تقرير سياحي: تقرير رحلتي الى جنوب افريقيا صيف ٢٠٠٨ - الصفحة 2 - شبكة ومنتديات زاد المسافر
     
مساحة إعلانية  أعلن معنا
أعلن معنا  أعلن معنا

  

إضافة رد
 
26 / 05 / 2012, 20 : 02 PM
  رقم المشاركة : 11



الملف الشخصي
تاريخ التسجيل : 21 / 05 / 2012
رقم العضوية : 38815
الإقامة : الكويت
المشاركات : 16
التقارير : 1
الجنس : ذكر
الحالة : s.alkandari87 غير متواجد حالياً

رد: تقرير رحلتي الى جنوب افريقيا صيف ٢٠٠٨

اقتباس: المشاركة الأصلية كتبت بواسطة أبوعبدالعزيز مشاهدة المشاركة
الله يعطيك العافية عالجزء الحلو

وياليت من غير أمر عليك تحملالصور على مركز الزاد حتى اتختفي بعد فترة ويخترب التقرير بفقدانها

من هنا
مركز التحميل
السلاااااام علييهووووووووووووووووووووووم
::
يعطيك العافيه اخوي
حاولت بس مو عارف الطريقه
و في طريقه تسجيل و جذي
لويه شوي

26 / 05 / 2012, 22 : 02 PM
  رقم المشاركة : 12



الملف الشخصي
تاريخ التسجيل : 01 / 01 / 2010
رقم العضوية : 11319
الإقامة : السعودية
المشاركات : 3,609
التقارير : 10
الجنس : ذكر
الحالة : يوما ما سنلتقي غير متواجد حالياً

رد: تقرير رحلتي الى جنوب افريقيا صيف 2008


ماشاء الله

الحمد لله مافاتني شي

شي جميل ومرتب .. جزء رائع ،لاتبخل علينا بالصور الحلوة

منتظرين مع البقيه الاجزاء الاخرى


الله يعطيك الصحة والعافية

26 / 05 / 2012, 11 : 03 PM
  رقم المشاركة : 13



الملف الشخصي
تاريخ التسجيل : 21 / 05 / 2012
رقم العضوية : 38815
الإقامة : الكويت
المشاركات : 16
التقارير : 1
الجنس : ذكر
الحالة : s.alkandari87 غير متواجد حالياً

رد: تقرير رحلتي الى جنوب افريقيا صيف ٢٠٠٨

السلااااااااااام علييييهووووووووووووووووووووووم
::
نكمل وياكم باجي التقرير عن سفره جنوب افريقيا
و اليوم راح اتكلم عن مدينه كيب تاون
::
طبعا من بعد ما خلصنا من صن سيتي ، ردينا جوهانزبيرق بالسياره و منها عالمطار على طول ، اخذنا البوردينغات و حملنا الجناط و ركبنا الطياره و كانت مده الرحله ساعه و نص تقريبا اذا ما خاب ظني ،المهم اول ما وصلنا رحنا الفندق على طول و اسم فندقنا (southen sun water front) الفندق حيل حلو ، و في رحله كل ربع ساعه بالباص لي مجمع ووتر فرونت طبعا هذا مجمع عالبحر و في كل شي ، مطاعم محلات العاب و كل شي .
عقب ما حطينا اغراضنا و ارتحنا شوي ، قلنا خل نروح المينا اللي ب كيب تاون و اهو من اهم المعالم اللي موجوده هناك ، رحنا و كان الوضع جن قاعدين برسوم متحركه ، اعلام و زينه و اغاني خفيفه ، و هذي صوره المينا

::
و بعد ما خلصنا قمنا نتمشى بمحيط المينا ، و كان في شارع كل محلات صغيره ، مثل بسطات ، تشرينا شوي اغراض ، المهم بعد مده من المشي لقينا في اكواريوم ، قلنا خل ندش

::

::
و طبعا طلع مو بس اكاريوم ، طلع في قسم نفس متحف
طبعا هالصوره لقطعه من الصخور طاحت على الارض من السما و اول ما طاحت كانت درجه حرارتها اكثر من ٥٠٠٠ درجه . :114:

::
هني نشوف هيكل عظمي حق ديناصور

::
و هذا المدفع اول ما تطلع من المتحف موجود

::
و بعدها ردينا الفندق نرتاح لان كنا تونا واصلين كيب تاون و كنا تعبانين ، و بعد الفندق رحنا الووتر فرونت نعشينا شاورما ، و بعدها ردينا الفندق و نمنا لان من باجر ورانا قعده من الصبح .
قمنا اليوم اللي بعده من الصبح مبجر ، و كان المخطط ان نروح ال (table mountain) ، طبعا هذا جبل و من فوق مستوي ، يعني الارض سيده مو نفس باجي الجبال مبوزه من فوق ، و الناس يروحون فوق عشان يشوفون المدينه كلها من فوق ، رحنا عند المدخل ولا زحححمه ، صفينا بالدور بس الحمدلله كان الدور يمشي بسرعه ، طبعا نروح لي المدخل بالسياره ، و بعدها (تل فريك) يصعدنا لي قمه الجبل ، و هذي صوره التل فريك

::
طبعا في ٢ تل فريك ، واحد يكون رايح و واحد راد ، عشان جذي ما طولنا بالدور ، و كل واحد منهم يشيل تقريبا ٣٠ شخص .
و هذي صوره لمنظر المدينه من فوق الجبل

::
و هذي صورتي و انه بقمه الجبل

::
و بعد من خلصنا من عالجبل ، قلنا وين نروح وين نروح ، قلنا ماكو الا نروح متحف ، لان كيب تاون فيها اكثر من ١٥ متحف ، المهم قلنا نبي متحف عن ايام التفرقه بين البيض و السود ، (((في شي نسيت اقوله لكم ، ان تعرفنا على واحد مسلم هناك و كان عنده سياره ، فاتفقنا وياه ان يكون سايقنا بكيب تاون))) المهم خذانا لي المتحف و صج شفنا العجب ، كانت التفرقه كبييييره بين البيض و السود
و هني نشوف الوالد علي كرسي مكتوب عليه (للاوروبيين فقط ، يعني البيض)

::
طلعنا من المتحف اللي كان ٣ ادوار ، السايق قال اذا تحبون الطبيعه ، خل اوديكم حديقه من اكبر حدايق العالم و قلنا يالله ، و ليتنا قلنا لا ، لانها بعييييييده ساعتين طريج
و هذي صوره من الحديقه

::
و بعدها ردينا الفندق لان كنا تعبانيييين من هاليوم ، و قبل لا انام دق عليي الوالد عالغرفه و قالي تعالي غرفتي ، قلت شكلي مسوي مصيبه :114: ، رحت ولا يقول ان عنده رفيجه كان يدرس وياه ببريطانيا ، عايش بجنوب افريقيا الحين ، باجر بيمره و ياخذه يطلع وياه ، فقالي اذا تبي تيي ويانا نام مبجر لان راح يمرنا الصبح ، قلتله خلاص احسبني وياكم.
قعدني الوالد الله يهديه الساعه ٦ الصبح :4: ، تريقنا و بدلنا و قعنا باللوبي نشرب كوفي على ما يوصل صاحبه ، والله ما طول ، عشر دقايق ولا ايي ، الوالد قاله تعالي انزل اشرب قهوه او شي بارد ، نزل و سلمنا عليه و قعدو يستذكرون ايام الدراسه و انه قاعد مادري شالطبخه بينهم . بعدها مشينا و رحبنا السياره ، ولا سيارته بيجو كشف ، و احنا بالطريج طيحت وياه سوالف و ودرا اني تربيه بدنيه ، قالي خلاص اليوم بخليك تلعب قولف ، و طبعا انه كان حلمي ان العب قولف ، لان مليت من الميني قولف بصراحه ،رحنا نادي اهو مشترك فيه مال قولف ، لعبنا و طلعت لعبه صععبه ، فقالي خل اوديك عند المدرب مالي عشان يدربك شوي علي ما اقعد ويا ابوك نشرب شي ، قلت اوكي ، رحنا و مسكين المدرب كره عييييشته مني :3:
المهم بعدها رحنا شقته و كان موقعها شي خياااال
هني الواجهه للشقه و البحر جدامنا

::
و هني من الشقه من الخلف جبال و طبيعه



::
بعدها قلنا يالله خل نرجع ، لان قربيت تظلم الدنيا ، ،ورانا درب
و بهذا نكون خلصنا نص الكيب تاون
و باجي النص الثاني نكمل على طول تحت
::
::
::

26 / 05 / 2012, 18 : 03 PM
  رقم المشاركة : 14



الملف الشخصي
تاريخ التسجيل : 21 / 05 / 2012
رقم العضوية : 38815
الإقامة : الكويت
المشاركات : 16
التقارير : 1
الجنس : ذكر
الحالة : s.alkandari87 غير متواجد حالياً

رد: تقرير رحلتي الى جنوب افريقيا صيف 2008

اقتباس: المشاركة الأصلية كتبت بواسطة يوما ما سنلتقي مشاهدة المشاركة

ماشاء الله

الحمد لله مافاتني شي

شي جميل ومرتب .. جزء رائع ،لاتبخل علينا بالصور الحلوة

منتظرين مع البقيه الاجزاء الاخرى


الله يعطيك الصحة والعافية
اشاكرك على متابعتك
افا عليك
اذا فاتك شي قولي
اعيده لك


27 / 05 / 2012, 05 : 05 PM
  رقم المشاركة : 15



الملف الشخصي
تاريخ التسجيل : 21 / 05 / 2012
رقم العضوية : 38815
الإقامة : الكويت
المشاركات : 16
التقارير : 1
الجنس : ذكر
الحالة : s.alkandari87 غير متواجد حالياً

رد: تقرير رحلتي الى جنوب افريقيا صيف ٢٠٠٨

السلاااااااااااام عليييييييييهوووووووووووووووووم
::
اليوم نكمل النص الثاني من مدينه (كيب تاون)
::
طبعا قعدنا من النوم الصبح مبجر لان اليوم راح نروح (cape of good hope) (راس الرجاء الصالح) طبعا هذي اقصى نقطه بجنوب قاره افريقيا ، مسافه شوي بعيده قالولنا ، عشان جذي قعدنا مبجر و تريقنا بالفندق ، و نطرنا السايق علي ما اييلنا عشان نحرك و نروح ، المده لي هناك تقريبا ساعتين الا ربع ، المهم حركنا من الفندق و المناظر بالطريج حيييييل حلوه ، جبال و طبيعه و زرع على يمينك و بحر علي يسارك ، بعد ما مشينا ساعه تقريبا ولا نلقا مكان مثل محميه طبيعيه ، سالنا السايق شنو هذا ؟ قالنا هذا مكان كل بطاريق ، قلنا خل ننزل نشوف و نصور ، نزلنا و دشينا ولا واااااايد بطارييييق ، في منهم بالبحر و منهم عالشاطئ و منهم يتسبحون :3: ،
و هذي صوره من المكان


http://files.mothhelah.com/img/3yz24512.jpg

::
و بعدها ، كان بنفس المكان في مطاعم و كافيهات ، شربنا عصاير و بيبسي و بعدها حركنا كملنا مشوارنا ، و بعد ساعه الا ربع تقريبا قربنا نوصل


http://files.mothhelah.com/img/kzq24512.jpg

و هذي لوحه التسعيره مالت الدخول
::
دفعنا الرسوم و دشينا و كان ممنوع سيارت يدشون ، لازم نكمل مشي لان في صعده لي فوق و ماكو شارع ، طبعا الاهل قام يمشون على بيض كانو ، و قالو احنا اهم شي نشوف راس الرجاء الصالح و ماله داعي نصعد لي فوق كلش ، طبعا احنا ندري ان مافيهم حيل :3: ، رحنا انه و الوالد و كملنا طريجنا
و هني حظرتي و انه بالطريج


http://files.mothhelah.com/img/Qd424512.jpg

::
و بعد شويه مشي و كل متر و متر مصورين انه و الوالد وصلنا لي فوق ، و كانو حاطين لوحه فيها اشهر مناطق العالم و اتجاهاتها بس ما قدرنا نصور اللوحه من كثر الزحححمه و الوالد كل يقول بسرعه خل نرجع لانهم ناطرينا تحت
هني انه و الوالد فوق و راس الرجاء الصالح ورانا


http://files.mothhelah.com/img/Uta24512.jpg

::
و هذي صوره لراس الرجاء الصالح


http://files.mothhelah.com/img/pyc24512.jpg

::
و هني صوره اللوحه مالت المكان و طبعا اليابانيين يخرب بيتهم شنو يحبون يصورووووون و المشكله يطولوون


http://files.mothhelah.com/img/ywJ25673.jpg

::
و طبعا هني راح تقولون شفي هذا ماشر جذي ؟؟


http://files.mothhelah.com/img/fir25673.jpg

::
طبعا مسوي جذي ، لان يميني المحيط الهندي و يساري المحيط الهادي ،يعني انه و انه واقف ، نصي بالمحيط الهندي و نصي بالمحيط الهادي ((حركات صح))
و طبعا بعدها ردينا الفندق و كالعاده رحنا تعشينا ب ووتر فرونت شاورما و ردينا الفندق و نمنا لان باجر اخر يوم لنا ب كيب تاون
::
قعدنا من النوم من صباح الله خير و بعد الريوق كانت وجتنا اليوم لي (robben island) و طبعا بهالجزيره موجود السجن اللي كان مسجون فيه نيلسون مانديلا و باجي السجناء السياسيين
، طبعا الجزيره صغيره و كلها سجن ، رحنا لي المينا و منها ركبنا طراد سريع يودينا لي الجزيره ، المسافه تقريبا ربع ساعه بالطراد ، طبعا الطراد مكيف و شغل عدل ، اول ما توصل الجزيره يكون في باص ناطر و ياخذ كل اللي بالطراد و ياخذهم بجوله بالجزيره عشان تشوف السجن من بره
و هذي صوره للسجن من بره

http://files.mothhelah.com/img/21r25673.jpg

::
و من الشغلات اللي قالولنا اياهم من خلال الجوله ، ان حجم غرفه السجن متر و نص ب متر و نص و غرفه كلاب الحراسه (عزكم الله) مترين ب مترين و يعني غرفه الكلاب اكبر من غرفه السجين !!!! :114:
و هذي لوحه موجوده على السجن من بره ، لحظه اطلاق سراح السجناء السياسيين


http://files.mothhelah.com/img/9YY25673.jpg

::
و هني صوره ثانيه للسجن من بره مع وجود حظرتي


http://files.mothhelah.com/img/EU525673.jpg

::
طبعا هذا مدخل مجموعه من زنازين السجن و انه اللي اطقلهم الجرس حق وقت الاكل


http://files.mothhelah.com/img/CiX27214.jpg

::
و هني راح تسالون منو هذا ؟؟ و شنو ماسك ؟؟
اولا هذا واحد كان مسجون بالسجن ، و قعد بالسجن ٧ سنين ، و بعد ما طلع و سوو السجن مثل متحف ، اهو صار يشتغل فيه و يشرح حق السياح عن السجن و جذي (دليل سياحي للسجن) ، و اللي ماسكه بايده هذا الحمام (عزكم الله) !!
::
::
و بجي حظراتي و سادتي ، انهينا مدينه كيب تاون
و بالجزء القادم من التقرير راح نتكلم و نشوف السفاري و اوييلي على السفاري
و دمتم سالمين


28 / 05 / 2012, 39 : 12 AM
  رقم المشاركة : 16
مشرف زاد المسافر الى
المملكة العربية السعودية



الملف الشخصي
تاريخ التسجيل : 11 / 10 / 2011
رقم العضوية : 32152
الإقامة : السعودية
المشاركات : 1,938
التقارير : 2
الجنس : ذكر
الحالة : رحال 2020 غير متواجد حالياً

رد: تقرير رحلتي الى جنوب افريقيا صيف ٢٠٠٨

مراحب بالغالي (الكندري)

الله يعطيك العافية على التقرير الرائع والمميز والصور الرهيبة

متابعين معاك ومشتاقين حيل لجولة السفاري ، لأني أتمنى أزور

دولة أفريقية فيها محميات طبيعية واكيد بنشوفها بتقريركم المميز

تقبل خالص التحايا والله يحفظ لكم الوالد ودمت بكل خير وعافية


28 / 05 / 2012, 18 : 04 AM
  رقم المشاركة : 17



الملف الشخصي
تاريخ التسجيل : 23 / 04 / 2010
رقم العضوية : 13148
الإقامة : الــــكويــــــت
المشاركات : 6,046
التقارير : 6
الجنس : ذكر
الحالة : أرجنتيني للابد غير متواجد حالياً

رد: تقرير رحلتي الى جنوب افريقيا صيف ٢٠٠٨

مبدع ياولد بلادي واضم صوتي لصوت الزعيم ابوسلطان بالنسبه للعنوان
بارك الله فيك جنوب افريقيا دوله خياليه فيه كل مقومات السياحيه
الله يحفظ لك الوالد ويطول بعمره

متابع

بالنسبه للصور
شرح عمل حساب جديد بمركز تحميل الصور + شرح كيفية تحميل الصور + شرح كيفية عمل مجلدات

بالشرح وبالصور(تصغير الصور+وضع اطار+وضع توقيعك) ،بخطوه واحده ولو كانت الف صوره ، تفضل



اللهم اغفر لوالديي وارحمه واجعل قبره روضه من رياض الجنه اللهم اغفر لموتي المسلمين
إن مرت الايام ولم تروني فهذه مشاركاتي فـتذكروني ، وان غبت ولم تجدوني أكون وقتها بحاجة للدعاء فادعولي

snap,twit,store,inst:@argman1999
28 / 05 / 2012, 52 : 06 AM
  رقم المشاركة : 18



الملف الشخصي
تاريخ التسجيل : 21 / 05 / 2012
رقم العضوية : 38815
الإقامة : الكويت
المشاركات : 16
التقارير : 1
الجنس : ذكر
الحالة : s.alkandari87 غير متواجد حالياً

رد: تقرير رحلتي الى جنوب افريقيا صيف ٢٠٠٨

اقتباس: المشاركة الأصلية كتبت بواسطة رحال 2020 مشاهدة المشاركة
مراحب بالغالي (الكندري)

الله يعطيك العافية على التقرير الرائع والمميز والصور الرهيبة

متابعين معاك ومشتاقين حيل لجولة السفاري ، لأني أتمنى أزور

دولة أفريقية فيها محميات طبيعية واكيد بنشوفها بتقريركم المميز

تقبل خالص التحايا والله يحفظ لكم الوالد ودمت بكل خير وعافية
السلام عليكم
يعطيك العافيه اخوي على مرورك
و يشرفني متابعتك للتقرير
لا توصي
انشالله بتشوف اللي يسرك عن السفاري

28 / 05 / 2012, 53 : 06 AM
  رقم المشاركة : 19



الملف الشخصي
تاريخ التسجيل : 21 / 05 / 2012
رقم العضوية : 38815
الإقامة : الكويت
المشاركات : 16
التقارير : 1
الجنس : ذكر
الحالة : s.alkandari87 غير متواجد حالياً

رد: تقرير رحلتي الى جنوب افريقيا صيف ٢٠٠٨

اقتباس: المشاركة الأصلية كتبت بواسطة أرجنتيني للابد مشاهدة المشاركة
مبدع ياولد بلادي واضم صوتي لصوت الزعيم ابوسلطان بالنسبه للعنوان
بارك الله فيك جنوب افريقيا دوله خياليه فيه كل مقومات السياحيه
الله يحفظ لك الوالد ويطول بعمره

متابع

بالنسبه للصور
شرح عمل حساب جديد بمركز تحميل الصور + شرح كيفية تحميل الصور + شرح كيفية عمل مجلدات

بالشرح وبالصور(تصغير الصور+وضع اطار+وضع توقيعك) ،بخطوه واحده ولو كانت الف صوره ، تفضل
هلا هلا هلا بولد ديرتي
والله المشكله اني ظبطت كل الصور قبل التقرير
يعني لو بعدلهم هم لووووويه
و انشالله بالتقارير اليايه اكون مظبط اموري

28 / 05 / 2012, 58 : 11 AM
  رقم المشاركة : 20



الملف الشخصي
تاريخ التسجيل : 21 / 05 / 2012
رقم العضوية : 38815
الإقامة : الكويت
المشاركات : 16
التقارير : 1
الجنس : ذكر
الحالة : s.alkandari87 غير متواجد حالياً

رد: تقرير رحلتي الى جنوب افريقيا صيف ٢٠٠٨

السلااااااااااام علييييهوووووووووووووووووووم
يعطيكم العافيه على مروركم و متابعتكم و ارائكم للتقرير
::
نبلش بالقسم الاخير من سفرتنا و اهو كان للسفاري طبعا
و اسم المحميه اللي قعدنا فيها (cruger national park)
::
طبعا رحنا المطار و الرحله كانت من كيب تاون لي جوهانزبيرق بالبدايه ، وصلنا جوهانزبيرق بس ما طلعنا من المطار ، افترينا شوي بمطارهم ، بعدها رحنا للبوابه ، و ركبونا باص عشان يودينا لي الطياره ، طبعا استغربنا ، لان مطارهم كبير و في (الخرطوم) اللي يوصلك لي الطياره على طول فليش مودينا بباص !!! ، المهم بعد شويه دقايق وصلنا لي مكان كل طيارات صغييره نفس اللي بالافلام و كانت طيارتنا وحده منهم ، احنا كل واحد يطالع الثاني معقوله بنركب بهالطياره ؟؟ هذي لو ندعم فيها طير يمكن احنا نتعور مو اهو
هذي صوره الطياره


http://files.mothhelah.com/img/cTJ77396.jpg

::
المهم ركبنا و ربطنا احزمتنا و شغل الطيار المراوح و طرنا ، بالبدايه كانت الطياره تهتز وايد و صوتها عالي ، قلنا ولييين ، ساعتين الطريج و على هالحاله ؟؟
بس شوي لمن ارتفعنا فوق ، الوضع صار طبيعي ، المهم اول شي نزلنا عايله كانت ويانا منطقه ثانيه ، و ظلينا بروحنا بالطياره (العب لعب عاد الحين) ، شوي ولا الصيار يلتفت علينا و يقول يالله تجهزو الحين بننزل
و بو صلوح يدور المطار ، يدور المدرج ، بس ما يشوف شي !! ، اخر طلع المدرج من رمل :4:
المهم نزلنا بسلام ، اول ما نزلنا من الطياره ولا في ٨ اشخاص ناطرينا عند الطياره ، عطونا ماي و عصير و مناشف معطره و قالولنا يالله ركبو السياره عشان نروح الفندق ، ركبنا السياره(جيب كشف) و رحنا الفندق ((حده عجييب)) لان كان في نوعين ، في فندق عادي و في نظام كواخه (كوخ) احنا ماخذين الكوخ ، يعني بروحنا و محد ويانا
هذي صوره كوخنا من بره


http://files.mothhelah.com/img/7OP77396.jpg

::
طبعا نلاحظ على الطف في شبك ، هذا شبك مكهرب بقوه عاليه ، عشان الحيوانات ما تدش عليك
و هي صوره من داخل و انه قاعد بالصاله اتقرا شوي عن الحيوانات


http://files.mothhelah.com/img/LOW77396.jpg

::
و هني بالمطبخ مع طباختنا (اكلها عجيب)


http://files.mothhelah.com/img/SpF77396.jpg

::
و هني غرفتي و هذا سريري


http://files.mothhelah.com/img/B0877396.jpg

::
طبعا اللي من اول الرحله لي اخرها ، ويانا ناس افريقيين كل يوم يوكونون ويانا (الطباخه و مساعتها و اللي ينظوف شخصين و [التراكر ـ ادريان] ـ و [القايد ـ دانيل] ) ، طبعا التراكر اهو اللي يقعد جدام بالسياره و يدور الحيوانت و يعرف اماكنهم و يقدر من خلال طبعه او اثر قدم الحيوان يقولك متى كان هني هالحيوان و شكثر صارله من مر من هني !!!
المهم تعشينا و العشا كان بره بالحديقه و شابيلنا نار و الوضع عجيييب
::
المهم بعد العشا نمنا ، لان الرحلات كل يوم الصبح و العصر تصير و الصبح الساعه ٧ نحرك يعني لازم ٦ قاعدين على ما نبدل و نغسل و نصلي و نتريق .
قعدنا الصبح و خلنا كل شغلنا و كانو فوستر و ادريان ناطرينا و كل واحد فينا اخذ موقعه بالسياره ، و رحنا نستكشف الحيوانات و الغابه
و هني صوره بالسياره و احنا نفتر بين البراري


http://files.mothhelah.com/img/Ok878945.jpg

::
و طبعا من اول يوم شفنا نوع نادر من انواع الفهود (لوبارد) و اهو من البيق فايف ، البيق فايف اهو ٥ انواع حيوانات نادره ، احنا شفنا نوع منهم باول يوم


http://files.mothhelah.com/img/kr778945.jpg

::
طبعا عقب ما شفنا هالحيوانات و هالطبيعه و الزرع ، و قبل لا نرجع دايما يكون في كشته صغيره بالغابه ، نشرب عصاير و كاكاو و مشروبات ساخنه
جذي يعني


http://files.mothhelah.com/img/zJf78945.jpg

::
طبعا نطلع من الساعه ٧ الصبح لي ١٢ او ١١ ونص ، طبعا ما راح تحس بالملل ، لانك راح تشوف كل يوم انواع يديده من الحيوانات و الاشجار .
المهم بعدها ترجع الفندق تتغدا و تاخذلك راحه ، و تشوف الحيوانات من الغرفه مالتك ، لان مسوين مثل بركه ماي قبال الفندق عشان الحيوانات تيي لي عندك و انت بالفندق
هني كانو مشرفينا الفيله


http://files.mothhelah.com/img/xjw78945.jpg

::
و بعدها الراحه ، الساعه ٤ نطلع مره ثانيه نشوف حيوانات لي المغرب
هني زرافه وقت الغروب


http://files.mothhelah.com/img/Yk079491.jpg

::
و طبعا بالليل قبل لا نرجع الفندق نفس الشي ، ننزل من السياره و ناكل و نشرب شويه خفايف ، و في شي غريب ان عندهم (براز) الفيل يعتبر علاج حق كل انواع الامراض ، يقولك لان الفيل ياكل من كل انواع الاشجاد و و في ماده بجسنم الفيل تجمع هالاكل مع بعض و يصير علاج للامراض ، و من مميزاته ان الفيل لمن ياكل (يخرج) على طول ، يعني مافي ريحه ولا شي :114:
و هني انه و ادريان قال نتعالج ههههه ، ناكل (براز)فيل


http://files.mothhelah.com/img/yXj79491.jpg

::
بعدها نرجع الفندق ، اليوم كانو مغيرين ، العشان كانو باربيكيو و بو صلوح اهو الشيف (الله يستر)
هني و انه اطبخلهم


http://files.mothhelah.com/img/joN79491.jpg

::
و طبعا لازم يسوولك حفله ، يرقصون الرقص مالهم و يسوون فقرات افريقيه و انت تتعشا
و هني باحدى الحفلات


http://files.mothhelah.com/img/iZE79491.jpg

::
طبعا نشوف الطاولات جدامهم
::
طبعا من اول يوم لي اخر يوم و احنا نتمنا نشوف الاسود بس ما كنا نلقاهم ، و لمن يا اخر يوم ، و قبل لا نرجع الفندق ، جان نلقاهم


http://files.mothhelah.com/img/ClY79921.jpg

::
طبعا شفنا كل انواع البيق فايف ، و كانت رحله حييييل حلوه حق السفاري
و من الشغلات اللي صارتلنا ، ان يوم من الايام كان العشان بنص الغابه ، عقب ما خلصنا جولتنا المسائيه ، ودونا مكان بنص الغابه و كانو مجهزين النار و الطاولات و كل شي ، كان صج جو عجيييب ، و كان في خروف معلقينه على شوايه ، و على ما يستوي الاكل ، كانو يعلمونا على النجوم و شلون نعرف الاتجاهات من النجوم و اساميهم .
::
::
و بجذي نكون خلصنا اخر مرحله من مراحل جنوب افريقيا ، و كانت سفره حييل حلوه ، و اتمنى اني ما اكون ثقلت عليكم ، و يعطيكم العافيه على مروركم و ردودكم الحلوه
و انطروني بتقارير يايه احسن انشالله
و دمتم سالمين

إضافة رد

الكلمات الدليلية
تقرير جنوب افريقيا

أدوات الموضوع

المواضيع المتشابهه
الموضوع كاتب الموضوع المنتدى الردود آخر مشاركة
٢٥ ملاحظه مهمه من النرويج٠٠لحم حلال٠٠انفاق٠٠مطاعم٠٠صرف الفلوس٠٠بقالات وغيرها Razaqi7 زاد المسافر إلى النرويج 17 08 / 05 / 2016 34 : 06 PM
اعتبارا من ١ يناير ٢٠٠٨ اجراءات جديدة لحمل الحقائب بالطائرةبالكويت أبوعبدالعزيز الأرشــيــف الــعــام 16 28 / 01 / 2008 30 : 08 PM


المواضيع ، تعبر عن رأي كاتبها ويتحمل مسؤوليتها فقط ، ولا تعبر بالضرورة عن رأي شبكة ومنتديات زاد المسافر .