اقتباس:
المشاركة الأصلية كتبت بواسطة طوق الياسمين
حابه استفسر عن كم شغله وياريت تساعدوني فيها انا بسافر يوم الجمعه ان شاء الله بروح بنسلفينيا..بقعد هناك اسبوعين وبعدين بروج فلوريدا..بغيت اعرف وين في اماكن سياحيه في بنسلفينيا..وبالتحديد بينس برج...وكم المسافه بينها وبين فلوريدا؟؟يعني لازم طياره ولا تنفع بالسياره؟؟؟ وفلوريدل وين احسن مكان سكن لعايله؟؟وياريت تعطوني برنامج ل15 يوم في فلوريدا...طبعا انا من اللي قريته ان ديزني 5 ايام..ويونيفرسال ستديو يومين..والوورلد سي يومين.. في اماكن ثانيه غيرهم؟؟وديتونا بيتش وين نروح؟؟او بغيت اعرف ايش المميز فيها؟؟ونفس الشي ميامي؟؟
اولا الله يسمح دربكم وتروحون وترجعون بالسلامه
هلا والله اختي طوف الياسمين وهذي الساعه المباركه ان تشرفينا بالزاد باي وقت
بالنسبه لبنسلفانيا الحقيقه مازرتها لكن مو غلط تكتبين بالانجلش بنسلفانيا دوت كم وراح تشوفين كل شي عن المدينه
بالنسبه للمسافه اعتقد بالطياره لمده ساعتين الى ساعتين ونص وبالسياره بعيد
فلوريدا طبعا ارولاندو السكن فيها للعوايل ولا في الخيال
في شارع اسمه الانترناشيونال درايف شارع حيوي وفيه الفنادق والمطاعم والالعاب والمولات من اول الشارع الى اخره وفي باص سياحي تقدرين تحجزين من الفندق تذاكره ياخذكم من اول الشارع الى اخره وبالعكس
السكن انصح اذا عايله فندق امباسي سويت جمايكا كورت هو في منصف شارع الانترناشيونال درايف
بالنسبه للجدول خمس ايام ديزني وايد ثلاث ايام تكفي تزورينها كلها
يونيفيرسال ستوديو فيها ميزه حلوة تشترين تذكره يعطونكم يوم ثاني مجاني واعتقد هذا كافي عليها
وسي وورلد يوم واحد تامبا يوم
ديتونا بيتش تروحون لها بالسياره قريبه اقل من ساعه وتشوفون هناك موتيلات على البيتش حجزو يوم كافي من الصبح لليل ولازم يكون فيه حمام سباحه علشان العيال يستانسون هناك
ميامي جميله وحلوة لكن ما تصلح للعوايل فيها كثره المفاصيخ بكل مكان
اي شي مو فاهمته يسعدني ويشرفني الرد عليه اختي
وسلامي لاهل قطر