السلام عليكم
حبيت احذر من السكن في شقق Adagio Brussels Centre Monnaie‏
طبعا تم اختيار الفندق ع اساس اني سكنت بفرع تابع لهم في ميونيخ واعجبني السكن فيه
المشكلة اني تعرضت لسرقه داخل الغرفة للسيفتي بوكس باكملة وبها الجوازات وساعات ثمينة
بلغنا الفندق للاسف كان الحدث بسيط بالنسبة لهم وببرودة الاعصاب طلب منا الانتظار لكن
بلغت السفارة بالتعاون مع الشرطة حيث تم استرجاع الجوازات بعد الابلاغ عنها مرميه في احد الاماكن وباعتقادي ان احد موظفين الفندق له سر بالسرقة
وجاري التحقيق للان
حبيت انوه لاني مصدومة من الفعله وبصراحه كرهت البلد لان العوائل العرب اللي ساكنه هناك تحذرنا من السرقات والانتباه للاطفال اللي معنا :4:وهذا ماحدث معنا لكن داخل الفندق
واليكم الصورة:

وعليكم السلام ورحمة الله وبركاته
جزاج الله خير اختي

حسبنا الله ونعم الوكيل

الله يعوض عليكم وان شاء الله يقبضون على الفاعل واقترح ان تطلبون من السفارة توكل محامي

يقاضي الشقق ويرجع حقكم كامل

انا ع اتصال مع السفاره وللان الشرطه تحقق من القضية تبين ان شخص بالكاميرا مدعي انه من عمال التنظيف دخل الغرفة في حين ان المسوول عن التنظيف امراءاة وليس رجل
وان شالله يتوصلون للفاعل .......

الله ييسر اموركم

الله يعوض عليكم بأحسن من الي سرقوووة منكم يااااارب ..


( سويسرا نبضي )


Sent from my iPad using Tapatalk

snow

الله المستعان
ان شاء الله ترجعلكم كل المسروقات والله يحميكم يارب
الصراحه خفت من بروكسل لان معي اطفال مع ان ان تخطيطي للسفرة القادمة لهولندا وبلجيكا

لالالالالالاالالاالاا .؟........:4: هذاا هو نفسه فندقنا في بروكسل .. :4:
انا اخترته على اساس في وسط المدينة والكثير مدح هالفندق :4:

بظل فيه من 5 ليالي ... معقوله يكون جي مش اامن

اختي الفندق مافيه لوبي ومافيه سكيورتي والا شوووو .... انا حجزت وانسحبت الفلوس كامل
وحجزت لان وايد من الاخوان نصحني فيه في منتدى ثاني :4:

الله يخليج طمنيني

السلام عليكم

اختي الكريمه الله يعوضكم عن كل الي انسرق وان شاء الله يكتشفون السارق...
اختى ممكن اعرف الفتره الي كنتوا متواجدين فيها...
وان شاء الله بعد اسبوع بكون متواجد اذا توصين بمساعده انا حاضر لاني كنت دايماً اتعامل مع المدير مباشره
بس انا سكنت فيه لمدة شهر ونص الحمدالله ماشفت منهم اي اذى بالعكس كانوا يلبون كل شي اطلبه ،، وكانوا عاطيني اكبر شقه عندهم وكانت في الطابق السابع مع بلكونه مفنوحه وكبيره والحمدالله كنت مرتاح ،والمطبخ كان بروحه مش مطل على الصاله مثل باقي الشقق، وعلى فكره كنت اسافر دسلدورف وباريس بالايام وغراضي موجوده في الشقه والحمدالله كان كل شي في امان،،،،
وعلى فكره مساحة الشقق مختلفه الحجم فيه شقق الصاله وسيعه وفيه استديوهات بعد كبيره خاصه استديو رقم 303 اعتق او 302 كان كبير بس بدون جلسه
وللاخت سنبله ،، عاد ردي متاخر يمكن الحين انتي سافرتي ورجعتي .،،، واتمنى انج غضيتي اجازه حلوه..


بس عندي كم ملاحظه عل الفندق وهي

ماعجبني التكيف .. ماكان بمستوى التبريد (( كان يقولون انه الشقق المطله على الشارع خافين علر البروده)) الصراحه ماقتنعت بكلامهم بس كنت افتح البلكونه يدخل هواء بارد
وشي ثاني مافيه قنوات عربيه غير الجزيره ،،،

ولي رجعه من بروكسل ان شاء الله اوياكم