اقتباس:
المشاركة الأصلية كتبت بواسطة ناصـر
أولا الحمد لله على السلامة ،،
وثانيا عندي سؤال بسيط جدا ً ،،
فيينا ــ زيلامسي ــ سالزبورغ ــ ميونخ ،،
أبغى الترتيب من ناحية الأقرب فالأقرب لما أطلع من فيينا بالسيارة ،،
وأبي أسألك ،، شرايك لو أستأجر السيارة من فيينا ،، وأسلمها في ميونخ ؟؟
السؤال الأهم من هذا كله ،،
هل ضروري أستأجر السيارة عن طريق النت ،، أو عادي أروح أستأجر السيارة عندهم بنفس مكتب إيجار السيارات ؟؟
ومن ناحية [ إنتركونتينينتال ] كم سعرهـ في فيينا ؟؟ << بالريـال السعودي ؟؟
وأنا طالع النمسا بإذن الله ثاني العيـد .. يعني 20 [ أغسطس ] ،، هل الجو تتوقع بررد برضووه ؟
00000000000000000000000000
آسف على الإطالة ،، وإن شاء الله ما تكون آخر السفريات الناجحة لك ياررب ،،
مشكور ،،
الله يسلمك يابعدي
شف خذ مني هالخطه
اجلس في فيينا ثلاث ايام وبعدها استأجر سيارة من يورب كار وكانك بالرياض او بالسعودية تراه لهم فروع وارخص وبفيينا موقعهم عند حديقةstadt park يعني بسهولة تآصلهم
وبعدها خذ السيارة الى سالسبورغ واجلس فيها ثلاث ايام وبعدها رح لزيلامسي واجلس فيها اقل شي خمس ايام ثم سلم السيارة في زيلامسي وتوجه بالقطار الى ميونيخ وبميونيخ ماراح تحتاج سيارة لان الاندر قرواند سهل وبسيط وتقدر تروح لاي مكان بالاندر قرواند
وبالنسبة للايجار ماانصحك تستأجر عندهم لانه يمكن ماتلقى ويمكن تلقى وتلقى السعر غالي يااخي توجه ليورب كار بفرعهم بشارع الاحساء بالرياض وصلى الله وبارك
اما سعر الانتر فما عندي علم لان عن طريق الشغل ساكن في فيينا لكن موقعه رائع ويورب كار على بعد 200 متر عن الفندق تقدر تحصل سعره في بوكنق
بالنسبة لشغر اغسطس فالعادة الجو لطيف عندهم بس مايمنع تآخذ جكيت خفيف لو هبت والاحتياط حلو لكن بالغالب الجو لطيف
واذا تبي اي خدمة انا تحت امرك
وموفق