مازلنا في جولتنا حول المنتجع .. وهذي لوحة توجيهية اللوحات غالباً بالتركية والإنجليزية
هذا المسبح الداخلي للرجال
بزاوية أخرى
يمكن الصور تتشابه ..لكن تدرون الواحد يظن نفسه محترف تصوير

وكل صورة لها معنى آخر
في ممر بعد المسبح ..وين يودي ؟
مممممممممم
جلسات بين البحر والمسابح الداخلية

قضينا فيها أوقاتاً رائعة
الكراسي الملونة هذي مريحة بشكل

أول مرة أجرب أجلس عليها ..تاخذ شكل الجلسة الي تبيها وتتشكل على كيفك ..

هذا الممر المؤدي إلى بلوك2 الي فيه الفلل وسأتكلم عنها أكثر لاحقاً ..طبعا الممر مميز عن الممرات الأخرى
وهذي احدى الفلل
بعد هذه الجولة السريعة بدأت زقزقة العصافير ..فقلنا لها أبشري ..ماطلبتي شي
في الطريق إلى المطعم !
حبيب البطون
وجولة على بوفيه الفطور ..والمعذرة ماصورت غير في الفطور لأننا نكون لحالنا وماقدر أصور في الوجبات الثانية لزحمة الناس
مبدعين في الخبز بصراحة !
ماودك تلمسه من روعة شكله
أشكال ألوان
الشوربة ..أساسية في كل وجبة
بدك معها بهارات ؟
جلسات داخلية رائعة
لكن الخارجية أروع بكثير
تنوع البوفيه ..هنا الأطباق الساخنة
هذا يسوي بيض بالجبن والسجق
العسل
الطماطم الصغيرة المشهورة بها كوملوجا
لهواة الشيكولاتة
مربيات ودبس وطحينية
أجبان بكل الأشكال والألوان
الشوربة ..
وهنا الخباز يجهز بدا الجبن وخبز مدور مادري ايش اسمه وخبز آخر منفوخ
البدا الرائعة
هذي صور للبوفية في وجبات أخرى من بعيد
طلعنا من باب المطعم بعد جهاد عظيم
قدام المطعم مباشرة على اليمين في مبنى فيه مسبح داخلي وغرفة جيم وحمام تركي وغرفة مساج وكوافير ..المساج والكوافير بفلوس والباقي كله أبوالبلاش
النادي ورانا ورانا
كراسي أظنها للإسترخاء..
الحمام التركي
المسبح الداخلي
بعد الفطور كان الجو مازال بارد والماء في المسبح والبحر بارد ..لكن على الساعة 10 تقريباً بدأ الوضع يصير مقبول ..وبدأت الفعاليات !
طائرة مائية
الكور متوفرة في الكوشك الي جنب المسبح ..فيه كور طائرة مائية وطائرة شاطئية وقدم ومضارب التنس
لحظة استرخاء
تخريب الإسترخاء
صورة من داخل المسبح
نطلع من المسبح

ناخذ شور من الدوش الي مستخبي بين الشجر
غرفة تبديل الملابس بجانب المسبح

ملاحظة : يعطوك مع مفاتيح الغرفة كروت بعدد الأشخاص الموجودين في الغرفة ..لكل شخص كرت ..الكروت تاخذ فيها مناشف من جانب المسبح ولما ترجع المنشفة تاخذ كرتك .
وهذا المنظر من جانب غرفة تبديل الملابس
يبيلها شاي ولا قهوة ولا أي شي ترويقة بعد السباحة !
ايش في هناك ؟
هذا المطعم مسميينه هم هافوز بار ..يعني بار المسبح .. هو مش بار ..عندهم قهوة وشاي وعصيرات وبيبسي ويعطونك إذا تحب لعبة ..شطرنج، ورق ، لعبة مادري كيف يلعبونها لكنها مثل الدومينوز ..وفي خارج أوقات الوجبات الرسمية فيه وراهم بوفيه صغير فيه سناكات ومعجنات ..
جنب البار في واحد يسوي تاتو "إسلامي" ..أظنه بالحناء
وهذا قدام البار
أيس كريم وذرة وغزل البنات وكوكتيلات ووافل ..لكن هالمرة بفلوس

مو كل شي بلاش ..مصختوها عاد
تنس بعد الشاي
المسبح مرة أخرى
وشباب أتراك يلعبون مباراة كرة مائية ..مادري ان كان اسمها كذا صحيح
المسبح بزوايا أخرى
في ألعاب للكبار يومياً في المسبح يجمعون الرجال والشباب ويسوونلهم مسابقات ..احنا صراحة ماشاركنا ..أول مرة جو نادونا ومافهمنا عليهم والمرة الثانية كنا مشغولين في مباراة طائرة ..بالمناسبة الفريق الي أنا معه كان يخسر دائما :(
الأطفال لهم نصيب كبير جداً في هذا المنتجع ..ماتشوف إلا المهرجين هذولا جو وجمعو الأطفال وأخذوهم يسوونلهم ألعاب ..ومسابقات ..وفي الليل يسهرون في المسرح القريب من المجمع النسائي ويغنون لهم ويسوونلهم مسرحيات ومسابقات ..لكن كله بالتركي طبعاً ..
المهرجين يبحثون عن الأطفال
هذول المهرجين في المطعم

وهنا القسم الخاص بالأطفال بجانب المسبح الخاص بالأطفال ..
ألعاب مجانية وأخرى مدفوعة بأسعار معقولة جداً
هنا مسبح الأطفال
ألعاب الأطفال
هذي اللعبة عاد كنت من وأنا صغير متمني ألعب فيها

وللأسف دايماً تكون في أماكن ماتصلح لنا يعني لازم يكون معك حريم ومناظر مؤذية ..لكن هنا الحمد لله قدرت أطلع الطفولة الي فيني كلها
تشششششششششش
كان معنا بعض أصحاب الأوزان الثقيلة ..إذا نزلو في هذي الزحليقة الأولاد مساكين يبدون يدورون ايش الي صار ..ومرة نزلنا 3 مع بعض ..طلعت نص الموية الي في المسبح خارج المسبح .
هذي كانت الحلقة الثانية .. والحلقة الثالثة جاية في الطريق ..فاستعدوووو