجل شرقي


الدليل السياحي لمدينه فيينا على شبكة الانترنت



http://www.wien.info/ar/sitemap



____________________




google خريطة فيينا عن طريق موقع



http://viennaunderground.eu

/


ــــــــــــــــــــــــــــــ ــــــــــــــــــــ ــــــــــــــــ




خريطة الاوبان – فيينا – من دون تحديد المعالم عليها

انصح كل مسافر ل فيينا بطباعتها وبتحديد الاماكن السياحيه عليها بنفسه مع الملاحظات

وهذا ما قمت به فعليا َ




http://homepage.univie.ac.at/horst.prillinger/metro/m/largemap.html



ــــــــــــــــــــــــــــــ ــــــــــــــــــــ ــــــــــــــــــــ




خريطة الاس بان – فيينا




http://homepage.univie.ac.at/horst.prillinger/metro/m/largemap-s.html




ــــــــــــــــــــــــــــــ ــــــــــــــــــــ ــــــــــــــ



خريطة الاوبان والاس بان معا ً



http://homepage.univie.ac.at/horst.prillinger/metro/m/largemap-s-wien.html


تقريري عن جزيرة موريشيوس الساحرة

تقريري عن جزيرة كيش

.. النمسـا 10/10/2011
ستـاد الليانـز ارينا - بايرن منشـن الالمـاني
24 / 11 / 2011, 05 : 01 PM
رقم المشاركة :  2 
][::.. درجة أولى ..::][



الملف الشخصي
تاريخ التسجيل : 15 / 06 / 2011
رقم العضوية : 28263
الإقامة : uae
المشاركات : 848
التقارير : 4
الجنس : أنثى
الحالة : nooni غير متواجد حالياً
تقريري عن النمســا الحالمــة 2011 " فيينا *سالزبورغ*زيلامسي* منشن"1

اليوم الثاني 11 / اكتوبـر / 2011 الثــلاثاء




نشينا الساعة 7 الصبح
واتجهزنا عشان نستعد لهاليوم ..لأنه بيكون حافل
نزلنا للمحطة اللي عند الفندق ..


:: وكان مخططنا كالتالي ::

زيارة برج وحديقة الدانوب



زياره نهر الدانوب

زيارة ملاهي بارتر



زيارة حديقة تشاد

ساحة كارل بلاتز

التوجه لمحل الايس كريم تيشي

الذهاب الى قصر الشنبرون

العودة الى شارع ماريا هيلفر


+++++++++++++




بعد ماتوجهنا للمحطة .. نسيت نقطة مهمة وهي التركيز على الاسم في بداية المسار .. والاسم في نهاية المسار .. بالرغم من قرائتي لشرح الاندرقراوند ..

لانه يحدد طريقك سواء للذهاب أو العودة

ولقد نبهني بائع الجرائد لهذه النقطة عند سؤالي له عن كيفية الوصول لبرج الدانوب

والحمدلله .. الامور مشت على خير ..


حبيت الاندرقراوند ..
اسهل واسرع واوفر


خذنا المسار البرتقالي U3 باتجاهsimmering




لحد ماوصلنا لمحطة stephans platz
نزلنا فيها .. ورحنا للمسار الاحمر
U1 باتجاه Leopoldau


وتوقفنا فمحطة Alte Donau


وهي المحطة المؤدية لبرج وحديقة الدانوب


بعد الخروج من البوابة تعبر الشارع للجهة المقابله
وتكمل سيده .. مشوار 8 دقايق



بعدها راح اتشوف على ايدك اليسار كانتين صغير


بعدها لوحه المطعم صيني وبعده مباشرة المطعم





بعد المطعم مباشرة تاخذ يسار ثم يمين.. وعلى طول راح اتشوف الحديقة وفيها طريج طويل تمشي فيه ..





نهاية الطريج تاخذ يسار .. وتكمل سيده لين ماتوصل للبرج .. وراح تلقى مكتب صغير



لبيع التذاكر

فالطريج للمكتب .. شفت القطار ..وحبيت اصوره لكم ..


مقتطفات وانا فطريجي للبرج ..






لقطة للبرج من مسافه بعيده








اهتمام كبير بالحديقه


اللون الابيض .. اتحريته اصطناعي .. لكن لما لمسته طلع طبيعي ..سبحان الله




واخيرا وصلنا لمحل بيع التذاكر .. ومدخل البرج بداخله



مجموعة اطفال اتوقع من الحضانة .. ويايين رحلة للبرج



دخلنا المكتب واشترينا تذكرتين




بعدها توجهنا للمصعد .. وفالمصعد شخص يشرح لنا الارتفاعات وسرعة المصعد والمكان اللي بتوصلون له ..

اول ما وصلنا .. خذت لقطات لمناظر من اسفل البرج ..

والسموحه اغلبية الصور مب واضحه والسبب ان الزجاج مب نظيف ..











بعدها رحنا الكوفي شوب الموجود بنفس الارتفاع ..





فطرنا فيه وكان الفطور وايد لذيذ







وطلبت منها اتسويلي لاتيــه ف مق الكانون
ويمكن هي اول مرة اتشوف مق(كوب) يشبه العدسة ..فكانت مستغربة
بس قالتلي انه نايس وحبته وايد خصوصا لما سوتلي فيه الكوفي








و خذت لقطات ثانية للأسفل ..
الحلو فالبرج .. انه يتحرك .. يعني يدور .. ببطء شديد .. لدرجة اني ماحسيت

فيه الا لما ركزت .. يعني اتشوف كل المناظر اللي حوالين البرج ونته يالس فمكانك



























يوجد مطعم فآخر فالبرج .. وهو فوق الكوفي شوب بقليل ..اي تفصل بينها امتار قليله



لا تستطيع دخوله الا وقت الغداء.. لأنه يفتح الساعة 1 ظهراً


+++++++++


بعد ما استمتعنا بالمناظر والفطور الذيذ قررنا النزول من البرج والاتجاه لنهـر الدانوب


رجعنا لنفس المحطة اللي نزلنا منها .. وخذنا المسار الاحمـر Reumannplatz U1

وقفنا فمحطة Donauinsel


اتمشينا على نهر الدانوب . . وكان مكون من مطاعم متنوعه وكوفي شوب .. بس منظر النهر كان روعه









حبيت البط ..






المطاعم مقفلة .. اتوقع تفتح وقت الغداء.. ماعدا مطعم واحد .. كان مفتوح .. فسالنا صاحبه وهو تركـي عن القارب اللي نمشي فيه فالنهــر ..
فقالنا انه انتهــى موسمه وماعاد فيه قوارب للتنزه او لرحلة بحرية

رجعنا للمحطــة وقررنا انكمــل باقي مخططنا لهاليوم ..طبعا اكيد الى المــلاهـي

خذنا المسار الاحمـر Reumannplatz U1


اتوقفنا فمحطـة Praterstern وهــي محطة كبيـرة .. دورنا عالمخرج

وعلى مبنى المحطه ساعه كبيره




وبمجرد خروجنا من المخرج شفنـا ملاهـي براتر عالشارع المقابل




وهذي صورة القطار




صوره المدخل


محل بيع الايس كريم عند البوابة



صور للكوفي شوبز




صور متنوعه للمنتزه والالعاب













اسطبل للخيل



طبعا بعد كر وفر .. قررت اركب هاللعبة وانا مترددة
هذي خلاص جديمه




وهذي اليديده





فيه نوعين من قطار الموت .. واحد يخوف .. والثاني يموت من الخوف

فركبنا العادي .. ونا بعدني متردده وناوية انزل قبل لايتحرك .. والسبب اني وايد اخاف من الاماكن المرتفعه (عندي فوبيا)
اتحرك القطار ونا متمسكة بكل قوتي .. القطار وايد سريع ويخوف وخصوصا اني عالزاويه .. يعني لما يلتف ولا يدور احس اني بطيح

مارمت اقاوم الخوف لدرجة اني صحت وااشر على الشخص لي شغل القطار انه يوقف اللعبة .. واني ابغي انزل .. والعالم تتفرج ..ههههههههه

طبعا نزلت ونا اصيح وزوجي يضحك .. واللي شغل اللعبة يقولي اذا تخافين ليش تركبين اللعبة بس بعدها حرمت العب اي لعبة مع اني كنت ناوية اول ماادخل الملاهي..العب لعبة القارب اللي فالمـاي

طبعا هذي مسكره وجديمه




اليديده .. فلم رعب




صور لبقية الالعاب













بعد ما طلعنا من المــلاهي
اتوجهنا للمحطة نفسها .. وخذنا المسار الاحمــر Reumannplatz U1


وتوقفنا فمحطــة Stephans-Platz
وكان المكان وايد مزدحم ..
دخلنا هالمكــان .. اتوقع متحف.او كنيسة .














بعدها اتوجهنا لســاحة كارل بلاتز Karls-Platz
لقينا صفين كاملين من العربات اللي اتييرها الخيول
فقلنا ناخذ لنا جولة فالساحة



لك حرية الاختيار .. يا اما تاخذ جولة كاملة .. او نص جولة ..
خذنا جولة كاملة .. مع ان نص جولة احسها كافيه .. او حتى لو تلف الساحة مشي ..


صور للساحة من العربـة














بعدهــا قمــة الحمــاس .. الى آيس كريم تشي

وعشان نوصل له .. كملنا عنفس المسار U1.. وتوقفنا فمحطة Reumannplatz



وهي المحطة الاخيرة فالمسـار الأحمر .. وبما انها المحطة الاخيره .. كان فيها تفتيش فجائي عالتذاكر .. وهو التفتيش الوحيد لي صادفنا
اول ماخذنا المخرج .. لقيت مبنى كبير عالزاويه .. وعليه الاسم تشي..لكن ماركزت..لان المبنى تحت الصيانة




فيلسنا اندور يمين ويسار.. وعقبها سألت احد المارين من المبنى .. عن ايس كريم تشي..فقالي انه فهالمبنى .. لكن امسكر .. بسبب الصيانة







تم فخاطري هالاسكريم ..الظاهر مالنا نصيب انجربه


رجعنا على نفس المسار الاحمـر U1 لكن هالمـرة الاتجاه المعاكس Leopoldau
والوجهة التاليه بتكون حديقـة تشاد

كملنا عالمسار الأحمـر .. واتوقفنا فمحطة Karls-Platz
وعشان انسير للحديقة لازم انغير المسار فهالمحطة من الأحمــر للأخضر


المســار الأخضـر U4 باتجاه Heiligenstadt

نتوقف فمحطة Stadtpark

بداية الحديقة و منظر الأطفال وهو يلعبون



كملنا مشوارنا لداخل الحديقة ,, ماقدر اوصف جمال هالحديقة .. مكان جدا رائع
تنفع للأسترخاء وتناول الفطور فيها .. او حتى الغداء ..




نعبر الجسر للوصول للطرف الثاني من الحديقه














روعه منظر البحيرة الصغيره .. والبط اللي فيها



















مناظر اخرى













بعد ما استمتعنا بمناظر حديقة تشاد الخلابة

شفنا ان عدنا متسع من الوقت لزياره قصر وحديقة الشنبرون
لكن اليوع كافر .. هههههههه فقررنا نرجع للفندق .. عشان نصلي .. ومن بعدها نتغدا ف مطعم نورد سي وعفبها انتابع مشوارنا للقصر


رجعنا لمحطتنا Neubau-gasse القريبه من فندقنا .. وهي على المسار البرتقالي U3
المطعم قريب من الفندق .. بضع خطوات ..

صورة للمطعم NORDSEE




شفتوا الريال اللي على يمين الصورة .. واللي متجه لجدام .. هذا الاتجاه يطلعك على الفندق


طبق الغداء وكان لذيذ جدا







لازم انحلي .. بوديينق روز بيري .. لذيذ






من بعدها رجعنا للمحطة Neubau-gasse المسار البرتقالي U3
باتجاه
Ottakring


اتوقفنا فالمحطة الرئيسيه West-bahnhof على المسار البرتقالي U3
وغيرنا مسارنا للبني
U6 باتجاه Siebenhirten

وتوقفنا ف محطة Langenfeld-gasse عشان انغير المسار للأخضر U4 باتجاه Hutteldorf


واتوقفنا فمحطة Schon-brunn وهي المحطة المؤدية للقصر

لاحظنا ان القصر مساحته كبيره من الخارج .. واحترنا ناخذ يمين القصر .. او يساره
بالنهايه خذنا اليمين .. ومشينا مسافه طويله لحد ما وصلنا لبوابة الدخول ..



وبين مانحن نمشي كنا نشوف صور افراد العائلة الحاكمة




واخيرنا وصلنا البوابة





ماكانت تستهويني مشاهده القصر من الداخل كثر ما ودي اشوف الحديقة الملكية ودهاليزها


تحركنا بأتجاه الحديقة





صوره للقطار اللي يلف فيك فالحديقه وارجاءها




فضلا المشي لان مشوارنا لخلف القصر ومن ثم حديقة الحيوانات الموجوده بالقصر











الحديقة المطله على القصر


















المشي في الشنبرون متعب نوعا ما .. لان المساحات شاسعه وكبيره ومتفرعه







كملنا المشوار للنهايه .. وصادفتنا الحديقه عالجهة اليمنى





كنت متحمسه .. احب الحيوانات
دخلنا البوابه .. بس كان شباك التذاكر امسكر مع انها الساعه 6 وشي
فأجلت زيارة حديقة الحيوانات لليوم الثالث ..


وكان بجنب الحديقه فالوسط رسومات منحوته لاشخاص .. تتدلى منها المياه ..بس التصوير الليلي ماكان واضح















بعض المقتطفات عند الخروج من حديقة الشنبرون













بدت الدنيا تظلم .وكان يوم حافل ومتعب فنفس الوقت.
فقررنا نرجع لمسارنا البرتقالي اللي يقع فيه الفندق

ونتمشى فيه شويه .. وبما اني كنت شبعانة .. وماودي اتعشى .. زوجي خذله بارسل من مطعم تركي ورجعنا الفندق
تقريري عن جزيرة موريشيوس الساحرة

تقريري عن جزيرة كيش

.. النمسـا 10/10/2011
ستـاد الليانـز ارينا - بايرن منشـن الالمـاني
24 / 11 / 2011, 05 : 01 PM
رقم المشاركة :  3 
][::.. درجة أولى ..::][



الملف الشخصي
تاريخ التسجيل : 15 / 06 / 2011
رقم العضوية : 28263
الإقامة : uae
المشاركات : 848
التقارير : 4
الجنس : أنثى
الحالة : nooni غير متواجد حالياً
تقريري عن النمســا الحالمــة 2011 " فيينا *سالزبورغ*زيلامسي* منشن"1

اليــوم الثالـث الأربـــعـاء

مخططنــا كالتــالي :


* قمــة جبل Kahlenberg


* حديقـة الحيوانات الموجودة في قصر الشنبرون

* التسوق في شارع ماريا هيلفر

* ترتيب الحقائب والاستعداد للمغادرة لليوم التالي


كالعــادة استيقظنا باكراً .. تناولنا فطورنا .. واتجهنا مباشرة لمحطة القطار

توقفنا عند محطة West-bahnhof

ومن ثم انتقلنا للمسـار البني U6 باتجاه Floridsdorf
توقفنا عند محطة
Spittelau لتغيير المسار الى الأخضر U4 والمتجه الى Heiligenstadt

لما وصلنا لـمحطة Heiligenstadt

لقيناهالمحل يبيع انواع رائعه وتشكيلات متنوعه من الزهور




اتجهنا الى المخرج المؤدي الى موقف الباصات ..وهو فنفس مكان بيع الزهور


موقف الباصات .. بتلاحظون لوحات مكتوب عليها رقم الباص .. اتجهنا مباشرة للباص رقم A38
يعني اول ماتطلع من المخرج تاخذ يمين ..

الطريج طويل للقمة .. لأن الباص يمر على قرية .. وبعدها على محطة محطة .. لين مانوصل القمة

وصورة من الباص



وصلنا لأعلى الجبل





الأجواء جدا بارده ..



حبيت المكان وايد .. والصور اكثر تعبيرا مني .












شربت منه .. ماي الجبل غير




اغلب الصور عليها رذاذ .. بسبة الجو .. ماكنت اعرف اذا هذا غيم او رطوبة














++++++

طبعا رجعنا الظهر لان المسافه طويله ..واتجهنا لشارع ماريا هيلفر عشان نتغدى..
وصادفنا مطعم تركـي كان زحمة عليه ..وقلنا اكيد اكله طيب



الأكــل جدا لذيذ







++++++++


وبعد الغدا .. كملنا مشي.. وشفنا محل راقي للأيسكريم والمشروبات والسويتس وغيره
واخيرا باكل ايس كريم ..



طلبنا نوعين .. اخليكم مع الصور




.. بعد التحليه .. رجعنا الفندق عشان انصلي .. ومن بعدها كملنا المشوار واتجهنا للمحطة

عشان انروح حديقة الحيوانات اللي فقصر الشنبرون



اتوقفنا فالمحطة الرئيسيه West-bahnhof عشان انغير المسار للبني U6

واتوقفنا مرة ثانيه فمحطة Langenfeld-gasse لتغيير المسار للأخضر U4
والمتجه لـ
Hutteldorf
اتوقفنا فمحطة
Schon-brunn

ودخلنا القصر مرة ثانيه واتجهنا دايركت على حديقة الحيوانات
وكان يطيح مطر بس نفاف ..وخفيف جدا







وصلنا الحديقة
التذاكر




الحديقة كبيرة وايد .. ومتفرعة .. وانصح اللي يزورها ان ماينسى ياخذ معاه البروشور
الخاص بخريطة الحديقة .وموجود عند بوابة الدخول. الخريطة بتسهل عليك الوصول للاماكن والاتجاهات والمخارج لانها امحدده بأرقام

مدخل الحديقة وف استقبالنــا ....



كملنا المسيــر ..




فالحديقه العديد من الاماكن المغلقة ..
واول مكان ندخله حسسني اني فغابة .. والرطوبه فيه وايد عاليه وصعب الواحد يصور
كل ما احاول اصور القى عدسة الكيمرا كله ضباب .. جربت الكيمرتين وماشي فايده .. استعنت بالبلاك بيري .. بس لاحول ولا قوة ..احاول انظف العدسه عالسريع والتقط الصورة

فاول المدخل
النبته الغريبه (وهي زهرة) بس كبيره فحجمها ونادرة


صعب تصويرها .. لانها موجوده فمكان مظلم ورطب
فحاولت اصور بكيمرتي لكن العدسة مضبية (عليها ضباب .. لأن المكان به نسبه رطوبه عالية)بالنهايه حاولت بالايفون




المكان مليئ بالطيور النادرة .. والمكان مفتوح لها .. يعني تحلق فوق راسك
وفيه زواحف نادرة .. واسماك.. ومكان مخصص للخفافيش .. طبعا مادخلته .. الريحه واصله حدها..وغير هذا المكان مسكر ومظلم



بعدها طلعنا وكملنا الطريج .. وعند كل تقاطع راح تلقى لوحات ارشاديه تنبهك ان الأتجاه لليمين يؤدي الى "وحاطين صور الحيوانات " والأتجاه لليسار يؤدي الى "وحاطين صور الحيوانات"








بس حد يخبرني ليش واقفين بهالطريقه وتحت الضوء والمكان وسيع








حبيت البطاريق .. وكانوا نوعين ..


التصوير مب واضح لان المكان مغلق .. والزجاج مب نظيف







كملنا جولتنا ..



حبيت الدب



النمــر ..






فالاخير يلسنا اندور الباندا .. واللي مارحت الحديقه الا لعيونه
لقيناه مكيف عالاخير وهو ياكل عود الخيزران

حاولت الفت انتباهه لأكثر من مره ولكن لا حياة لمن تنادي




بعدها انتهينا من جولتنا فالحديقة .. طبعا مارحت لعده اقسام .. لكن المشي فيها متعب
ويبغيلك ساعات عشان تتجول فالحديقه بكبرها

وهالصورة ونحن طالعين من الحديقه باتجاه المخرج .. والمخرج من مكان ثاني غير المدخل






+++++++++++++++++++

بعدها رجعنا لشارع ماريا هلفر .. واشترينا بعض الحاجيات
ومن ضمنها متجر متخصص في بيع منتجات شركة ابل
واشترينا من عندهم كفر للايباد
ونوعيته ممتازة

بعض اللقطات ونحن نتمشى .. وكان يطيح نفاف خفيف .. فبعض الصور عليها قطرات




ودخلنا سوبرماركت spar


وخذنا من عندهم جوكليت . . خبز بالحليب .. وحليب فرش للفطور
ولقطات من منتجات السوبرماركت

كابريسن كرز



اكتيفيا فواكه



بعدها مرينا على مطعم تركي واخذنا بارسل للعشا ورجعنا الفندق
تقريري عن جزيرة موريشيوس الساحرة

تقريري عن جزيرة كيش

.. النمسـا 10/10/2011
ستـاد الليانـز ارينا - بايرن منشـن الالمـاني
24 / 11 / 2011, 05 : 01 PM
رقم المشاركة :  4 
][::.. درجة أولى ..::][



الملف الشخصي
تاريخ التسجيل : 15 / 06 / 2011
رقم العضوية : 28263
الإقامة : uae
المشاركات : 848
التقارير : 4
الجنس : أنثى
الحالة : nooni غير متواجد حالياً
تقريري عن النمســا الحالمــة 2011 " فيينا *سالزبورغ*زيلامسي* منشن"1

13/10/2011 الخميس


صحينا بدري .. خذنا شاور .. وفطرنا

الفطور





نزلنا الريسبشن عسب انسوي جيك اوت ..

وبعدها اتوجهنا للمحطة الرئيسيةWestbanhuf
واخذنا المخرج اللي يودينا لصالة الانتضار .. وهي كبيرة وفيها مطاعم وكوفي شوبز ومركز للمعلومات
وكانت فيه بعض اعمال الصيانة





يلسنا عكراسي الانتظار .. بما انه وصلنا من وقت وجدامنا ساعتين تقريبا ً ..

طلبنا كوفي من انكور


*اتوجهت لقسم المعلومات عسب استفسر عن القطار واي بوابه اتوجهه لها .. عطاني المعلومه ونبهني اني لازم اجيك على الشاشة الزرقه المعلقة فوق .. لأن ينكتب فيها القطار واسمه ورقمه .. ورقم البوابه

* ملاحظة : القطار يوصل قبل موعد الرحله ب نص ساعه تقريبا ً .. يعني الوقت اللي محدد في التذكرة هو وقت تحرك القطار من المحطة

وفعلا لاحظت ان البوابه رقم 7 وصل لها القطار .. واستغربت ان الساعه 10 وشي
فلما سألت مركز المعلومات : قالي ان هذا هو القطار ونقدر نركبه


اتوجهنا للقطار : وشفنا الموظف اللي بجانب القطار وسألناه فقالنا هذا هو القطار اللي بيوديكم سالزبورغ



طبعاً: ماكانت عدنا خلفيه عن المكان اللي المفروض نيلس فيه .. وهالشي وايد مهم ..


فالتذكره : راح تلقى رقم البوابه : مثلا مكتوبGate 7
ومكتوب فيها رقم المقطوره : 21 او اي رقم كان .. ( ويقصد فيه ) ان القطار متكون من كذا مقطوره . مثلا يبتدي من الرقم 1 الى الرقم 40

راح اشرحلكم على التذكرة


الدائرة الورديه : معناتها وقت وصول القطار للمحطــة
يعني تقدر فهالوقت تتجه مباشره للقطار

الدائرة البنفسجية : معناتها وقت وصول القطار للمنطقة الثانيه

الدائرة الحمرا :معناتهاسم القطار ورقمه .. وراح تلقى اسم القطار ورقمه فالشاشات الزرقا اللي بالمحطة وعداله رقم البوابه وساعه وصول القطار

* الدائرة الزرقاء :رقم المقطوره وهو مهم جدا ً .. يعني مكانك اللي بتيلس فيه فالقطار


الدائرة الخضراء : وهي ارقام المقاعد ..

* وانته تمشي بجانب القطار راح اتلاحظ ان كل مقطوره اتمر عليك فيها شاشة الكترونية
مكتوب فيها رقم المقطوره باللون البرتقالي .. مشينا مسافه طويله لين ماوصلنا للرقم 21

الصوره مب واضحه لانها الكترونيه



ولو تلاحظون ان بداية القطار بيكون مخصص للدرجه الاولى
صعدنا القطار .. واخذنا مقاعدنا بما انا نحن حاجزين المقاعد .. وراح تلقى رقم المقعد فالتذكرة


المقاعد العاديه وتشبه مقاعد الطائرة



اماكن مخصصه لوضع الحقائب





حسينا باليوع فقلنا نتغدى فالقطار .. انتظرنا احد الموظفين عشان نبلغه .. ف بلغنا انه في شخص معين راح يمر بنفسه على كل مقطوره ومعاه عربة وفيها كل قايمة الطعام الموجوده فالبروشور





طبعا طلبنا هالوجبه .. اما بالنسبه للي حاب يطلب عيش ف هو مخصص للبارسل فقط ..



بعض الصور التقطتها من القطار














القطار اتوقف اكثر من مره .. ولدقايق معدودة ..فكل محطة اتمر عليه .. طبعا كل محطة يوقف فيها القطار
راح ينكتب اسمها فالشاشة الزرقه المعلقة
وبمجرد ماتوصل سالزبورغ ... راح ينكتب فالشاشة اسم محطة سالزبورغ
وفيه بروشور على المقعد .. يبين لك المكان اللي اتحركت منه .. وكم محطة بتقابلك لين ماتوصل للوجهه اللي تبغيها




بعدها وصلنا لمحطة سالزبورغ بالسلامة .. ودايركت خذنا المخرج .. وبعد كانت فيه اعمال صيانة
بمجرد ماطلعنا من مخرج المحطة .. كان مجابلنا مركز بيع التذاكر ولاصق فيه مركز السياحه واللي يعطيك كل المعلومات السياحية اللي تخص سالزبورغ .. اما على يسار المحطة مركز المعلومات .. واللي بيفيدك من ناحية
ارقام الباصات وتحركاتها والاوقات .. مثلا تبغي اتسير لرحله معينه .. تتوجه مباشره لمركز المعلومات وتبلغه وهو بدوره بيطبع لك ورقه فيها رقم الباص و وقت الذهاب والعوده وبيعطيك بروشور خاص بالباص ورقمه والوجهات اللي يمر فيها الباص

وبعد فجهة اليسار محطة الباصات
بالاضافة الى بعض المطاعم مثل برجر كينج ومطعم تركي وكوفي شوب




اما على يمين المحطة فهو الفندق اللي بنسكن فيه ( رامادا) الحلو فيه انه وايد قريب من محطة القطارات والباصات.. ولاصق فيه سنتر وفيه محلات وسوبرماركت مولر وكوفي شوب وماكدونالدز
بالاضافه ل سنتر اخر بعد هالسنتر

سوبرماركت مولر الموجوده فالسنتر اللي عدال الفندق





الفندق : رمادا


RAMADA Hotel Salzburg City Centre ****


Südtirolerplatz 13, 5020 Salzburg, Österreich

Telefon: +43 (0) 662 / 22 85 - 0,

Telefax:
+43 (0) 662 / 22 85 - 500

E-Mail: salzburg@ramada.de










طبعا وصلنا قبل الوقت .. فتركنا اغراضنا عند الريسبشن واتوجهنا لمكتب حجز التذاكر..على اساس نحجز تذكرة لزيلامسي
بس الرد كان: مايستوي
يعني لازم نحجز فنفس يوم السفر لزيلامسي .. ولازم قبل الرحله بساعه او اقل او حتى قبل وصول القطار بقليل

بعدها توجهنا لمركز السياحه .. خذنا خريطة سالزبورغ .. وحدد لنا بالقلم المسافة اللي نمشيها للميرابل و لنهر السالزاك والمدينه القديمة.. وعطانا كتب الاماكن السياحيه واغلبيه الاماكن محدده عالخريطة بالارقام.. وتتوفر الخريطة بالفندق

اشترينا بطاقتين (بطاقة سالزبورغ) لمده يومين الوحده بسعر 48 يورو


** نصيحة : ما انصح ابداً بشراءها
ماراح تفيدك بشي .. الاماكن قريبه منك وتقدر اتروح لها مشي مثل حديقة الميرابل ونهر السالزاك والمدينه القديمة وحتى السنتر

المواصلات فحال انك ماحبيت تمشي وتبغي تروح لهالاماكن بالباص فسعرها جدا رمزي ورخيص .. اما المواصلات اللي بالكهربا فهي مجانيه


* الاماكن السياحيه اللي اتفضل زيارتها فسالزبورغ معروفه وهي قرية موندسي + هالشتات + البحيرات الثلاث
وكل هالاماكن خارج منطقة سالزبورغ .. يعني عشان تروح لهالاماكن لازم تدفع لباص المواصلات بغض النظر عندك البطاقه او ماعندك
يعني البطاقة ماتصلح للاماكن البعيده
يعني تدفع هالمبلغ الكبير عالفاضي .. ونحن ماستفدنا منها الا فمكان واحد وهو لما زرنا
قصر الهلبرون ( الفانتازيا)

المهم رجعنا للفندق ..وسوينا جيك ان .. وحملنا اغراضنا للــغرفة 215

والمصادفه الغريبه ان فندقNH wien & Ramada
عطونا نفس ارقام الغرف (215)


الغرفة





الحمام عزكم الله ..
باب الحمام






التلفزيون


الغرفة صغيره الحجم . ويادوب فيها مساحه عشان تمر او تمشي
الحمام ماعليه اي كلام
للأسف : لايوجد ميني بار (مطبخ تحضيري ) ونا على علم بهالشي قبل حجزي لهالفندق
لأن مذكور فصفحة الفندق : انه لا يوجد ميني بار
ومن الغريب ان هالفندق مايوفر الميني بار
لأنه يديد ومطور وراق

الفطور : شامل الفطور
الأنترنت : مجاني سواء فالغرف او اللوبي



بعد ماصلينا اتوجهنا للريسبشن وخذنا كمن معلومة عن الطريج واتحركنا مشي بأتجاه حديقة الميرابل


بعد ماوصلنا لمبنى الكونجرس وكان على يمينا.. بعده مباشره خذنا يمين ومشينا سيده .. المكان كله زرع .. وشفنا حديقة الميرابل على يسارنا

الحديقة لها اكثر من مدخل











حبيت هالمكان













بعدها قررنا نتوجه لنهر السالزاك

رجعنا من المكان اللي ييناه .. يعني رجعنا لمبنى الكونجرس .. وكملنا الطريج .. لين وصلنا لمبنى البلدية


وكان النهر عيمينا

















كنت اتمنى لو اني خذت معاي قفل وكتبت عليه اسمي واسم المنتدى وعلقته للذكرى




القارب .. ياخذك في جوله للنهر تقريبا مده 35 او 40 دقيقه




بعدها كملنا ونزلنا من الجسر واللي يودينا لسالزبورغ القديمة

حبيت سالزبورغ القديمة وايد ..
























بعدها رجعنا مشي للفندق .. وكان وقت المغرب الساعه 7 تقريبا ً .. لان قضينا معظم وقتنا ونحن نتمشى فسالزبورغ القديمة

ونحن راجعين الفندق وفالمحطة نفسها مرينا على المطعم التركي فالمحطه وخذنا بارسل للعشا


طبعا كالمعهود يوميا قبل النوم لازم اراجع لرحلة اليوم الثاني .. ههههههه ..اللي يشوفني يقول اذاكر للامتحانات
تقريري عن جزيرة موريشيوس الساحرة

تقريري عن جزيرة كيش

.. النمسـا 10/10/2011
ستـاد الليانـز ارينا - بايرن منشـن الالمـاني
24 / 11 / 2011, 05 : 01 PM
رقم المشاركة :  5 
][::.. درجة أولى ..::][



الملف الشخصي
تاريخ التسجيل : 15 / 06 / 2011
رقم العضوية : 28263
الإقامة : uae
المشاركات : 848
التقارير : 4
الجنس : أنثى
الحالة : nooni غير متواجد حالياً
تقريري عن النمســا الحالمــة 2011 " فيينا *سالزبورغ*زيلامسي* منشن"1

اليوم الثاني : ف سالزبورغ

14/10/2011

صحينا من وقت : اتجهزنا ورحنا لصالة الفطور .. والصاله مساحتها كبيرة ودزاينها حلو ومرتب

الفطور



بعدها اتوجهنا لمركز المعلومات عشان مخطط رحلتنا لهاليوم بيكون

زيارة قريه هالشتات + قريه وبحيرة موندسي


كان فيه مجال انه نزور هالقريتين بتبديل الباص .. لكن الرحلة راح اتكون طويله واخر باص يرجعنا لمحطة سالزبورغ بيكون فوقت متأخر جدا , والرجوع من هالشتات لمحطة سالزبورغ جدا طويله لان طريج العوده غير


فقررنا انه نكتفي بقرية موندسي

وفعلا اتحركنا الساعة 10:15 بالباص وكانت المسافه بعيده ,, اتمتعنا بالمناظر اللي حولنا لحد ماوصلنا لقريه وبحيره موندسي























حبيت موندسي وايد .. قرية بسيطة وهادية وجميله جدا والمناظر فيها جدا رائعه ..


اتجولنا فأرجائها
واول مكان صادفنا .. ايضا كنيسة .. لكن حبيت التصماميم اللي بداخلها ..















عاد شوفوا الشي الغريب اللي يبيعونه اكيد ما اشتريته .. بس حبيت اراويكم ياه



وفوق هذا كل مادش حد من السياح ولع له شمعه ..:3:


+++++++++

بعدها اتجولنا ف ارجاء القريه تابعوا معاي

المناظر خلابة



























شوفوا شيره التفاح








++++++

بعدها خذنا لفة عالمحلات الموجوده فالقريه .. وهي محلات عاديه اغلبها اتبيع الملابس
وتكثر المطاعم والكوفي شوبز بهالقرية
اتجهنا لمحطة الباصات للأستعداد للعوده لمحطة سالزبورغ ..

++++++

رجعنا للفندق للصلاه .وعقبها اتغدينا ف ماكدونالدز اللي فالسنتر
. وبعدها اتوجهنا لمركز المعلومات عشان نستفسر عن قصر الهلبرون

.. وفعلا ركبنا الباص رقم 25 واتجهنا مباشره لقصر وحديقة الهلبرون .. ..

الخول محدد يوقت معين ,, يعني لازم تنتظر لحد مايسمحولك بالدخول .. واكيد بتكون معاك مجموعه






يرافقكم مرشد .. وهو اللي راح يشرح لكم بالتفصيل الاشياء الموجوده بالداخل وهو اللي راح يفاجأكم بألألعاب المائية من كل صوب ..










































طبعا لو تلاحظون هذا مش مجرد ديكور .. هذي قطع مركبه وتتحرك بطريقة عجيبه

اما الحديقه مساحتها شاسعه ومرتبة بطريقة رائعه
بعد الانتهاء من التجول .. اتجهنا لمحطة الباص .. وانتضرنا 30 دقيقه والسبب ان الباص فاتنا
بعدها رجعنا لمحطتنا .. وقضيناها مشي لهالكوفي الشوب
وهو ممتاز جدا ..



حبينا انريح بعدها فالفندق لفتره .. لأن نوينا نتعشى فمدينه سالزبورغ القديمه وتحديدا في مطعم هندي يكون فاتح لمنتصف الليل ..

المهم طلعنا من الفندق الساعه 9:30 واتجهنا للمدينه القديمه

مرورا بنهر السالزاك ولقطات ليلية



المطعم الهندي





وجبة العشا






الفاتوره




بعد العشا الذيذ رجعنا للفندق ..

وفطريجنا مرينا السوبرماركت

تقريري عن جزيرة موريشيوس الساحرة

تقريري عن جزيرة كيش

.. النمسـا 10/10/2011
ستـاد الليانـز ارينا - بايرن منشـن الالمـاني
24 / 11 / 2011, 30 : 06 PM
رقم المشاركة :  6 
خــبــيــرة قـطــر



الملف الشخصي
تاريخ التسجيل : 06 / 04 / 2010
رقم العضوية : 12820
الإقامة : Q♥T♥R
المشاركات : 2,879
التقارير : 9
الجنس : أنثى
الحالة : عيون Qatar غير متواجد حالياً
رد: تقريري عن النمســا الحالمــة 2011 " فيينا *سالزبورغ*زيلامسي* منشن"

ما شاالله من اجمل التقارير الي شفتها
استمتعنا بالرحلة وقرآءة التقرير
عساج على القوة اختي نوني
24 / 11 / 2011, 19 : 07 PM
رقم المشاركة :  7 
][::.. درجة أولى ..::][



الملف الشخصي
تاريخ التسجيل : 15 / 06 / 2011
رقم العضوية : 28263
الإقامة : uae
المشاركات : 848
التقارير : 4
الجنس : أنثى
الحالة : nooni غير متواجد حالياً
رد: تقريري عن النمســا الحالمــة 2011 " فيينا *سالزبورغ*زيلامسي* منشن"

اسعدني تواجدك وقرائتك لموضوعي. اخويه عيون الوكرة
تقريري عن جزيرة موريشيوس الساحرة

تقريري عن جزيرة كيش

.. النمسـا 10/10/2011
ستـاد الليانـز ارينا - بايرن منشـن الالمـاني
24 / 11 / 2011, 19 : 09 PM
رقم المشاركة :  8 
{ }



الملف الشخصي
تاريخ التسجيل : 30 / 05 / 2009
رقم العضوية : 8001
الإقامة : في قلـب الـزاد
المشاركات : 8,544
التقارير : 10
الجنس : ذكر
الحالة : سلطان1 غير متواجد حالياً
رد: تقريري عن النمســا الحالمــة 2011 " فيينا *سالزبورغ*زيلامسي* منشن"

السلام عليكم ورحمة الله وبركاته

الحمدلله على السلامة اختي الكريمة

ما شاء الله التقرير اكثر من رائع ومرتب بطريقة رائعة

وكذلك ما شاء الله عليكي محترفة تصوير ايضا

جزاك الله كل خير ويعيطيك الف عافية
26 / 11 / 2011, 30 : 01 PM
رقم المشاركة :  9 
درجة سياحية



الملف الشخصي
تاريخ التسجيل : 31 / 07 / 2010
رقم العضوية : 18969
الإقامة : الرياض
المشاركات : 178
الحالة : جريفاوي غير متواجد حالياً
رد: تقريري عن النمســا الحالمــة 2011 " فيينا *سالزبورغ*زيلامسي* ميونخ"

والله ولا أروع واحلى واشمل واميز من كذا

شكرا لك اختي على كل ماطرحتي

يستحق خمش نجوم بجداره

والله يجعل اليدين اللي سوت التقرير مايجيها النار

وجعل من جابك في الجنه
26 / 11 / 2011, 18 : 09 PM
رقم المشاركة :  10 
مــراقـب عـام
{مؤسس}



الملف الشخصي
تاريخ التسجيل : 24 / 06 / 2007
رقم العضوية : 44
الإقامة : زاد المسافر
المشاركات : 56,705
التقارير : 7
الجنس : ذكر
الحالة : أبوعبدالعزيز غير متواجد حالياً
رد: تقريري عن النمســا الحالمــة 2011 " فيينا *سالزبورغ*زيلامسي* ميونخ"

ماشاء الله عليك

تقرير جميل جداً وترتيب حلو للرحلة الممتعة

عجبني شرح تذكرة القطار فهي هامة وبعد هالشرح ماراح نتوه والبركة فيكم

نترقب الجزء الالماني في البوابة الالمانية
إضافة رد

المواضيع المتشابهه
الموضوع كاتب الموضوع المنتدى الردود آخر مشاركة
[ إحـداثـيـات ] احداثيات النمسا " فيينا + سالزبورغ + زيلامسي + انسبورك + ميونخ + بلدات أخرى " رجل شرقي زاد المسافر الى النــمسا 0 14 / 07 / 2010 21 : 02 AM


المواضيع ، تعبر عن رأي كاتبها ويتحمل مسؤوليتها فقط ، ولا تعبر بالضرورة عن رأي شبكة ومنتديات زاد المسافر .