السلام عليكم ورحمة الله وبركاته
أخواني و أخواتي
بعاً أنا اليوم بتكلم لكم عن تجربتي مع شقق أبو أمين
اللي عند ألحمام المغربي في دسلدورف
بصراحه أنا منصدم من اللي شفته
و خصوصا أن أجار الشقق غااااالي كثيـر و اللي كان من المفترض انه ع الاقل نلقى شقق تستاهل الثمن
بس للأسف كنت مجبور أخذ عندهم لان الشقق الباقيه ( النظيفه و اللي أسعارها مقبوله ) كلها فل :105:
طبعا أنا بذكر مساوؤى الشقق اللي شفتها :
1- الشقق غير نظيفه أبداً ولا يوجد خدمة التنظيف عندهم ! حتى بشكل أسبوعي مافيه !!
2- الأثاث ( مرقع )
يعني ممكن ف الصاله تلقون كنب احمر و كنب اخضر :3:
يعني كلش كلش مايصير تعزمون فيها
3- المعامله
طبعا المعامله بينك و بين المؤجر مهمه للغايه و يجب ان تبنى على الأحترام المتبادل
و لكن لايوجد هذا لديهم
لانه لازم تأجر عندهم الشيوخ ب شهرين او ثلاثه عشان يعبرونك أو بتشوف الوجه الثاني
اما اذا تأجر اسبوع او اسبوعين فأنهم مايعطونك أهميه و ماينظفون شقتك و مايعاملونك عدل
4- أهم شي عندهم الفلوس
يعني كل شي مقدم
و اول شي يتكلمون عنه الفلوس و فوق هذا كله الاجار غالي !
و طبعا اذا شافوك خليجي
بيجيك الاجار دبل
لان فيه بعض الجاليات العربيه يأجرون لهم ب 1000 يورو ب الشهر
بس أذا شافوك خليجي يأجرون ب 2500 ف الشهر
و هذا الكلام شفته بعيني و قارنت بينهم
و طبعا هم أكثر ناس مرتفعه أسعارهم ف المنطقه
لأان كل الناس تعرفهم و لهم يمكن 3 عمارات
مع انه عند غيرهم تلاقون نفس الشقه و نفس عدد الغرف
و ب العكس الشقق الثانيه أوسع و أكبر و أنظف
و تلقونها ب 1200 يورو ف الشهر
بس عند الشيخ ابو امين
تلقونها ب 2300 يورو للغرفه و الصاله !
أذا كان مراعيكم
طبعا أنا كاتب الموضوع هذا عشان ماينغششون الناس نفسي
و أتمنى أكون أفدتكم
تحياتي
أبو مبارك
, نصيحة شخصية . انا لا اتهمهم جميعا ولكن الفئة التي تستغل الخليجيين اساءت للبقية الصالحة .
