بعد زيارتنا المتواضعة لمنتزه هوية النجم بو يقولوا به لاهـــ :::
قررنا نروح إلى كهف مجلس الجن طريق جبلي محترم مش بتاع أي كلام :::
بس للأسف ما كملنا ولعدة أسباب أهمها :: خيفانين لاهــ امزح طبعاً
الأسباب الحقيقية هي :: ما عندنا في السيارة أي تموين ولا قطرة ماي مثلاً
ما نعرف الطريق ولأول مرة نسير ...
السبب الأهم برأي شخصياً ( بيعصبوا ربعي عليا وأكيد راعي السيارة أولهم ) الإطار الأمامي فيه رقاع محترم وصاحبنا ما خبرنا بذلك ...

نبدا بالصور :::

طبعا حسب ما عرفت من تقرير سابق لمشرفنا أولاد شمس (لعيون مشرفنا) والكواكب كلها احم احم ان طريقنا هو لمنطقة وصال
يرجى ربط الأحزمة ... والانطلاق

خلاص ابتعدنا عن الشارع وسيح في سيح .. ندور ضب يمكن نحصله :كاشخ:

وبدات السيارة تحن فالمرتفعات .. من حقها خوش مرتفعات لاهــ
أهم شي تعويذة الرحلة مبتسمة .. ركز فالصورة ..احم احم


شت هركات :: شكلها وزارة السياحة تبى تسوي مشروع كبير .. بكمين طابوقة ..

تو عرفت يوك انا صغير .. يقولو استاذي صخور نارية ورسوبية :مفتر:

عاد ترى مشينا تقريباً مال 45 دقيقة إلى ساعه ... وقت كثير + مسافة قليلة لان التحرك بطي شوي :غاضب:




ما شاء الله .. صرنا فوق الكورة الأرضية بكمين قدم وشبر لاهــ
لاحظ البيوت بنص الصورة هذيك منطقة فنس ..المشهورة



استراحة لنا .. ولو اني كنت اكثر شخص عطشان ..
واستراحة للمحرك ..
واستراحة للبريكات ..
واستراحة للسفايف,,
واستراحة لكاميرة الفون قامت تشكل والصور مزرقات شوي ..
وتأمل للطبيعة لاهــ ،،

ونصعد من جديد ... صراحة احيانا كانت السيارة تتزحلق للخلف والسبب ثقل السيارة كما عرفنا من قافلة الانجليز :متفكر:

وكمان صعدات ... صراحة السيارة بدت تتزحلق للخلف ولو ما سايقنا الذيب كان رجعت بنا وطحنا وصرنا في خبر كان واخوانها
والصور للاسف ما تظهر قوة الصعدات لان السيارة تكون مائلة كما سمائل فيها الفرض مائل ...:متفكر:

المهم شفنا شبه بيوت كمين زريبة وتوقفنا هناك نبحث عن الماء .. وكانت المناظر روعه خلف البيوت منحدر عميق لوادي ...وتسمع خرير الماء فقط
والصدى لصرختك تستمر ل 5 ثواني تقريبا حماسينج ..
بس مشكلة ماشي ماي شرب معنا لاهـــ

ما اقدر اقول انها قرية ..لانهن كمين زريبة وكمين غرف ع السريع لاهــ


البحث عن الماء ... خساره الحوض اللي ع اليسار فاضي ..

الوادي العميق أو السحيق .. عاد ما اعرف سيروا شوفوا وحدكم وخبروني :كاشخ:

واخيرا حصلنا ماي صالح للشرب ولكن بمكان غير صالح للنزول ..لو بس شي حبل :متفكر:

بو كابوس :: تخيل لو عنده قوى خارقة كان بيرمي الحصوة للوادي ..
الوادي خلف الحصوة مباشرةً ...

قررنا النزول بعد أن بالقرب منا قافلة سياح اجانب .. والدليل العماني نصحنا بالرجوع لما عرف سالفتنا
لا ماي والاطار تعبان والسيارة جير اوتو (اكثر مشاكل) فقررنا النزول .. هع هع هع والاستسلام ورفع الراية البيضا وبس كلام لليميع ...
وهذي صور ملتقطة لطريق العودة بلا تعليقات سوري عاد لاهــ وبعدنا اكتشفنا شي بطريق العودة ... بيوت من نوع ثاني لاهــ

هبوط حاد جدا .. دبل + جير L + بريك ... احسن حل

قرية من نوع ثاني :: ونحن نازلين

وبذلك تنتهي الحلقة الثالثة .. للعلم الحلقات الثلاث الأولى بنهار نفس اليوم ..يعني بالعماني فوقه فوقه ...
والشكر موصول للجميع .. وبحاول بأسرع وقت انجز الحلقات المتبقية والسموحه من اليميع ( حلوه اليميع )

توقفنا في أصيلة لصلاة العشاء .. ومن ثم إلى الأشخرة بدخولك لمنطقة الأشخرة تحس الكوس حماس هواء عليل بارد ....
المهم توقعنا إننا ما بنحصل استراحة فاضية للزحام الشديد ..
بس حصلنا استراحة (المظلة الأسمنتية) وكانت وسخة شوية ولكن قررنا التنظيف بطريقتنا ..

ردم الساحة الداخلية بالرمل البحري .. حماس شغالين العمال ..

اكملنا المهمة بنجاح تقريباً

سمك تجهيز تاااااايم ... وطبعاً اخونا متأثر بطريقة المصريين للشوي .. الله يخلي المصري الحاج ابو ياسر مال سوق السيب

غنوا معانا (يا نار شبي يا نار شبي .... ) نحن 4 وشوفوا عدد الأسماك ...يعيشوا أهل صور كرمونا بالأسماك صراحةً


تو عاد أكل تااااااايم وهذا العشى المتواضع والحمد لله ....
إلى النوم معتدل سيروا ... (للخيام اتجهوا وحد فالسيارة المهم نام الجميع ) واحلى شي صوت الموج هع هع هع

اشرقت شمس الصبااااااح وصورة من الخيمة ...


شاي تااااايم للي يبى مع القضاء على أخر سمكة متبقية ....

جهز الشاي ... ونتحدى اي شخص يعمل مثله فيه خلطة سرية وحصرية ما نخبر هعهعهع هعهعهع


الاستراحة .. احلى شي توصل بليل وما تركز فالتفاصيل .. ولا كنا بنشرد عن تطيح فينا ليش لا ..

أما صدق سالفة تخوف لاهــــ ... امبيه ما نزانتا ...

تنظيف تااااااايم ...

صورة اخيرة لموقعنا فالأشخرة قبل المغادرة إلى بدية رمول ..عشان نخرز فيها لاهــ
الأشخرة ... ما عرفك بنيابة الأشخرة
فيها استراااحاات متكسرة
وبها سلال مهملات حليانة
ولا تثري بها السياحة
إلا بتصرف ذكي وشجاع منك كل شخص بالمرة

ومن الأشخرة إلى بدية .. رمول تايم نجرب الفورويل .. امبيه يمكن يخرز .. اهم شي كلمة يخرز :متفكر:

رمال ذهبية حلوة لاهــ .. قاصدين مخيم الف ليلة وليلة واجد يمدحوهــ بس بعيد شوي ..

يعطيك صراحة حماااااااس ...ما يباله دبل عادي

الطريق طويل وااااااجد لاهــــــــ ::::

المخيم من بعيد بدأت تتضح المعالم ..لاهــ

قرب المدخل للترحيب بالزوار لاهــ ..هركات ..

طبعاً ما دخلنا شفنا زحمة وما بغينا نزعج أحد ::ويمكن عاد فلوسنا مخلصات أصلاً :: الأهم قلنا نكمل المسير نشوف بعد المخيم يمكن ديناصور مندس ..:متفكر:

صورة للمخيم بزاوية أخرى ..

صورة 2 لاهـــ

ومن الجانب عند مرورنا بالمخيم :: شفنا خدمات بسيطة يقدمها المخيم للمارين بجانب المخيم تسهيلاً لهم ::حماس لاهــ

الخدمة الأولى دورة مياه واحدة :: رجال ونساء حظ يا نصيب وبو يسبق ...

وجلسة وفيها دلة قهوى وسح عماني 100 % وحوض ماااااااي ..وثلاجة ماي شرب

ضاحبنا يقرب القهوىوالسح ... مال بلاش

صورة اخرى للجلسة والصندق اللي بالنص فيه سجادات حق صلاة تايم ..

اخر صورة للمخيم قبل العودة واخر صورة فالرحلة ..

وأخيرا تشكراتي لليميع وطبعاً يشكر المشرف على صبرهــ ...
إلى اللقاء في مسلسل أخر من الرحلات .. والمرة الجاية تركي ومدبلج ..:كاشخ::كاشخ::كاشخ: