السلام عليكم ورحمة الله وبركاته الحمدلله والصلاة والسلام على رسول الله وعلى آله وصحبه أجمعين كيف الحال يا أخوان
الفترة اللي راحت مانقطعت عن البحر وكل أسبوع أروح لكن الصيد كان قليل جداً وزين انه نحصل ودام حق غدا وعشا
,, والحمدلله على كل حال. شهر 2 متعودين انه مافي هوا دايماً وانا مضبط اجازتي خلال هالفترة والاسبوعين اللي راحوا يمكن خمس مرات كشت لكن الهوا لاخلانا نغاوص ونصيد بالغزول مع انه الهوا زين حق الغزول بس الظاهر البرودة مأثرة. والحمدلله الكشتة الاخيرة تحسن الصيد
كشتتنا كان لمدة يومين من الثلاثاء الى الخميس بتاريخ 14-16/2/2012 وتفقنا ولله الحمد بصيد الغزول والمغاوص
واخليكم مع التقرير
اول ماوصلت والجو ممتاز ويغري للمغاوص
نزلنا مغاوص على السريع وتوفقنا بهامور وشعري
وقبل المغرب نزلنا ننصب غزولنا
وكان هذا الصيد في البداية
قبل المغرب وجلسة خارجية في الجو الحلو وكلن مشغول بالايفون
وجو خيالي مع السلوم
الضو شابه والقهوة جاهرة
ومحدثكم ماتغدا وقارصه الجوع
ومافيه الا خبر وجبن مع الكرك تصبيره لين العشا
سوالف وعلوم طيبة
وكبسة هامور من يد اخوكم مفلفلة للاخر
يوم ثاني الصباح والضبابة حاضرة
وماعندنا الا السوالف لين ماتفك الضابة ونروح نشيل غزولنا
احد يعرف القرصان جاك سبارو؟:3:
نزلت مغاوص وبعد بحث ومعاناة طحت على هذا الهرفي
الهامور في الوسط ذيله مبتور ويمكن فيه إعاهة مستديمة
يتبع
صيد بعد معاناة 
