مرااااحب
توي واصله من ميونخ وحبيت اعرض تجربتي السيئه مع هذا الفندق !!
هالفندق نغص علينا رحلتنا وزعل علي زوجي وبناتي مني :105:
هالفندق صاحبه يهودي ويستأجره تونسيين ..
انا من دخلت وشفت العماله عرب وانا حاطه ايدي على قلبي
الفندق مكون من اربع مباني اقصد خرابات !!
المبنى الاساسي وثلاث مباني خلفه ولقيتهم موزعينا على ثلاث مباني :4:
الاساسي اللي هو اهون شي اخذوه بناتي الكبار وانا اخترت الغرفه اللي في المبنى الثاني اكبر الغرف اللي عطونا 2ونص في 3 تقريبا مع بناتي الصغار وزوجي في غرفه في المبنى الثالث !!
ازعاج العمال من الفجر يرممون ويبنون !! ورائحة المباني المقرفه وازعاج اطفال المستأجرين !!!!
ومافيها تكييف الا في المبنى الاساسي ولا تنظيف والسرير جدا متعب والغرف ضيقه والتلفزيونات اثريه
والاثاث ماتلقاه ولابحراج بن قاسم
فندق خايس بمعنى الكلمه لا وغالي بعد ..
حبيت انبهكم
تحياتي للجميع ..

هلا ام رغد
انا بعد كانت لي تجربة سابقة في هذي الشقق فعلا سيئة و ما انصح حد يسكن فيها

وضحوا ذلك في موقع الحجز حتى يستفيد أكبر عدد من رأيكم

لعلها خيره ان شاء الله

اهم شي لا تعكرون سفرتكم على فندق ما يستاهل انسوه وونسوا نفسكم

وياليت تذكرون هالشي في المكان اللي حجزتوا منه بالنت علشان الناس تحرم تروحله

هلابك اكثر وشكرا لمرورك ورأيك اختي الكريمه

ان شاء الله
شكرا لك ابو عبدالله .

الحمدلله هذي تجربه ومرينا فيها وانتهت بخيره وبشره وانا استفدت من المنتدى قبل سفري فاحبيت اعرض تجربتي ليستفيد منها الاخرين
شكرا اخوي ناصر شرفنا مرورك .

والله يا ام رغد لو استشرتيني كان حذرتك منها لان اي مكان حق عرب بيكون مش ولابد وربي حماكم من السرقات

غالب العرب يسكنون في هالشقق عشان سعرها رخيص بس بدون مايفكرون بمستوي الشقق او تعامل العرب السيء للاسف

هلا اختي دموع الوجد ماتقصرين
اولا انا حجزت فيه بعد مامدح هنا في هذا المنتدى ومادريت انه لعرب كان ماخذته .
ثانيا هو مب رخيص اربع ليال 1600 يورو بدون فطور وانا لاابحث عن الرخيص بالعكس اكثر مايهمني في السفر السكن يكون مستواه راقي ومحترم
والسكان اللي فيها خليجيين جايين للعلاج الله يشفيهم .
شكرا لمداخلتك واستفدت منك كثير في سفرتنا للنمسا جزاك الله خير ..

يالله حاجزة عندهم امس بعد بحث وتعب
انا مسافره في 14 اوغست الله يستر خوفتوني والمبلغ غير قابل للاسترداد سحبوه
حجزت سويت وغرفه