السلام عليكم ورحمة الله وبركاته
جايب لكم اليوم محل العسل الموجود في زيلامسي
مع الوصف والاحداثية و الموقع على الانترنت
لطلب الاعضاءفي هالبوابه عن محلات العسل
وجبت لكم واحد مجرب تجربه شخصيه واسعار جداً حلوه
والاسعار راح اذكرها في اخر الموضوع
طبعاً الكل الي زار زيلامسي يعرف الاشاره الثانيه الي اذا وصلتها يا تروح يسار او اطول
وعلى يمين ما تقدر تروح لانك لازم توقف السياره في مكان مخصص وتروح تتمشى في شوارع
خاصه للمشي او تروح لبقالة بيلا او تشوف لك فندق تسكن فيه وبعدها بحيرة زيل
واذا رحت يسار من عند هالاشاره راح تمشي حتى توصل محل الترفليك
وموقع المنزل لبيع العسل قريب من اول موقف سيارات اقابلك للترفليك
بس بطريق فرعي على يمين
والاحداثية راح اتوصلك لين الشارع الفرعي حق البيت من بعد ما لفيت يسار من عند الاشاره
طبعاً ما ابي اطول عليكم لان الكل راح يمشي على الاحداثيه واخليكم مع الصور للتوضيح
من هنا الطريق شارع فرعي على اليمين والتوجه للمنزل مبيعة العسل
واذا لفيت مثل ما قلت لك على الشارع الفرعي على يمين تمشي تقريباً عشرين متر
راح تحصل هالوحه تبين مكان مبيعة العسل
وهنا يسكنون اهل البيت والبيت الصغير الي على يمين الصوره خاص للعسل تصفيه وبيع
وعلى يسار البيت توجد المناحل
وهذا البيت الخاص في بيع العسل بصوره اقرب
وهذي المناحل على يسار البيت الي يسكنونه بصوره اقرب
واذا عطيت البيت الي ساكنين فيه ظهرك راح تشوف ابداع الخالق والاطلاله الاروع
على زيلامسي وبحيرة زيل
مكان عرض و بيع العسل من الداخل
وهنا يوجد عسل وانواع من المربى الطبيعي من الفراوله وغيره
وهنا نوعين من العسل العسل بالون الغامق عسل غابات وبالون الفاتح عسل زهور
طريقة عرض الاروع للمنتجاتهم
وهنا عرض رايق بس الابتعاد منهم لان فيهم كحول زي ما قالو لي
وهنا تصفية العسل وتصليحه في علب وبعدها في مائدتكم الصباحيه
وهنا مكان استلام ما شريت وتسليم فولسك
احجام العسل الكبير الي فوق الطاول على يسار على الحافه
اما الحجم الوسط هو الي في وسط الطاوله
هذا ما شريت ويجهزونه لك في كرتون زي ما باين في الصوره
ومن هنا التوديع ببتسامه واستحياء
موقعهم على الانتر نت اذا حاب تشوف منتجاتهم
وهذي الاحداثيه
N 47° 19.577 E 12° 46.982
اما بخصوص الاسعار الحجم الكبير 12 يورو والوسط 6 والصغير 3يورو
الاسعار بتاريخ 10-10-2011
واتمنى اني وفقت في طرحه واجابة من كانت عنده تساؤلات
عن مكان العسل في زيلامسي
تحياتي للجميع
