عود على بدا المهم عندي لكم نصيحه لاتتقيدون باوقات الشيك ان الرسميه اللي يوصل اول يحصل احلى الغرف ويختار الاطلاله اللي يحبها وصلنا الفندق الساعه 11 ونص ولان امايه وابويه وياهم حمداني البيبي عطوهم اول غرفه فضت الرسبشن فخم جدا ومودرن والموظفين مبتسمين وسعداء وينتظرون الاشاره لتلبية طلباتكم
النافوره ذات الانغام الراقصه على لوحة بديعه من الفسيفساء
استخدام انواع نادره وفخمه من الرخام الطبيعي
قبه ذات انواع غريبه من الكرستال والاحجار الكريمه
في اللوبي لونج كان هناك عرض خاص بمناسبة الذكرى الابعين لقيام الاتحاد
بوفيه مفتوح لاجود اصناف التمور العربيه والحلويات الشرقيه
مع نوافير من الشوكلاته السائله بعدة نكهات ب40درهم فقط
استحينا انسوي دبنج جدام الناس فقاموا بوضع نكهات مختاره من الشكولاته
نكهة الليمون والبرتقال والكابتشينو والفراوله في اوعيه خاصه
الطعم رهيب ومتميز لكنه جريمه في حق نفسك ومجرد ثلاث قطع منه
كافيه بسد نفسك عن الطعام لاخر اليوم
واللي ما قاوموا الاغراء تمت جبدهم لاعيه وخذاهم صداع نصفي واخترب يومهم
لكنها تجربه تستحق المغامره
انتظروا جزء اخر من التقرير