السلام عليكم ورحمة الله وبركاتة ..
اسعد الله صبآحكم \ مسائكم جميعاً ..
اتمنى الجميع يكون بصحة وعافيه ..
اولاً اتقدم بالشكر الجزيل لهذا المنتدى الرائع واللي له الفضل الكبير بعد الله سبحانه وتعالى في انه ساعدني
على معرفة بعض التفاصيل عن مدينة برشلونه واللي راح تكون وجهتي القادمه واسأل الله العظيم ان يوفق كل من ساهم في مساعدتي بطرح معلومه او افاده
في موضوعي (برشلونه 20 ابريل) واسأل الله ان يوفق كل القائمين على هذا الموقع الرائع ..
هذا التقرير اعتبره رد بشي بسيط من افضال هذا المنتدى وان شاء الله تستفيدوا منه ..
بصراحه انا كنت حاب انزل هالتقرير مع التقرير الثاني بعد السفر الى مدينة برشلونه
واللي راح تكون الرحله في 20 ابريل ..
بس المواضيع المطروحه عطتني حماس اكبر وقررت اطرح هذا التقرير في هالوقت
اعتذر لو كان مفروض نزلته في وقت سابق ولكن قدر الله ماشاء فعل ..
.
.
.
في البدايه سبب عشقي للعاصمه الاسبانيه مدريد
واكثر ماكان يجعلني احلم بالوصول لهذي المدينة هو النادي الابيض المنتمي لها ..
وكان كل حلمي الوصول الى ارضية البرنابيو ومشاهدة اللوس بلانكوس ..
بس اللي صار اني بعد ماقريت وشفت عن اسبانيا وتحديداً مدريد صرت اتشوق للوصول اكثر لهالمدينه والاستمتع بها .. !
مـدريـد الحـالمـه ..
..
15 ابريل 2011
احد اهم اسباب اختياري للوصول لمدريد في هذا الوقت
هو مشاهدة مباراة الكلاسيكو بين ريال مدريد وبرشلونه
والشي الجميل انه راح يلعبوا مباراتين في نفس الاسبوع
الاولى في الدوري الاسباني والثانيه في نهائي كاس الملك .. فكنت حريص اني اروح في هالوقت ..
راح اقول بعض التفاصيل قبل الذهاب الى مدريد ..
طلعت الفيزا عن طريق القنصليه الاسبانيه بمدينة جده وكان مدتها 6 شهور ومثل ماقال الاخ المتواجد هناك ان راح تكلفنا 900 ريال عشان حجز الفندق والامور الثانيه
طبعاً هذي كانت اول مره اروح فيها لاستخراج تاشيره وماكنت اعرف اسعارها وتقريباً كنت ابي اخلص وخلاص يعني لو طلب اي شي ماكنت راح افكر كثير ..
(ونصيحتي للي حاب يستخرج الفيزا الشنقن يطلعها عن طريق السفاره الايطاليه
لاني بصراحه احسها اسهل وبسعر اقل وانا مطلع التاشيره للرحله القادمه عن طريق مكتب في الرياض وكانت الرسوم تقريباً 700 ريال)
وكانت هذي طلبات المكتب ..
خطاب من العمل موجه للسفارة ويكون باللغه الانجليزيه –كشف حساب لمدة لاتقل عن 3 اشهر لحساب بنكي
صور 4 x 6 مكشوف الراس –اصل الجواز –صورة بطاقة الاحوال)
وطبعاً قصيت تذاكر الطيران عن طريق الخطوط الجوية السعودية ..
وكان سعر التذكره 1700 ريـال (ذهاب وعودة) ..
خط سير الرحله : الريـاض - ميـلانو - مـدريـد
والعودة مـدريـد - ميلانو - جده - الرياض
وبعد بحث طويل وشاق لقيت موقع يأمن حجز للفندق باسعار منافسه ورائعه وحجزت من خلاله الفندق وكان لمدة اسبوع ..
اسم الفندق HOTEL MELIA CASTILLA ويقع في حي بجوار السنتياغو برنابيو يعني تقدر تروح مشي < مثل ماكنت اسوي يومياً خخخخ
والصدفه الجميله في هالفندق تواجد احد اعضاء الجزيرة الرياضيه
كان سعر الفندق بـ 4900 ريال والفندق كان اكثر من رااائع وان شاء الله راح انزل صور للآوتيل ..
هذا كل شي بخصوص الحجوزات والتاشيره ..


اتمنى ماكون طولت عليكم بس حبيت انقل كل الاشياء اللي صارت معي
يمكن احد يقرا ويستسهل الموضوع ويفكر برحله للعاصمه مدريد

.
.
.
بعد الوصول لمدريد
راح اطرح لكم كل الاحداث بـ الصور ..

هذي الصورة بمطار الملك خالد الدولي (الرياض) ..

وهذي الصورة في مطار باراخاس الدولي (مدريد) بعد الوصول وكانت تقريباً الساعه 10 صباحاً ..

بعد ما وصلنا وخلصنا كل شي
كان ينتظرنا السائق الخاص اللي حجزته عن طريق نفس موقع حجز الفندق ..
وكان يسأ لني عن الاشياء اللي اعرفها في مدريد
حسيت انه ندم يوم سألني لان كل كلامي كان عن ريال مدريد ودوشته فيه
وعن ملعب السنتياغو برنابيو وعن الثيبليس اللي كنت اتمنى احتفل فيها مع مشجعي ريال مدريد بأي بطوله
وعن الفالدبيباس ..
فـ ماكان منه الا انه اخذ فينا جوله على الملعب قبل التوجه للفندق
وهذي صور من السياره ..



يشتروا تذاكر المباراة < من الحماس كنت بنزل معهم

صور لـ ريال كآفي ..
مكان رائع جداً والمطعم يطل على ارضية البرنابيو < منظر خيـآآآآليييي ..

هذي صور للفندق ..

بعد ما وصلنا للفندق ماكان في وقت للراحه او يمكن الحماس كان بزياده ..
فقلت بما ان البرنابيو قريب وصرت اعرف الطريق ليه ما اروح ..
وفعلاً اول شي سويته بعد ماوصلت رحت للبرنابيو ..
( رحت للبرنابيو اكثر من مره وكانت اخرها يوم الخميس بعد الفوز على برشلونه في بطولة كاس الملك
واخترت لكم بعض الصور اتمنى ان تنال اعجابكم )
.
.
هذي صوره في احدى الحدائق المجاوره قبل الوصول الى البرنابيو
طبعاّ هذي صحيفة آس وصحيفة ماركا المقربه من نادي ريال مدريد < على اساس بعرف اقراها :105: ..



صور من داخل السنتياغو ..


امجاد الزمن الجميل

كؤوس كورة السله ..

كـآس ملك اسبانيا



بجوار متجر ريال مدريد

وهذي من داخل المتجر


تقريباً كان اليوم الاول في البرنابيو والاماكن المجاورة ..
واليوم الثاني كاان يوم المباراة
رحنا للملعب تقريباً الساعه 11 الصبح ومارجعنا الا 12 ..
لكم نقل بعض الاحداث
رايح الملعب

مقابله مع اعضاء الجزيرة الرياضيه واكثر شي فرحني وجود لاعب منتخبنا الوطني السابق نواف التمياط ..


بعض العرب الحاضرين في الملعب ..

جمهور برشلونه المتواجد في مدريد

اجمل واحلى واروع واشهر سياره في مدريد وبجوار صاحبها :3:

مشجع مدريدي ملفت .. حسيته يشبه اراقونس ..

هذي صورة العضويه اللي دخلت فيها الملعب وكان الموقع ممتاز جداً ..

صوره من الجمهور الحاضر ..


داخل الملعب .. شريت منها بين الشوطين


وانتهى اليوم بتعادل الفريقين 1-1
وكان قد سجل الاهداف كرستيانو رونالدو وليونيل ميسي ..

اليوم الثاني كان للتسوق
وهذا السوق كان بجوار ملعب السنتياغو بما انه المكان الاقرب
وبعدها رحنا للقران فيا عن طريق الميترو وكان يوجد نقطتين للميترو بالقرب من الفندق



انا من عشاق الشوكلت وطبعاً ماتفوتني هالاشياء
وبصراحه الذ من اللي عندنا مررره

هذا اليوم افترقنا انا وصاحبي
لاسباب تعصبيه خخخخ
بس اللي صار انه سافر لمدينة برشلونه وانا قررت ابقى في مدريد
لاني افضل البقاء في مدريد والاستمتاع بمدريد اكثر من الذهاب لبرشلونه ولاني حاب اتعرف على مدريد اكثر < كنوع من الولاء والانتماء :3:
..
بعد ماصحيت رحت للبرنابيو عشان اقابل صديقي اللي يشتغل في ريال كـآآفي ..
واكلت اشياء غريبه بس لذيذه جداً وبصراحه كان سعر المطعم غالي جداً :105: ..
وبعدها رحت في جوله سياحيه في الباص السياحي والتعرف اكثر على المدينه الاسبانيه ..
.
.
.
داخل ريال كافي ..

التكيت والسعر موضح عليها ..

ساحة الثيبليس .. ويحتفل مشجعي ريال مدريد بالبطولات في هذا المكان (لي عودة مع الثيبليس) ..



مبنى المتروبولس الشهير ..

في احدى الاحياء المجاوره كتابات لمشجعين الريال ..

بوابة الكالا (القلعه ) ..




الصورة مو واضحه بس بالغصب لحقت .. هذا مقر صحيفة ماركا الاسبانيه

يوم الاربعاء كان يوم مميز لكل المدريديستا
والسبب هو التتويج بكاس ملك اسبانيا على الغريم التقليدي فريق برشلونه ..
بعد الفوز على النادي الكتلوني
ذهب مشجعي مدريد من كل انحاء العاصمه الى ساحة الثيبليس للاحتفال
مع لاعبين ريال مدريد بالفوز
اتركم مع الصور ..
.
.
.
تذاكر المباراة

بالطريق الى الثيبليس ..

مشجع يجهز للاحتفال ..

لقطات قبل وصول اللاعبين ..





كرستيانو .. بيبي .. مارسيلو .. اديبايور .. قرانيرو


بعد مالبست شعار الريال من القائد كاسياس ..

هذي صورة مكان مدرب ريال مدريد جوزيه مورينهو وبعد الفوز على الفريق الكتلوني بهدف الدون
كرستيانو رونالدو ..

وهذي اخر صور قبل العودة الى المملكة العربية السعوديه











في الختام اتمنى ان يروق لكم ماطرحت ..
كل الوداد لكم ..

مشاء الله عليك
تقرير ولا ارووووووع
خصوصا فيه النادي الملكـــــــــــي
عقبال هالسنه نحتفل بالدوري وابطال اوربا

سعر ولا اروع للتذكره .. ماشاءالله
وعشق الملكي في دمائك ههههههه

زوجي برشلوني صميم ~ شجعو سوى فيً٢٢ ابريلً < وجه شرير

الله يعطيك تقرير حلو ، هالقسم خلاني احب اسبانيا كثير وأبي اروح كل مكان فيهاً

الاروع تواجدك خيوو ..
وان شاء الله يارب نحتفل بالبطولتين هالسنه ..
.
.
.
تحياتي لك ..

الله يعافيك يارب ..
ان شاء الله زوجك راح يتقبل الهزيمه وضياع الدوري بأذن الله :3:
كنت فال خير على الريال يوم وصلت تعادل وفاز بالبطوله وان شاء الله هالمره بعد اكون فال خير ويتوج بالدوري من ارض الكتلان
الله يستر واطلع من هناك بدون اصابات .. لانه اذا الريال سجل هدف ماعرف اسكت
اتمنى لكم رحله موفقه يارب ..

يعطيكم العافية على مشاركتنا الرحلة