السلام عليكم
اخواني في الكويت اخوي قبل يومين تعطلت سيارته بالكويت وتركها ورجع للرياض
والحين ابوي بيجي للكويت عشان يصلحها بالكويت ويرجع فيها
سؤالي لكم وش الورش او الاماكن المضمونه المعروفه لتصليح السيارات بالكويت
ابي تكفون اسماء وارقام ومواقع بساعد ابوي فيها قبل لايحوس هناك بالورش ومايعرف احد
حتى لو ترسلونها عالخاص
وشكرا لكم كلكم

انا اللى اعرفه بمنطقة الشويخ
يوجد الكثير من الكراجات المعروفه
اتمنى من الاخوان بالكويت يفيدونك اكثر

كما ذكر اخوي رحال
والله يوفق

والله ما ادري بالضبط لان شغل رجالة
بس في بشويخ والفحيحيل وفي بشرق
وفي الورش التابعة لمعارض السيارات نفسها
وكل شي بسعره
وهم اتمنى احد من الاعضاء يوصف لكم افضل

شنو نوع السياره والخراب
علي شان اسئل عنها واعطيج السعر التقريبي حتي لايستغلون ابوج بحكم انه خلبجي
الشويخ الصناعيه فيها كل الكرجات
واذا يبينا نساعده حنا بالخدمه ونتشرف فيه

مثل ماقال ابو احمد شنو نوع السياره اول شي ووين واقفه علشان نعطيكم اقرب منطقه

الشويخ فيها كل شي ومحلات متخصصه بالياباني او الامريكي او الالماني والحين الكوري

رحال اماراتي
GCC
fab u
ارجنتيني للابد
ناصر كويتي
ماقصرتوا كلكم بيض الله وجوهكم الله يفرج لنا ولكم
لازال البحث جاري والاستشاره

مشكورة عالية على طرحك للسؤال هما وصدقيني
لا تودرين باي مكان ثاني ما شاءالله الاخوان اكيد عندهم خبرة والكويت صغيرة واكيد بيدلون ابوج على المكانات المضبوطة
بس عطينا اسم السيارة علشان يدلونكم على الاماكن المناسبة وحتى لا يستغل الوالد من اصحاب النفوس المريضة من اصحاب الكراجات

هلا والله fab u سيارة اخوي لومينا صغيره واشكرك على التفاعل والكل مايقصر بارك الله فيكم