السلام عليكم ورحمة الله وبركاته

عندي استفسار بالنسبه للرخصه الدوليه

انا اصدرت رخصه من مكتب سياحي عليها ختم من نادي الشرق الاوسط للسيارات لونها رصاصي

يوم شيكت على الدول اللي مكتوبه داخل الرخصه مالقيت النمسا

قال لي الموظف انه عادي مو مشكله

سؤالي هل في واحد اصدر مثل هالرخصه واستخدمها في النمسا

افيدوني جزاكم الله خير

السلام عليكم ورحمة الله وبركاته
ان شاءالله الاخوان بيفيدونك فهالموضوع
نحن عدنا فالامارات :مجرد تحويل الليسن الى دولي فقط لاغير ..

مافيه اي مشكله كل الرخص نفس الذي معك
أي استفسار ثاني تحت خدمتك يا الغالي

فيه شخص بالمنتدى صارت عليه مثل هالسالفه وكان حريص جدا ان يتاكد
وكان مطلع رخصته مثلك من نادي الشرق الاوسط واسم الدوله اللي بيروح لها ليست من ضمن الدول المكتوبه
المهم ارسل ايميل لشركة تاجير السيارات
وردو عليه وقالو
بما ان عندك رخصه دوليه اهم شيء تاريخ صلاحيتها ويكفينا انها دوليه فقط وعليها اسمك والشيء هذا ماشي على كل الدول وكل شركات التاجير
طبعا بعض الاحيا ن مايطلبون منك الدوليه ويكتفون برخصتك المحليه لان اسمك مكتوب بالانجليزي بالرخصه السعوديه
ولكن أضمن لك خل معك الرخصتين ماراح تخسر شيء رخصتك المحليه ورخصتك الدوليه

الله يعطيكم الف عافيه ويجزاكم كل خير