إضافة رد
25 / 01 / 2012, 04 : 09 PM
رقم المشاركة :  1 
][::.. مسافر جديد ..::][



الملف الشخصي
تاريخ التسجيل : 16 / 01 / 2012
رقم العضوية : 34811
الإقامة : الامارات
المشاركات : 38
الجنس : أنثى
الحالة : 3liya غير متواجد حالياً
مشاركة اللوازم المهمه لسفرتك لنمسا

السلام عليكم السلام ورحمه الله وبركاته

 
موضوعي اليوم عن الامور الازمه عن اغراض السفر بما ان الحين الكل يفكر شو تجهيزات السفر الضروريه و شو تسوون

الامور المهمه :


1-الحجز و التذاكر

2-حجز السياره (اذا حابين تاجرون سياره)

3-حجز الفندق او الشقه و اسطحاب معكم نسخه عن الحجز

4-قارمن و وضع الاماكن الي حابين تزورونها

5-ورقه الاماكن الي حابين تسيرون لها

6-ابلاغ السفاره بسفرك عند الوصول بموقع سفارتك الخاصه على الموقع

7-جوازات السفر و الهويه (ان وجدت الهويه نحن في الامارات عندنا اما الي ماعنده ينسخ جوازه عشان الفري تاكس )



الحين بتكلم عن الامور الشخصيه ...

حقيبه كبيره و حقيبه اصغر وتخلون الصغيره فالكبيره ليش بتعرفون بعدين طبعا يوم بتحطون الصغيره في الكبيره بيكون فراغ بين الشنطه و الثانيه في هالفراغ تحطون ملابسكم مثل
3 جينز
5 غمصان(توب )
5 جوارب الغليضه و الخفيفه منها
عباتين من غير العبايه الي لابستنها ليش عباتين لن انا شخصيا مادري ليش عبايتي يوم اسافر ينطرن يعني علقت على شيره كرسي خخخخخخخخ(للنساء)
3 حجابات ملونه 1 حجاب غليض
صندل واحد اكرمكم الله
ملابس داخليه
هذا كله فالفراغ الي من بين الشنطه الصغيره و الكبيره
اما فالشنطه الصغيره اللي في نص الشنطه الكبيره

شاحن الهاتف وشاحن الهاتف للسياره وشاحن الكاميرا وتحلاقه(للرجال)

في حقيبه صغيره للنساء(مشقر -منطفات الوجه -واقي الشمس -كريم يدين -منطق المكياج كل وحده كيف ماتريد في سائل و فيه كلينكس - ظفاره -شسوار-لون واحد طلاء اظافر-مزيل اظافر -قطن لتنطيف الوجه و اعواد الاذنين)
كوايه صغيره
فرشات الاسنان و معجون الاسنان
جاكيت
مشط
حذاء رياضي للمشي اكرمم الله
مرطب شفايف
مظله
ساعه بالمنبه و ان وجد ساعه تاذن احسن بوايد
عدة المطبخ(جدر كهربائي ضاغط للرز داخله قهوه وشو تحبون معاها بزارات )
رز الان رزهم في المانيا رزهم مايناسب العرب
جاي نثر -ابو قوس نحن اهل الامارات و قطر مانقدر نستغنى عنه خخخخخخ
فوط صحيه (للنساء)
كتاب و قلم للشخابيط انا عندي الكتاب والقلم مهم وايد عندي
انا مانسيت الشانبو انا احب اشتريه من البلاد الي اسير لها


الحين الاسعافات الاوليه:

فيتامين سي فوار -بندول - دواء للكحه -دواء الزكام - دواء لسعات الحشرات -ضمادات جروح

اكيد تميتو تفكرون ليش الشنطه الصغيره فالكبيره السر ان اذا سرتو ورديتو لازم الحريم يلقطن من السوق و الشنطه وحده منهن هيه للمشاري يعني ماتضطرون تشترون شنطه غير من هناك وانا جفت ان الشنط برغ البلاد اغلى عن البلاد فعشان جي كل ماسافر سويت جي

الحين يا حلوين الشنطه الي بتشلونها معاكم في الطياره انا احس ان هاي شنطه الشقاء خخخخخخ
شنطه الشقاء فيها يكون
الاب توب
مصحق الكتروني او كتاب
ادعية الصباح و المساء كتاب حصن المسلم
كتاب للتسليه
اذا عندكم اطفال لازم تاخذون وياكم تسليه لهم مثل كتاب و الوان و قلم و العاب
كاميرا و كاميرا فيديو ممريكارد انا عن نفسي اخذ حوالي 6 ممريات

في حقيبه صغيره للنساء(فاونديشن -بلشر -روج -اي شدو -ماسكرا -كحل -روج لون طبيعي و افظل لو لقيتو روج مايخوز طول اليوم الا اذا خوزتوه بمزيل المكياج ....الخ )

واقي الشمس طبعا كبير ناخذه و نشتري قوطي فاضي نحن عندنا محل فالامارات اسمه دايسو اذا عندكم هالمحل بتلقون فيه قواطي مختلفه الاحجام التساس و الي تعصرونه انا كل يوم اخذ منهم واحط واقي الشمس و الباقي احطه في الشنطه الكبيره
كبوس البرد للرجال لنساء طبعا يتحجبا فماله داعي
نطاره شمسيه
هذا كله في حقيبت يدي ااااي تنكسر دوم اما العاب الاطفال ماشل لن ماعندنا اطفال اما الكبوس اخذه معاي الاخواني يحطونه عندي وزن زايد خخخخخخخخ
منغير الشنطه في جتفج على يديج الثانيه سويتر يمكن من تنزلون تلقون البرد
لاتكثرون في الاغراض و تقدرون توزعون اغراض المطبخ بين افراد العايله مب شرط في شنطه واحده و انا ذكرت الاغراض المهمه للرجال و النساء بس ياريت اذا نسيت شي في تقرير ذكروني

هيه صح تذكر تشو هذا الا البارحه اكتشفته و اكتشاف وااااااااااااو الاصاح السفرات الاوروبا بريطانيا و امريكا و الماكن الي مافيها هالجهاز الخظير مابخبركم ادخلو الرابط وبتعرفونه



ملاحظه للنساء و الرجال :اول شي انا ماذكرت الاكسسوارات و الجواهر و السوع وياريت اللي تلبس ساعه تكون ساعتها جدا عاديه لو ماركه بس تكون من دون اي الماس و لا باهضت الثمن فقط شنطه احده للكتف للنساء و هاي ملاحظه جدا مهمه عدم لفت الانتباه هناك يا نساااااااااء عشان ماتتعرضو لنشل و ياريت الايباد الاطفال اذا خذتوه يكون فشقه او تخلونه في السياره بس تدسونه عن نضرهم فسياره

وفي الختام اتمنى ان تقريري الاول عجبكم و نال من اعجابكم و استفدتو منه
25 / 01 / 2012, 00 : 10 PM
رقم المشاركة :  2 
مراقب زاد المسافر
للدول الاوروبية



الملف الشخصي
تاريخ التسجيل : 01 / 01 / 2010
رقم العضوية : 11319
الإقامة : السعودية
المشاركات : 3,609
التقارير : 10
الجنس : ذكر
الحالة : يوما ما سنلتقي غير متواجد حالياً
رد: اللوازم المهمه لسفرتك لنمسا



بارك الله فيك اختي .. معلومات وتعليمات قيمة خصوصا فكرة الحقائب في وسط بعض ..


الله يعطيك الصحة والعافية
25 / 01 / 2012, 13 : 10 PM
رقم المشاركة :  3 
مــراقـب عـام
{مؤسس}



الملف الشخصي
تاريخ التسجيل : 24 / 06 / 2007
رقم العضوية : 44
الإقامة : زاد المسافر
المشاركات : 56,705
التقارير : 7
الجنس : ذكر
الحالة : أبوعبدالعزيز غير متواجد حالياً
رد: اللوازم المهمه لسفرتك لنمسا

الله يعطيك الف عافية عالموضوع الهام وانصح بطباعته عند التجهيز للسفر للاستفادة منه

وهذا ينفع لكل الدول الاوروبية وليس النمسا فقط
26 / 01 / 2012, 35 : 04 AM
رقم المشاركة :  4 
مشرفة زاد المسافر الى الكويت



الملف الشخصي
تاريخ التسجيل : 15 / 03 / 2011
رقم العضوية : 24092
الإقامة : حبي الكويت
المشاركات : 6,092
التقارير : 5
الجنس : أنثى
الحالة : fab u lus غير متواجد حالياً
رد: اللوازم المهمه لسفرتك لنمسا

السلام عليكم
التجهيزات صحيح ضرورية ولكن يعني ما يحتاج تكتبين كل شي بالتفصيل
يعني في بعض الاشياء والحاجات تكون ضرورية بس انتي مو رايحة صحرا وخاصة ادوات الشخصية كل شي موجود باوروربا وافضل من صناعاتنا ليش اخذ كل شي معاي
بعدين مفصله اشياء يعني مالها داعي
يعني ملابس.........اكتب ملابس وبس ليش مفصله وايد بالموضوع
والا الادوات الشخصية هم مفصله بعد يعني هذا منتدى فيه ناس يسافرون على طول او حتى اللي ما سافر ولا مرة اكيد بيعرف شنو لازمه وما يحتاجه
على العموم تشكرين على الموضوع

**عش عفويتك..تاركا للناس إثم الظنون...

فلك أجرهم ولهم ذنب ما يعتقدون**

تحياتي : أم حسين


26 / 01 / 2012, 15 : 07 AM
رقم المشاركة :  5 
كـبـار شـخـصـيـات الـمـوقـع



الملف الشخصي
تاريخ التسجيل : 12 / 06 / 2010
رقم العضوية : 14398
الإقامة : Unaizah
المشاركات : 2,703
الجنس : ذكر
الحالة : زاد خالد غير متواجد حالياً
رد: اللوازم المهمه لسفرتك لنمسا

حريصة ما شاء الله
وبهاذي الطريقة الواحد ما يفكر
على طول يطبق كلامك ويرتاااح
مشكورة اختي
27 / 01 / 2012, 07 : 09 PM
رقم المشاركة :  6 
][::.. مسافر جديد ..::][



الملف الشخصي
تاريخ التسجيل : 16 / 01 / 2012
رقم العضوية : 34811
الإقامة : الامارات
المشاركات : 38
الجنس : أنثى
الحالة : 3liya غير متواجد حالياً
رد: اللوازم المهمه لسفرتك لنمسا

اقتباس: المشاركة الأصلية كتبت بواسطة fab u lus
السلام عليكم
التجهيزات صحيح ضرورية ولكن يعني ما يحتاج تكتبين كل شي بالتفصيل
يعني في بعض الاشياء والحاجات تكون ضرورية بس انتي مو رايحة صحرا وخاصة ادوات الشخصية كل شي موجود باوروربا وافضل من صناعاتنا ليش اخذ كل شي معاي
بعدين مفصله اشياء يعني مالها داعي
يعني ملابس.........اكتب ملابس وبس ليش مفصله وايد بالموضوع
والا الادوات الشخصية هم مفصله بعد يعني هذا منتدى فيه ناس يسافرون على طول او حتى اللي ما سافر ولا مرة اكيد بيعرف شنو لازمه وما يحتاجه
على العموم تشكرين على الموضوع


مشكور اخويه على التعليق بس في ناس تحب ان يكون الموضوع مفصل طبعا مثلي انا و مرات الامور الشخصيه ماتقدر تاخذا جدام اخوانك فتطر تاخذها من البلاد لن الاخوان مرات يكونون كل يوم معاك فالاخص يوم تسافر كل يوم معاك وينتسير لن نسير نتسيح مع بعض بما انها سياحه عائليه
27 / 01 / 2012, 08 : 09 PM
رقم المشاركة :  7 
][::.. مسافر جديد ..::][



الملف الشخصي
تاريخ التسجيل : 16 / 01 / 2012
رقم العضوية : 34811
الإقامة : الامارات
المشاركات : 38
الجنس : أنثى
الحالة : 3liya غير متواجد حالياً
رد: اللوازم المهمه لسفرتك لنمسا

مشكورينعلى التعليق الحلو
30 / 01 / 2012, 13 : 12 PM
رقم المشاركة :  8 
][::.. مسافر جديد ..::][



الملف الشخصي
تاريخ التسجيل : 16 / 01 / 2012
رقم العضوية : 34811
الإقامة : الامارات
المشاركات : 38
الجنس : أنثى
الحالة : 3liya غير متواجد حالياً
رد: اللوازم المهمه لسفرتك لنمسا

حبيت اضيف زياده على الموضوع

بطاقة ائتمانية (فيزا أو ماستر)
رخصة قيادة محلية + دولية ( اللي يبي يستأجر سيارة)

أفياش كهرباء متعددة الاوجه
الي عنده اطفال ( عربة أطفال )
30 / 01 / 2012, 02 : 07 PM
رقم المشاركة :  9 
مشرفة زاد المسافر الى الكويت



الملف الشخصي
تاريخ التسجيل : 15 / 03 / 2011
رقم العضوية : 24092
الإقامة : حبي الكويت
المشاركات : 6,092
التقارير : 5
الجنس : أنثى
الحالة : fab u lus غير متواجد حالياً
رد: اللوازم المهمه لسفرتك لنمسا

اقتباس: المشاركة الأصلية كتبت بواسطة 3liya
مشكور اخويه على التعليق بس في ناس تحب ان يكون الموضوع مفصل طبعا مثلي انا و مرات الامور الشخصيه ماتقدر تاخذا جدام اخوانك فتطر تاخذها من البلاد لن الاخوان مرات يكونون كل يوم معاك فالاخص يوم تسافر كل يوم معاك وينتسير لن نسير نتسيح مع بعض بما انها سياحه عائليه

اشكرك على الرد يا اختي
ورايك صحيح ممكن بس انا قصدي انك تكتبينها حاجات شخصية فقط بدون تفصيل
تحياتي لك اختك ام حسين

**عش عفويتك..تاركا للناس إثم الظنون...

فلك أجرهم ولهم ذنب ما يعتقدون**

تحياتي : أم حسين


06 / 03 / 2012, 27 : 01 PM
رقم المشاركة :  10 
][::.. درجة سياحية ..::][



الملف الشخصي
تاريخ التسجيل : 30 / 12 / 2011
رقم العضوية : 34209
الإقامة : الرياض
المشاركات : 116
الجنس : ذكر
الحالة : المتدور الصغير غير متواجد حالياً
رد: اللوازم المهمه لسفرتك لنمسا

الله يعطيك العافية يالغالي
إضافة رد

المواضيع المتشابهه
الموضوع كاتب الموضوع المنتدى الردود آخر مشاركة
أستسفار عآجل عن ميلان .. (السكن + المطاعم + الأماكن المهمه) هآويه للسفر زاد المسافر الى ايـطـالـيـا 1 09 / 06 / 2015 43 : 09 AM
[ إحـداثـيـات ] الاحداثيات المهمه ABO MOHAMD زاد المسافر لأجهزة الملاحة 16 30 / 05 / 2015 16 : 09 PM
[ استفسار ] اماكن المهمه في دبي sam7 بــوابـة الاسـتفـسـارات الـعـامـة عـن دولــة الامـارات 1 18 / 04 / 2011 58 : 09 PM


المواضيع ، تعبر عن رأي كاتبها ويتحمل مسؤوليتها فقط ، ولا تعبر بالضرورة عن رأي شبكة ومنتديات زاد المسافر .