Südtirolerplatz 13, 5020 Salzburg, Österreich

Telefon: +43 (0) 662 / 22 85 - 0,

Telefax: +43 (0) 662 / 22 85 - 500

E-Mail: salzburg@ramada.de

مرحبا

وعليكم السلام ورحمة الله وبركاته

اهلا اخي الكريم

اي استفسار ؟؟؟

السلام عليكم ورحمة الله وبركاته

أختي العزيزة نانا الفندق كم تنصحيني فيه سعره حلة وموقعه
بس مافيه ميني بار يسمحون نجيب معانا غلاية ماء أو نطلبها منهم

كم يبعد عن نعر سالزك وفندق ساخير على الأقدام

وشكرا

وعليكم السلام ورحمة الله وبركاته

الفندق ماعليه كلام .. نظيف جدا .. والتنظيف بشكل يومي .. والفطور ممتاز عندهم
وكل شي حوالين الفندق

واهم شي ان الفندق في مكان امن جدا .. بعيد عن الزحمه والبارات ..

ومحطه القطار والباصان بجنبه

مسافه 8 دقايق توصلين حديقه الميرابل .. وبعد ماتطلعين من حديقه الميرابل .. تمشين دقيقتين لجدام .. وتلقين نهر السالزاك على يمينج

المشي ممتع هناك .. ولا تقولين المسافه بعيده

بالعكس .. قريبه جدا .. وماتحسين بالتعب

وحتى شي باصات مجانيه تشتغل عالكهرباء .. من محطه الباصات نفسها .. تقدرون تركبونها وتوصلكم .. اذا ماتبغون تمشون

بالنسبه لغلايه الماي .. خذوها معاكم فالشنطه .. خذوا غلايه صغيره ..عشان ماتاخذ حيز فالشنطه

ماله داعي اعلامهم بهالشي ..

بس وقت ماتطلعون من الفندق .. رجعوا الغلايه فالشنطه ..لانهم بينظفون الغرفه ..

يعطيك العافية حبيبتي على الإفادة وماقصرتي حياتي
أوروبا حلوووووه بالمشئ بالجو الممتاز
يعني أخذ غلاية صغيرة لتعديل المزاج
طيب حبيبتي تحمليني وصولنا للفندق بعد تعب بنام الفندق فيه طلب طعام بالغرف بالساعات المتأخرة يعني الساعة 1 الفجر ( سؤال سخيف بس تحمليني هههههههههههه )
وإن شاءالله ما أنساك بالسفرة كله أدعليك بالتوفيق
وتحمليني حبيبتي بتقريرك الأكثر من الرائع لأنكم أستخدمتوا المواصلات العامة وعندك تجربه
عكس الأخوان والخوات من مأجرين سيارة ماعندهم لا علم ولا خبرة بالمواصلات العامة

طيب كيف بالنسبه للمواقف

هل في مواقف قريبه منه مجانيه


لانه سعر المواقف مبالغ فيه

وعليكم السلام ورحمة الله وبركاته

بالعكس .. خذي راحتج بالاسئله
بالنسبه لوصولكم للفندق : اتوقع توصلون الظهر .. عال2 وشي .. وماتوقع تنامون ..
حرام يضيع هاليوم لان عندكم اشيا اتسوونها ..
تقدرون تاخذون جوله مشي عالمكان والحديقه ونهر السالزاك وتقرون اتروحون المدينه القديمه .. وتتمشون فالسنر اللي عند الفندق

اما اذا راحت عليكم نومه .. ف لاتحاتين .. المطاعم اللي عند الفندق بالضبط مفتوحه 24 ساعه ..
ماكدونالدز وبرجر كينج .. ومطعم تركي ثاني بعد ..

اخ قارمش .. بالنسبه لمواقف ثانيه غير مواقف الفندق ف ماعندي فكره ..ياريت اتحط استفسارك بقسم الاستفسارات وان شاءالله بتلقى الاجابه الشافيه

ومشكوووورة وماقصرتي حياتي
وفي ميزان أعمالك بشرتيني بالمطاعم وخصوصا ماك مفتوح
و شو نسوي بنام لأنه مالنا نفس نتمشى لأنه رحلتنا ترانزيت
الرياض الدوحة وجلوس ساعتين بالدوحة و ميونيخ والسفر بالفجر
عن نفسي يطير النوم وبس إلي معي يكونون تعابه
بس إن شاءالله تكون تقيالة ( ههههه نوم خفيف ساعتين أو ثلاث ويقومهم من النوم )
لو أعرف أسوي تقرير عملت تقريري لتركيا لأفيد مثل ما أستفيد
والسموحة حياتي