شبكة ومنتديات زاد المسافر / زاد المسافر الآسيوية / زاد المسافر الى إنـدونـيـسـيـا

إضافة رد
22 / 05 / 2008, 52 : 01 AM
رقم المشاركة :  1 
][::.. مسافر جديد ..::][



الملف الشخصي
تاريخ التسجيل : 01 / 05 / 2008
رقم العضوية : 1429
الإقامة : السعودية
المشاركات : 64
التقارير : 2
الحالة : سفرياتي غير متواجد حالياً
إبتسامة (اندونيسيا) خدعوك فقالوا بلد سياحي 1. جاكرتا 2. الجبل (بونشاك)









قـريـبـــا
22 / 05 / 2008, 52 : 03 AM
رقم المشاركة :  2 
][::.. مسافر جديد ..::][



الملف الشخصي
تاريخ التسجيل : 01 / 05 / 2008
رقم العضوية : 1429
الإقامة : السعودية
المشاركات : 64
التقارير : 2
الحالة : سفرياتي غير متواجد حالياً
(اندونيسيا) خدعوك فقالوا بلد سياحي 1. جاكرتا 2. الجبل (بونشاك)







بعد رحلة مدتها 9 ساعات تدخل المطار اللي اصنفه من أسوأ مطارات شرق اسيا تنظيما وأقلها نظافة


بيستقبلك موظف الفيزا وبيطلب منك هدية له ولزميلة وممكن يطلب هدايا للعائلة وأنتبه يلقى حجزك غير مؤكد او ماعندك حجز للعودة


التختيم عند الجوازات :

بيسألك الموظف بكل بجاحة انت جاي عشان ..... ويبتسم ويقولك وين هدية !!


خلصت من التختيم وين تروح اكيد لمكتب كاها طبعا الله يعينك على قلة أدب الاندونيسيات اللي يبيعون شرائح جوال وعندهم خدمة التوصيل بالتكاسي والصرف بيحاولون يجذبون السذج ببعض الكلمات مثل حـ ... وكم كلمة وابتسامة وحركة حتى لو فيه مسافرين كبار فالسن الحياء معدوم

وش سبب قلة أدبهم مع المسافرين العرب ؟

والسواقين ياكثرهم اللي بيزعجونك وانت عند مكتب كاها تبي شرائح تبي لـ .. تبي .. الخ وطبعا موظف المطار والسواقين جنب بعض وماهمهم وكلهم من نفس النمونه !! دام فيها دفع !!

(الدخول للمطار ممنوع لجميع سواقين التكاسي الا اللي يستقبلون اهلهم لهم مكان محدد)

لكن اللي يبتسم للموظف والحارس يعني يبخشش ممكن يسمح له يطل عليك وانت عند الجوازات !! عشان يلزق فيك ويوصلك للفندق اللي تبيه

طبعا اخذت لك فاوتشر حجز فندق من كاها لمدة يوم او يومين ترى كل الفنادق عند الشخص الاندونيسي حضرمي الأصل اللي يجلس فالمكتب 4 نجوم او 3 نجوم حتى ولو انها فالحقيقه نجمة او نجمتين < استهتار

والسواق يطالعك وعيونه تقول وين ماتروح انا وياك

تقوله ماابغاك سعرك غالي يقولك المبلغ اللي تدفعه انا موافق عليه ونظرات الخبث بتلاحظها !!

بعدين ممكن تطلع معه وممكن تروح مثلي لدورة المياة اكرمكم الله عشان استفيد من بعض المخابئ السرية < اسألوا الشيبان عن المخابئ السرية اللي يحطون فلوسهم فيها


لاتستغرب ان نفس السائق داخل معك ممكن تخاف وتقول شكل هذا وراه مصيبة وممكن تقول بشوف وش اخرتها معه (اذا انت تحب تجازف)

خصوصا انه يتكلم عربي بطلاقة وطبعا كثير من المسافرين لذيك الديار نو سبيك (انجلش) نو سبيك (اندومي) مايعرف الا بعض الكلمات العربية (وبعض الكلمات الشامية بسبب ان الغالبية منهم تحولوا من السفر من بلدان الشام الى اندونيسيا !!)


السواق متنقيك تنقي معجب بملامحك العربية وكانه يقول (من بين كل الناس جذبتني يامسافر)

تطلع معاه بتلاحظ غمزات للسواق وابتسامات الاندوميين من سواقين الى بياعين الى اصحاب العروض السياحية في اخر الليل (واتصل نصل) فالوقت هذا كانك مختطف

وصلت للسيارة بتركب اغراضك بيسألك كم بتدفع بتقول مثلا 100 الف الى فندق السنترال او الى اي فندق في رادن صالح

عاد بعض الناس يسؤون حركة للتخويف مثلا كانك تسجل رقم اللوحة وترسلها ترى مافيه اشكال ولو تدرعم وتركب ماعليك خوف كانك مسلح بملايين الروبيات وماتبي وجع رأس

وعادي ترى تركب مع البلو بيرد او السواقين اللي معهم تصاريح مرقمة ومعترف بها اللي يوصلونك للجبل او جاكرتا ماعليك خوف ان شاء الله انطلق على بركة الله مع الطريق السريع ولو تبي تشوف جمال جاكرتا خله يوديك مع وسط البلد !!

فالطريق يجي وقت التنفيذ بيقول لك 100 ريال شويه ليش ماتزودني < يقالك ذكي بيثبتك على عملتك
ماتبي وجع راس من البداية قل ايه وهذا اللي هو حاسب حسابه

او خلك هادئ وقل اتفاقنا روبية بيسوي لك بعض التمثليات وبيخوفك وبيقول طيب خلاص عطني 100 درهم اماراتي لان اغلب ربعنا يجون عن طريق طيران الامارات والاتحاد

اذا تمسكت بالروبية وانت هادئ مع ابتسامة مصطنعه بتفور اعصابة لانه متعود على غيرك ونجحت معهم الخطة وهو متوقع انك ماتختلف عنهم

فرضا وقف في نص الخط وقالك لك انزل مابي منك فلوس في تالي هالليل وعلى الطريق السريع في هالحالة اطلب منه ينزل شناطك عشان تنزل .. او تدفع ؟

لو اخترت الاولى اعرف انه ماراح ينزلك في نص المشوار لانه ماراح يستفيد شئ

بيفكر في طريقة ثانية المشوار طويل خصوصا لاصرت وحداني وش بيسوي بيدخلك لحارة وبيوقف بيقولك خلاص انا بروح لأهلي وانت دور لك تاكسي مابي فلوس في هاللحظة استخدم وسائل التهديد الكثيرة

اولها : انك تشتكيه للسفارة وهم بيتكفلون بالباقي هالكلام تقوله له ثانيا : تعلمه انك ماراح تتحرك من مكانك الا مع موظف السفارة وماراح تركب الا في سيارة الشرطة لانه يبتزك في هالمكان واثباتات السكن موجودة معك هو بيخاف وانت متمالك نفسك وواثق

بيمشي من نفسه للمكان المقصود اللي هو الفندق خلاص بيتخلى عن اسلوب التهديد والتخويف وبيتحول 180 درجة لشخص طيب ومسالم ويمزح معك وكان الفلوس ماتهمة

وصلت الفندق بيشاورك وش رايك تعطيني 200 الف روبية اضحك وخله ينزل الشنط في هالوقت اما توافق بطيبه خاطر ويستمر على هالوضع مع غيرك او ترفض تعطيه اكثر من حقه طيب خلاص ماابغى الفلوس وبيسوي نفسه كانه بيروح

اذا معك شباب بيقولون لك عطه خله يمشي ماتسوى لان التفكير دائما على المقابل المادي وش رايك بتعطيه او بتصير عله وبتقول له 100 بوزعها على الفقراء عشان يلقطها منك وانت مابعد كملت الكلمة

ولا تنسى تقدم بعض الدروس عشان يستفيد وتعلمه ان هالاساليب قديمة ولو عندك وقت كان وصلت القضية للشرطة وممكن تتسبب بسحب تصريح مزاولة المهنة


طبعا هالكلام كله تخويف عشان يراجع حساباته مع المسافرين فيما بعد



القادم :

جاكرتا و.... (بشوف وش عندي من الصور وبنزلها)
22 / 05 / 2008, 32 : 08 AM
رقم المشاركة :  3 
عضو مجلس الإدارة



الملف الشخصي
تاريخ التسجيل : 26 / 06 / 2007
رقم العضوية : 82
الإقامة : الــــكـــــو يــــت
المشاركات : 48,649
التقارير : 7
الجنس : ذكر
الحالة : ناصر كويتي غير متواجد حالياً
رد: (اندونيسيا) خدعوك فقالوا بلد سياحي 1. جاكرتا 2. الجبل (بونشاك)

ماشاء الله اخي سفرياتي نصايح من ذهب كل هذا يصير في اندونيسا معقوله


بس شكلك مجرب كل انواع المشاكل وقبلك حديد ماشاء الله عليك
هذا شي يعجبني فيك انا من الناس اللي اتفق اول شي واذا زاد علي اقوله اوكي بس اوصل وبعدين غير الاتفاق مافي لا عوار قلب بلا بطيخ

وعلى فكره الاسلوب هذا صار في كل دول العالم يعني صارت لي في امريكا بعد الحين السواقين صاروا بنغال هناك وعارفين العرب عدل ويحاولون يبتزونك


متابعين معاك التقرير والاسلوب الشيق
المواضيع الموجودة في الموقع تعبر عن رأي كاتبها ويتحمل مسؤوليتها فقط ولا تعبر بالضرورة عن رأي موقع زاد المسافر
22 / 05 / 2008, 43 : 01 PM
رقم المشاركة :  4 
خبير سفر سريلانكا



الملف الشخصي
تاريخ التسجيل : 03 / 12 / 2007
رقم العضوية : 730
الإقامة : الرياض
المشاركات : 1,060
التقارير : 1
الجنس : ذكر
الحالة : Brashta غير متواجد حالياً
وسام خبير سياحي

رد: (اندونيسيا) خدعوك فقالوا بلد سياحي 1. جاكرتا 2. الجبل (بونشاك)

كان الله في عونك أخوي ،،،،


بصراحة مشكلة كبيرة إذا وصلت فيهم البجاحة لهالدرجة ، لكن تبي الصراحة إحنا (معشر العرب) عودناهم على كذا ، ولو كل سائح عمل نفس طريقتك راح تلاقيهم تغيروا 180 درجة وكل شخص التزم حدوده ،،،،


عموماً أخوي لا تطول علينا في التقرير وبانتظارك على جمر ، باين من المقدمة أن رحلتك مليئه بالأحداث ،،،،


تابع أخي الكريم ،،،،



*أمة لا تجعل الأخلاق ملاكها أمة تتعجل هلاكها*
-%الهدهد%سابقاً-
22 / 05 / 2008, 09 : 03 PM
رقم المشاركة :  5 
كـبـار شـخـصـيـات الـمـوقـع



الملف الشخصي
تاريخ التسجيل : 21 / 01 / 2008
رقم العضوية : 1050
الإقامة : K.S.A
المشاركات : 5,121
التقارير : 4
الجنس : ذكر
الحالة : سوليتير غير متواجد حالياً
رد: (اندونيسيا) خدعوك فقالوا بلد سياحي 1. جاكرتا 2. الجبل (بونشاك)

لا لا انا كرهتها من الحين

اجل كلهالصجه عشان بس يوصلني من المطار للفندق

انا ما كرهت مصر الا من كثر ما اكاسرهم خخخخخخ

اكره الي يعتقدون اننا اغبياء لدرجه اننا ممكن ينلعب علينا بسهوله ----> لو بصعوبه ممكن خخخخ

المهم ينلعب علينا بسرعه وندفع بالهبل ولا نحس !!!

كني عصبت شوي هههههه

مشكور اخوي سفرياتي

سجلني متابعه عندك

بارك الله فيك


سبحان الله وبحمده .. سبحان الله العظيم




استغفر الله .. استغفر الله .. استغفر الله
22 / 05 / 2008, 10 : 05 PM
رقم المشاركة :  6 
][::.. مسافر جديد ..::][



الملف الشخصي
تاريخ التسجيل : 01 / 05 / 2008
رقم العضوية : 1429
الإقامة : السعودية
المشاركات : 64
التقارير : 2
الحالة : سفرياتي غير متواجد حالياً
رد: (اندونيسيا) خدعوك فقالوا بلد سياحي 1. جاكرتا 2. الجبل (بونشاك)

لايمكن مقارنه تكاسي مصر باي بلد اخر لا اندونيسيا ولاغيرها حتى ولو رفعوا السعر يكفي ان المصري يجذبك بابتسامته ويناديك بـ يابيه وياباشا ويضحك معك يحاول يلطف الجو فالزحمة

والتقرير هذا يتحدث عن سفر شخص لوحدة .. ومع شباب .. ومع العائلة .. وبيكون التركيز على الاشياء السلبية ومهوب شرط كل شخص يمر بها وبذكر مايميز هالبلد في اخر هالتقرير البسيط

الف شكر على المتابعة
22 / 05 / 2008, 28 : 05 PM
رقم المشاركة :  7 
علي السعد
{ مـؤسـس }



الملف الشخصي
تاريخ التسجيل : 23 / 06 / 2007
رقم العضوية : 5
الإقامة : أبوظبي - حرسها الله
المشاركات : 18,761
التقارير : 48
الجنس : ذكر
الحالة : abu_elyazia غير متواجد حالياً
رد: (اندونيسيا) خدعوك فقالوا بلد سياحي 1. جاكرتا 2. الجبل (بونشاك)

سلامي عليك يا أخ سفرياتي

اليوم موضوعك ،، أنا أشوفه مهم جدا ،، عشان يعطي صورة واضحة ومهمة

طبعا ما نريد بس السلبيات ،، لا أظن أن هالبلد ما فيها إيجابيات ؟؟؟؟ صح ؟؟؟؟

يعني نبغي الصورة كاملة وبكل حيادية

عجبتني جدا حركات المخابرات هذي مع صاحب التاكسي

بس سؤال ؟؟؟ أنت صار لك هالموقف ،، ولا هي خبرات متناقلة ؟؟؟
زاد المسافر ،،، زاد كل مسافر


زاد المسافر ، حيث نلتقي على محبة ، وآخاء ومودة ، حيث لا تجمعنا مصلحة دنيوية ، نكتب ، نستمتع ، نتعارف في جدود الأدب والأخلاق ، نفتخر بوجود أمثالكم بيننا ، فنحن منتدى النخبة ، ومن يسجل معنا ، ويشارك ويساعد ، هو من النخبة بلا شك


زاد النخبة



بعض المواضيع الجديدة



22 / 05 / 2008, 02 : 09 PM
رقم المشاركة :  8 
{ مــؤسس }



الملف الشخصي
تاريخ التسجيل : 24 / 06 / 2007
رقم العضوية : 49
الإقامة : ------
المشاركات : 3,749
التقارير : 1
الجنس : ذكر
الحالة : سفير الشرق غير متواجد حالياً
رد: (اندونيسيا) خدعوك فقالوا بلد سياحي 1. جاكرتا 2. الجبل (بونشاك)

ما شاء الله عليك اخوي سفرياتي وعلي تقاريرك المفيده ويعجبني اسلوب التشويق فيك وايصال المعلومه

خليتنا نتابعك من بوابة الدول الاسيوية الاخري الي بوابة اندونيسيا اللتي ينقصها الكثير من التقارير والمعلومات

وبانتظار هذا التقرير والمعلومات المفيده والمهمه وتقبل تحياتي
22 / 05 / 2008, 23 : 09 PM
رقم المشاركة :  9 
مــراقـب عـام
{مؤسس}



الملف الشخصي
تاريخ التسجيل : 15 / 01 / 2008
رقم العضوية : 1001
الإقامة : نادي الهلال
المشاركات : 20,285
الجنس : ذكر
الحالة : أبوفيصل غير متواجد حالياً
رد: (اندونيسيا) خدعوك فقالوا بلد سياحي 1. جاكرتا 2. الجبل (بونشاك)

موضوع رائع وهام
يعطيك العافيه اخي سفرياتي
على النصائح

متابعين معاك مواضيعك الرائعه
هنا وفي كمبوديا 2008

تحياتي اخي الكريم
أستغفر الله العظيم من جميع الذنوب
http://www.binbaz.org.sa/mat/11422



23 / 05 / 2008, 59 : 02 AM
رقم المشاركة :  10 
][::.. مسافر جديد ..::][



الملف الشخصي
تاريخ التسجيل : 01 / 05 / 2008
رقم العضوية : 1429
الإقامة : السعودية
المشاركات : 64
التقارير : 2
الحالة : سفرياتي غير متواجد حالياً
رد: (اندونيسيا) خدعوك فقالوا بلد سياحي 1. جاكرتا 2. الجبل (بونشاك)

فنادق ومطاعم وشوارع جاكرتا :


الجزء الأول :


سلمت الفاوتشر للرسبشن وقعت على ورقة الشيك ان .. يصوت للعاملين فالفندق عشان يشيلون الشنطة للغرفة انتظر 10 دقائق عشان الاصنصير !!

اول مايفتح الباب لك بتشم ريحة شئ محترق تسأل العامل وش هذا يقولك عادي ريحة دخان !!

وصلت للدور اللي فيه الغرفة تمشي فالاسياب وتلاحظ الغيوم بسبب المدخنين !!

فتحت باب الغرفة شغلت المكيف يبدأ قلق العامل لاتعطيه وجه من البداية
او خلك وسيع صدر واعتبر سواليفة جزء من رحلتك بيقولك مافيه بخشيش

وانتبه يشوف اللاب توب عشان مايطول معك بالسوالف بيسالك هذا دي في دي وترى عندي سيديهات كان تبيها وعندي وعندي
في هاللحظة خلاص تفكيرك على اللاب توب والخوف انه ماينسرق في غيابك


لو طلعت ونزلت اللوبي بتحس انك في سوق من كثر البشر وكثر الشنط واللي معه عصير ومعه شاهي كانك فالسوق الحرة اللي فالمطارات !!

بعض الناس يحبون يكتشفون المنطقة اللي هم ساكنين فيها من اول يوم بيلاحظ الشخص ان هالفندق فيه 2 سكيورتية عند مدخل الفندق

وهذا غير اللي فالاسياب ماشاء الله الفندق أمن جدا يعني استأجر وانت مغمض


طلعت الشارع العام بتشوف هالبشر اللي مطيحين عند الفندق وازعاج الشباب بالدبابات لان هالشارع مثل شوارع التحلية في جدة والرياض بس للدبابات

وعلى العموم جميع شوارع اندونيسيا يكثر فيها الدبابات ونسبة كبيرة منهم متخصصين فالنشل نعم نشالين

وصارت سرقات كثيرة لبعض السياح يعني حتى الجوال لاتمسكة بيدة وانت تمشي في شوارع جاكرتا

لان فيهم ناس يترددون على الشوارع والمناطق اللي فيها فنادق ويكثر فيها السياح العرب واصلا جاكرتا مايجيها غيرنا او بعض التجار الصينيين

تبي تأكل وين بتروح لأقرب مطعم عربي اسمة ليالي ..الاسعار تقريبا الضعف بالنسبة لمطاعمنا .. الجودة لك عليها (الحمد لله على النعمة) اهم شئ كثر من أكل البصل

وانت راجع للفندق انتبه لاتتوسخ بتشوف اصحاب المطابخ المتنقلة (الله يرزقهم) يغسلون مواعينهم ومستحلين الشارع والرصيف مشي حالك ترى هذا جزء من المتعه عند بعض المسافرين

واهم شئ طنش اللي متجمعين حول الفندق من حـ ... الى تجار المخدرات .. واحذر تطلع مع اي سائق تاكسي فالليل لانه ممكن يوديك مع طريق فيه تفتيش من الشرطة عاد ابلش بهم
لو مامعك صورة من الجواز ومختومة وهذا اذا ماكانوا متفقين مع السواق لاتخاف ماراح يودونك للمركز لا ادفع !! وتوكل على الله


رجعت الفندق حان وقت النوم تطفي الانوار والتلفزيون مايمديك تغفي لك شوي الا الجرس يرن تطالع من عند الباب بتحصل قبالك .... ومن اللي سمح لها بالدخول بدون مرافقه اي شخص مستأجر ؟

اها الحين عرفت انك مخدوع والا لا ؟

حلقة الوصل بين المتجمعين عند الفندق وبين اللي ماعندهم ضيوف هم السكيورتية والمقابل روبيات لانظام في حضرة الروبيات


اكيد الحين عرفتوا انكم في فندق السنترال عميد فنادق جاكرتا واشهرها على الاطلاق بالنسبة للعرب سابقا .. لماذا سابقا ؟ اترك الاجابة للمغرمين بالسكن في هالفندق

ونسبة المستأجرين العرب في هالفندق لاتقل عن 60 بالمائة فالوقت الحالي والنسبة المتبقية من الاندونيسين التجار(اهل باندونق)
إضافة رد

المواضيع المتشابهه
الموضوع كاتب الموضوع المنتدى الردود آخر مشاركة
[ بـرنـامـج سياحي ] تقرير رحلتي الى اندونيسيا (جاكرتا – بالي – بونشاك) – في شهر أبريل 10 أيام سلطان_الامارات زاد المسافر الى إنـدونـيـسـيـا 16 23 / 04 / 2018 43 : 09 PM
رحلتنا الى اندونيسيا ( جاكرتا - بونشاك - باندونق ) سمو العتيبي زاد المسافر الى إنـدونـيـسـيـا 26 20 / 07 / 2016 11 : 12 PM
[ بـرنـامـج سياحي ] تقرير رحلتي الى اندونيسيا (جاكرتا – بالي – بونشاك) – في شهر أبريل 10 أيام سلطان_الامارات زاد المسافر الى إنـدونـيـسـيـا 0 04 / 08 / 2015 05 : 09 PM


المواضيع ، تعبر عن رأي كاتبها ويتحمل مسؤوليتها فقط ، ولا تعبر بالضرورة عن رأي شبكة ومنتديات زاد المسافر .