السلام عليكم

عندي بعض الاستفسارات وياليت احد يجاوبني

بإذن الله بعد اسبوعين بكون في دبي أنا وزوجي ولمده 11 ليله

عندي استفسار عن المصاريف اليوميه هناك كم تكفينا؟

وايش الأماكن السياحيه غير المولات يعني بعرف هل يوجد حدايق ملاهي؟؟

وأبوظبي بنروح ونرجع ف نفس اليوم ايش الاماكن اللي نقدر نروح لها؟؟؟

والسوق الصيني وسوق نايف تستحق الزياره؟؟؟؟

فى توقيعى رابط راح يجيب على جميع الاستفسارات
بالسلامة

يعطيك العافيه ابو عمر

بس أحد يجاوب علي سؤالي عن المصاريف كم تكفي؟؟؟؟

المصاريف على حسب انتو ومشاويركم وشو تشترون واي وسيلة تنقل تستخدمون
الحدائق موجودة في دبي بس الافضل انكم تروحوا المسا لأن الجو في النهار حار جدا
من الحدائق الجميلة - حديقة الخور وزعبيل واذا تريدون حدايق عالبحر عندك الممزر وحديقة جميرا وهي يوم الاثنين للسيدات فقط
ملاهي برا ما في الا وايلد وادي وهو الخميس للسيدات فقط وعندكم مثله اتلانتس
مع قدوم مهرجان صيف دبي من 16 يونيو بتكون في كثير فعاليات في المولات
ابوظبي فيها فيراري-مسجد الشيخ زايد-الكورنيش
السوق الصيني تحصلون فيه كل البضايع ونايف تحصلون فيه بضايع اكثر شي للسيدات
بالنسبة للمصروف في اليوم مثلا للغداء البوفيه تقريبا 70 للشخص في معظم المطاعم وفيه اقل واكثر..العشاء تقريبا 50 الفطور عالغالب بيكون عالفندق
المواصلات اذا بتسخدموا المترو ففي بطاقة باليوم للدرجة الذهبية للشخص 30 درهم
التكاسي على حسب المشاوير
رسوم دخول الحدايق 5 دراهم-جولة الخور 100 درهم-فيراري اعتقد 270 درهم-وايلد وادي 235 درهم
الباقي على حسب انتو شو تريدون تشترون
اذا تعطينا اكثر تفاصيل وين الاقامة بعد احسن

الصراحه مانصحج تسيرين الحدائق لن الحين الجو حر موت ما شاء الله اللهم اجيرنا من عذاب القبرو عذاب يوم النار

انصحج بالمولات - الصيني فيه كل شي الاطفال للرجال للنساء و فيه ادوات منزليه و اكسسوارات
سوق نايف فيه للنساء اكثر مثل القطع و الاكسسوارات ....الخ
و في كل المولات برشورات سياحيه عند الاستعلامات تخبري عنهن بيعطونج اما المصاريف على حسب فيه مطاعم غاليه و في مطاعم متوسطه و التبضع فيه الغالي و الرخيص يعني انتي و شو تحبين ماركات عالميه فيه ماركات عاديه فيه او شي متوسط فيه يعني فيه من كل شي بس دبي مب رخيصه مب بسدبي حتى الامارات .... الماوصلات سيري بالقطار مثل مول الامارات و ستي سنتر ديره اما دبي مول فستفل ستي و السوق الصيني و سوق نايف سيري بتكسي مانصحج بالاوتلت لاتسيرين له كل شي فيه جديم مادري من وين اضني يايبينه من المتحف امممم شو تبين بعد اذا تبين محلات انا حاضره عندي من الغالي و الرخيص امم توني اتذكرت في مطاعم على السفن مثل قريه البوم عشاء ماعرف كم و فيه مكان نسيت اسمه كله سفن مطاعم لو الي يدخلو يذكروني شو اسم المكان حلو ترومين تسيرين له فيهن بوفيه عشاء من 8 ونص يتحرك و المره الثانيه و الثالثه ماعرف بس فيهن الغالي و الوسط مطاعم هنديه ايطاليه بحريه عربيه لبنانيه عالميه كل الي تبينه يعني مب سفينه وحده طابور سفن :3:
و الباقين كفو و وفو