اشلونكم احبابي شخباركم
ادري اني طولت عليكم بس ظروف عائلية ترفيهية منعتني
نكمل التقرير معاكم وللحين احنا باليوم الثاني
بعد ما رجعنا من الجوله البحرية عاد خلاص
حسينا بالجوع وعلى ما قررنا اختيار المطعم
رحنا والا قاعدين ينظفون الطاولات وقلنا لهم نبي مكان لستة اشخاص
قال عشر دقايق قلت له الله يخليك نبي مكان بعيد
عن الارجيله لاني ما اواطن ريحتها وانا بتغدى يعني لو تكرم بدنا مكان نظيف
المهم قال اوكي
والا يأشر لي على نفس المكان اللي فيه شيشه
قلت له لا لا ما ابي هني
قال انتظروا واحنا واقفين وهم يعدلون بهالطاولات ويسنع ومو راضي يخلينا نقعد
الا لما يوزع الصحون والمناديل والملاعق
قلتا ميخالف بتعاند احنا ما راح نمشي بنقعد
والحمدلله اخيرا قال لنا واحد منهم تفضلوا قلنا له جيب المنيو بسرعه الله يخليك
وكل ما نطلب ناكد على السرعه
بس صج سريع ما عطلنا
بس على نص الوقت الا واحد قعد ورانا وطلب شيشة لا ووراي بالضبط
قلت يلا اسكر خشمي وافتح حلجي
نشوف معاكم بالصور
وقت اتخاذ القرار قعدنا هني
وهذا مطعمنا اسمه ما ادري اشلون صاير
المهم طلبنا وجلسنا ننتظر طلباتنا
انا اصور طبعا
ومن الزحمة كل ما بصور شي ينط بوجهي واحد
والعيال لهو باجهزتهم
وواحد اخذ له غفوة هههههههه
ووصول اول المشروبات
عصير حليب بالموز يمكن ناسية طلبها
عصير وبيبسي وغفوة ههههههههه
والحين بيبسي وماي وتلجات
الله يذكرك بالخير اخونا بيبسي كولا من زمان ما شفناه بالمنتدى
الله يرد كل غايب ان شاءالله
وصول المقبلات
تبولة وورق عنب ما نستغناش
لذيذة بجد
التبوله لحالها تينن لذييييييييذة
الخبز من الفرن لمائدتك
الكبة كان في وايد بس حصلت وحدة اصورها
الجبدة ...ما ادري عن طعمها ما استسيغ طعمها انا
اما العيال حبوها
حمص باللحمة جنااااااان
وسمبوسك لبناني انا بغيته بالجبن بس اطلبوه باللحمه
لذيذ
الطبق الرئيسي طلبنا ثلاثة
والطلبات السابقه كلها من طبقين
وهذا لكم زايد
الحساب الصراحة يمكن طلع 350 وفوق
ولدي هو اللي دفع عنا الحساب
بعد الغدوة اللذيذة واللي طفحنا منها قررنا نطلع من المكان
الشباب قرورا يروحون الامارات مول ويكملون مع ولد عمتهم
وكنا قريبين من النافورة الشبيه بنافورة مارين بلاترز اللي بميونخ
وقعداتها
ولعب الاطفال فيها
وقعدنا هني ننطر تاكسي
يقول لنا هني مو مواقف التاكسي قلنا في وايد سيارات
تمر وتدخل المواقف على يمينا ويسارنا
والا في تاكسي نزل ركاب وانا وبناتي رحنا فيه
وهذه الصورة تبين لكم مدخل المواقف من جهة اليمين
ومثل ما قلت لكم انا مع بناتي رحنا وخلينا الشباب يدبرون عمرهم
وقبل لا انسى انا سحبت فلوس من جهاز قريب من هذه المواقف
.png)
؟
