السلام عليكم ورحمة الله وبركاته
اخواني اخواتي الاعزاء
تقريري اليوم عن مطعم مشهور ومعروف جدا ومشهور بالاكلات الكويتيه
طبعا انا عارف انه في تقرير بالبوابه عنه ولكن حبيت اضيف بعض المعلومات والاطباق
نبدأ علي بركه الله طبعا قبل يومين مريتهم وتعشيت عندهم ودار حوار مع شخص من القائمين علي المطعم وتكلمنا عن عدم وجود الدعايه الكافيه خصوص بعالم النت
وعرفته بانني من منتسبين الزاد ورحب فيني وبلغته قلت ابي اجييكم علي يوم يكون المطعم فاضي واخذ منكم الصور والمعلومات علي الراحه
وفعلا اليوم رحت للمطعم وتعشيت فيه وشوفوا معي شنو اللي صار من صاحب المطعم
طبعا اتصلت عليه وقلت انا خلال ربع ساعه بكون
عندك ورحب فيني
اترككم مع الصور
فطوم ترحب فيكم
مدخل المطعم
الكبائن 
الديكورات الجميله 
الشوربه نظام عجبني
شوربه عدس ودجاج
الجلسات الخارجيه جميله جدا
المغاسل
الطرشي روعه
تاريخ الكويت وامثال
السلطات 
حنا طلبنا مربين وزبيدي وسلطه جابوا لنا هريس وجريش وسطله زياده ضيافه من صاحب المطعم الله يجزاه خير 
حمودي يسلم عليكم 
بعد العشا جاء دور الشاي بالجلسات الخارجيه
سلبيات وايجايبات المطعم
1- اسعاره جدا مشجعه يعني مطبق زبيدي مايتعدا 3 دنانير
2- الاكل جدا مميز وكانك بالبيت
3- الخدمه والسيرفس جدا مميز والعمال الابتسامه لاتفارق محياهم
4-مكانه جميل جدا فهو يقع بالقرب من المجمعات وفندق سليل
موقعه جدا استراتيجي
5-اجمل طبق المطبق الزبيدي والهامور
6- المطعم شرح جدا
7- يعيب المطعم صغر الكبائن المغلقه
8- يحطون لك بارتشن اذا حبيت تقعد برا اذا كان معاك عائله
نقطه اعجبتي جدا وفيها خصوصيه
9- المطعم الوحيد بالعالم اللي سمعته فيه قران وانشايد للعفاسي
وفكره حلوه عكس بعض المطعم تشغل اغاني
المطعم عائلي بالدرجه الاولي
هذا مالدي
حصل موقف لي بالطعم لما رحت ابي احاسب اثاري صاحب المطعم دافع عني
وقالي هذي ضيافه الرجل جدا كريم الله يجزاه كل خير
لاني قلت له انا من اعضاء الزاد والرجل يعرف المنتدي
تحياتي