اولاً الشكر لله ثم لاعضاء هذا المنتدى المبارك الذي استفدت منه استفاده كبيرة لدرجة اني مشيت على معلوماتهم وكل شيء مشى تمام..
اولاً الجو في النمسا لازال الجو برد يعني خذ احتياطك بجكيت وعيالك انسى نص كم
ثانياً سكنت في فيينا في فندق الانتركونتينيال وكان فندق جميل وبمكان جميل وقدام محطه الاندر قراوند ولااحتجت استخدم تاكسي وكله اتنقل بالاندرقراود.
ثالثاً:استأجرت سيارة من يوروب كار في السعودية وسعرهم كان رخيص مقارنه بما وجدته في الانترنت اعطوني سيارة غولف فلكس واجن 2012 اتوماتيك لمدة اربع ايام ب230يورو
رابعاً:اتجهت بالسيارة الى زيلامسي وكان ماودي ينتهي الخط من جمال الطبيعة وسلكت خط الى سالسبورغ ثم الى انحرفت على زيلامسي لان خط فيينا زيلامسي حسب ماقريت مو رئيسي يعني وش يفرق كلها 80كيلو على مشاهدة جنات وعيون يالله من فضلك
خامساً:وصلت في زيلامسي وسكنت في فندق سي فيلا وكان فندق رائع من حيث المطل على البحيرة وايضاً طاقم رائع ومحترم ومحترمين للعرب والمسلمين لدرجة ان الحمامات الله يكرمكم فيها شطافات للمياه واعطونا ورقة لمكان القبلة والفطور لوحات ان هذا لحم خنزير وهذا لحم مو خنزير فعلاً كان فندق رائع لكن لو عاد بي الزمن من جديد ماسكنت حول البحيرة ابداً لعدة اسباب من اهمها ان كل اللي ساكن بالمنطقه خليجيين وانا والله رايح استجمام مو كل شوي اشوف واحد واسلم عليه! حسيت اني بالرياض مو بالنمسا ثانياً لقيت قرى جنب زيلامسي رائعه وحلوة والسكن فيها رائع وارخص فليش احد نفسي على السكن عند البحيرة مع العلم ان طول النهار اطلع اتمشى وبالليل انام يعني مااستفدت من منظر الفندق
سادساً:سافرت الى سالسبورغ وسلمت السيارة هناك وسافرت بالقطار الى ميونخ وبما اني عشت بالمانيا فترة فميونيخ اعرفها وسكنت بنفدق جنب محطه القطار بحيث اول ماوصلت رحت للفندق مشي بالاقدام وبكل صراحة ميونيخ حلوة للتسوق واماكن فيها للتمشي.
سابعاً: اللي يبغى اي استفسار او سؤال انا بالخدمة مع دعائكم لي ..
الحمدالله علي السلامه اختيارات للفنادق موفقه الحمد الله
ودنا بتقرير فضلا لا امرا
وبالنسبه لفندق سي فيلا روعه وهو الافضل في زيلامسي وسالفه زحمه العرب ماشاء الله بكل مكان تلقاهم لكن ممكن لو سكنت في كابرون اخف زحمه وجوها ابرد وانا ما احب الزحمه لـلك نسكن في كابرون وخصوصا في السنوات الاخيره صرت اخس انه السنتر في زيلامسي قلب استعراض وانا ما احب هالشي
ابشركم جيت من النمسا وتجربتي فيها! 
