شبكة ومنتديات زاد المسافر / زاد المسافر الاوروبية / زاد المسافر الى سويسرا / بوابة الاستفسارات عن سويسرا

إضافة رد
02 / 08 / 2012, 17 : 11 PM
رقم المشاركة :  1 
درجة سياحية



الملف الشخصي
تاريخ التسجيل : 22 / 06 / 2008
رقم العضوية : 1850
الإقامة : الأرض كلها لــ الله
المشاركات : 188
الحالة : القطري غير متواجد حالياً
الإجابات الموجودة 1
مجاب للمشاركه وابداء الرأي ولا نستغني عن مداخلاتكم.. جدول مخصص للعوايل والاطفال14 يوم





السلام عليكم ورحمة الله وبركاته

كيف الحال الغالين

مبروك عليكم الشهر وسامحونا انها متأخره ^_*
وعيدكم مبارك قبل الزحمه <<< اما جاي متأخر ولا جاي بدري *_*
ان شاءالله عندنا نيه السفر لسويسرا في العيد الجاي والسفره هذي هديه لعيالي الي راح ابتعد عنهم تقريباً 7 شهور ..وهذي اول سفره لي مع عيالي لسويسرا ..
والجدول سويته على اساس انه ايكون مناسب لهم اكثر بحكم ان السفره هديه لهم وايكون الجدول مناسب للعوايل الي معهم اطفال اكثر وهذا راح اتلاحظونه من خلال الفعاليات اليوميه في الجدول ..

وكان التخطيط على ان مقر السكن حوالين انترلاكن ..

واستغرق الجدول حوالي 13 يوم وعيوني امبققه في النت من خلال القرايه وجمع المعلومات وحصرها في ملف وورد وبعدها بدا التحليل والاستنتاج ونفس الوقت الأستعانه بقوقل ايرث وقول ماب بعد الله عزوجل ..

وياليت الكل يشاركونا في ارائهم ومقترحاتهم واضافاتهم ومداخلاتهم تسعدنا وااااااااجد والموضوع ماطرح الا للنقاش والفايده للكل

وراح ابدا بأهم الملاحظات الي مرت علي من خلال القرايه والتحليل وهي كالتالي :

1- تم انشاء نفق وعن نفسي عجبني وريحني واجد هالنفق واسمه Lötschberg Tunnelوهو يختصر تقريباً ساعه ونص من الوقت للي يبي ايزور زيرمات وكرانس مونتانا ..الرحلات القديمه ولا مره زرت زيرومات وكرانس مونتانا بسبب طول مدة الرحله ( 3 ساعات تقريباً من انترلاكن وكل رحلاتي القديمه اسكن في انترلاكن ) ولكن مع هالنفق صارت المده ساعه ونص ..ولي له خاطر ايروح لازم ايروح محطة كاندرستيج في البلده الموجوده فيها اوشين سي ومن خلال المحطة يركب بسيارته القطار وراح يقطع بالقطار النفق وهو قاعد في سيارته ..

2- تم استبعاد بعض الاماكن المعروفه مثل جونفقرو بسبب طول مدة الرحله وزرنا القمه كذا مره وفوق هذا مااشوف انها مناسبه فأكتفينا بتيتلس الي عجبني اكثر من جونفقرو ..

3- بعض الاماكن جديده وغير معروفه بالنسبه لي ولا شفت حد ذكرها وطلعتها من القوقل ايرث وراح اذكرها بين قوسين في الجدول

4- احنا محتاجين تقريبا 11 يوم بس وحبيت اضيف 3 ايام زياده احتياط لأي سبب ممكن ايصادفنا مثل القمه مغلقه او الشارع مغلق او الالعاب مغقله الخ !

والحين نبدا مع الجدول بعد موضحنا بعض الامور في المقدمه

يوم 1 :
استلام البيت واكتشاف المكان وبعدها الذهاب الى انترلاكن لقضاء حوائج المنزل من الجمعية والتنزه في انترلاكن

يوم 2:
الذهاب الى قمة تيتلس مع التصوير في الأستديو والاستمتاع بالثلج ثم قضاء بعض الوقت في مكان جميل وقريب من تيتلس ومرتفع وانروح له بالسياره ( حصلتها من خلال القوقل ايرث ويعتبر مكان جديد ) وهو عباره عن بحيره واذا كان هناك وقت ذهبنا الى لوزيرن
احداثيات البحيره n 46.840937,e 8.41042

يوم 3:
زيارة العاب Conny landوهذي احداثياتها N 47.614346E 9.058348

يوم 4:
زيارة زيرمات من خلال طريق جديد واختصار عن طريق ركوب السيارة في القطار من خلال محطة قرية كاندرستيج وهذي احداثياتها N 46 29.659 E 7 40.226
ومن ثم ادخال احداثيات موقف محطة قطار Taschعشان انوقف السياره فيها وبعدها ناخذ القطار لزيارة زيرماتN 46° 04.027E 007° 46.538


يوم 5:
زيارة قمة pfingstegg في قرية GRINDELWALD وهذي احداثيات مواقف القمة
N 46 37.408 E 008 02.806 وتوجد زحليقه في القمه ومن ثم زيارة شلال الجان
N 46 36.637, E 07 16.521 وبعدها زيارة شلال ستو باخ Staubachn 46.59331 e 7.90737

يوم 6:
زيارة التلفريك المكشوف cabrio ( احداثيات المواقف N 46.95905E 8.363639 ) والقريب من لوزيرن ثم التوجه الى مكان هادي وحلو ومرتفع انروح له بالسياره لقضاء فيه بعض الوقت n 46 42.799, e 08 24.950 واذا كان هناك وقت سنزور لوزيرن.


يوم 7:
زيارة اليوروب بارك N48 16.132 E007 43.136

يوم 8:
مصنع شوكولا نستله Nestleاحداثيات موقف المصنع N 46 36.411 E 07 6.474
وبعدها زيارة مصنع الجبن Gruyeresاحداثية المصنع N 46 34.945 E 07 4.342
وبعدها زيارة قلعة غرويير Gruyeres احداثيات مواقفالقلعه N 46 34.914 E 07 4.830ولا ننسى التمشي في القرية لأنها من اجمل القرى
واخر شي جبل مولسون Molesonوفيها زحليقه احداثيات مواقف السيارات N 46 33.677 E 07 2.227

يوم 9:
زيارة مدينة العاب happy land new وعنوانها كالتالي Rue du Foulon, 3977, Granges وموقعهم على النت هو Happyland, parc d'attractions, Suisse
N 46.26319,e 7.457485

يوم 10:
زيارة العاب labyrinthe aventure وعنونها كالتالي Route des Iles Vieilles 30
1902 Evionnaz
N 46.165521E 7.028997

وثم زيارة القطارات السويسرية الصغيرة للاطفال وعنوانها كالتالي
Swiss Vapeur Parc,CH-1897 Le Bouveret, Switzerland وهي قريبه جدا من الالعاب
N 46.38507 E 6.857185

يوم 11:
زيارة اوشين سي وشلال Engstligenalpn 46.45929 e 7.56632وثم انترلاكن مع امكانية قضاء بعض الوقت في مكان جميل ( حصلتها من خلال القوقل ايرث ويعتبر مكان جديد ) للتمتع بالهدوء والطبيعه وقريب من كاندرستيج وهذي احداثياته n 46.540126,e 7.778503

يوم 12:
زيارة قمة جلاسيير 3000 Glacier 3000 وهذي احداثيات المواقف n 46.354022,e 7.205873 والصعود للقمة مع الاستمتاع بالزحليقه الصيفيه وبعدها زيارة قشتاد والأستمتاع فيها مع ركوب التلفريك وهذي احداثيات التلفريك
n 46.467571 ,e 7.28209

يوم 13:
حوالي ساعه ونص وهناك طريقان ( جبلي + وادي )
زيارة قمة Grimselpass n 46.56117, e 8.33678
ثم المغارة الثلجية n 46.57754 ,e 8.38725
ثم قمة FURKA n 46.57278, e 8.41667

يوم 14:
زيارة كراس مونتانا وصعود التلفريك وهذي احداثية التلفريك n 46.308646,e 7.467325 وفي كرانس يوجد مطعم تركي حلال وممكن التجول في المنطقه للأستكشاف .
ويمكن الذهاب اليها من خلال النفق الجديد حيث يتم حمل السياره في القطار في نفق يسمى Lötschberg Tunnelإلى Ferdenحيث المسافه الإجماليه 60 كيلو فقط ومن خلال نفس النفق يمكن الذهاب الى زيرمات والقطار الذي يحمل السيارات موجود في كاندر ستيج .


يوم السفر :
التوجه الى مطار زيوريخ فجراً لأن الرحله الساعه 11.30

وفي الاخير سامحونا على التقصير وهذا اجتهاد مني واتمنى اكون اتوفقت فيه وان شاءالله ايكون فيه فايده للكل ..

وعيدكم مبارك وتقبل الله طاعتكم مقدماً ..
الـــتـــوقـــيـــع

أبعين مفتقر إليك نظرت لي .. فأهنتني وقذفتني من حالقِ..
لست الملوم أنا الملوم لأنني .. علقت آمالي بغير الخالقِ ..
______________________________ _

أنا لا أرغب تقبيل يد @@ قطعها أحسن من تلك القبل
إن جزتني عن صنيعي في@@ رقها أولى فيكفيني الخجل
______________________________ ____

سعد و سلمان والقعقاع قد عبروا ## إياك نعبد من سلسالها رشفوا
في كفك الشهم من حبل الهدى طرف ## على الصراط وفي أرواحنا طرف

فكن شهيداً على ما في القلوب ## فما تحوي الضمائر منا فوق ما نصف
أفضل جواب كتبه مقدام
بالتوفيق ان شاء الله في رحلتك

وعندي بعض الملاحظات
اليورب بارك بعيدة شوي ساعتين ونصف تقريبا من انترلاكن وزيارتها تتطلب يوم كامل من اول النهار الى اخره
لكي تستمتعوا فيها واقتراحي لك تخليها اخر يومين من رحلتك وتحجز هاليومين فيها اليوم الاول وهو الوصول لها والثاني تخصصه لها بالكامل
والثالث الرجوع للمطار حوالي ساعتين الى مطار زيورخ وتقدر تستغل يوم الذهاب بزيارة شلالات الراين او تزرورن حديقة في هذا اليوم حديقة
الكوني لاند ومنها الى اليورب بارك عن طريق الغابات السوداء والطريق ياخذ منكم ساعتين من الكوني لاند الى اليورب بارك

الملاحظة الثانية هي شلال الجان في اليوم رقم 5 بعيد شوي عن البرنامج المخطط واقترح عليك زيارته في نفس يوم زيارة مصنع الحلويات وجبل ميلسون لاته قريب عليهم وزيارته تاخذ وقت يمكن نص ساعه وهو يبعد عن مصنع الشوكلاته نستله حوالي 20 دقيقة يمكن تخليه في اخر الرحلة او اولها

الملاحظه الثالثه لو تخلي زيارة كرنس مونتانا وحديقة الهابي لاند في نفس اليوم لانهم قراب على بعض تخلي اول النهار لزايرة الهابي لاند وبعد الظهر زيارة كرانس مونتانا

يوم 11 في يوم زيارة الاوشن سي يمكن تزورون البلو سي لانها على الطريق

وفي الاخير مشاوير معظم الاماكن اللي بتزورونها طويلة واقترح عليكم توزبع رحلاتكم انها تكون يوم مكان بعيد ويوم لمكان قريب عشان ما تتعبون وبالتوفيق .
03 / 08 / 2012, 17 : 06 AM
رقم المشاركة :  2 
مميزة سويسرا



الملف الشخصي
تاريخ التسجيل : 11 / 03 / 2012
رقم العضوية : 36332
الإقامة : السعودية
المشاركات : 1,519
الجنس : أنثى
الحالة : سويسرا نبضي غير متواجد حالياً
وسام الـزاد للتميز

الإجابات الموجودة 67
كوول رد: للمشاركه وابداء الرأي ولا نستغني عن مداخلاتكم.. جدول مخصص للعوايل والاطفال14 يوم

الله ييسر لك زي مافرحت ها الاطفااال

الله يحفظهم لك ...

تم الحفظ ضمن مواضيعي المفضلة


بسس اخوي حبيت انبهك على شغلة انك بتغامر وتروح اماكن شفتها واعجبتك ع القوقل ايرث ..

بالله انتبة لنفسك وللعيال .. لاتبعدون بعيد عن الناس .. لان بعض المخاطرات عواقبها وخيمة ..

اسأل الله لك ولعائلتك وكل مسااااافر السلامة ....



اختك ( سويسرا نبضي )
03 / 08 / 2012, 48 : 01 PM
رقم المشاركة :  3 
درجة سياحية



الملف الشخصي
تاريخ التسجيل : 22 / 06 / 2008
رقم العضوية : 1850
الإقامة : الأرض كلها لــ الله
المشاركات : 188
الحالة : القطري غير متواجد حالياً
الإجابات الموجودة 1
رد: للمشاركه وابداء الرأي ولا نستغني عن مداخلاتكم.. جدول مخصص للعوايل والاطفال14 يوم

هلا وغلا سويسرا نبضي ..

تسلمين على الكلام الطيب وهذا العشم ..

ولا اتحاتين ان شاءالله ماراح نبعد عن عيون الناس وراح انعرض طولنا قدامهم رايحين وجايين

المكان الاول الي في البحيره مكان سياحي حسب ماشفته من القوقل ايرث والثاني حلو وهادي وايمر منه مجرى نهر صغير ..وقبل ماننزل وانحط البسطه وللتأكيد بعد باخذ نظره على المكان واذا شفته مناسب نزلنا العده وقعدنا ..

ومااااااااااقصرتي على المشاركه ..
الـــتـــوقـــيـــع

أبعين مفتقر إليك نظرت لي .. فأهنتني وقذفتني من حالقِ..
لست الملوم أنا الملوم لأنني .. علقت آمالي بغير الخالقِ ..
______________________________ _

أنا لا أرغب تقبيل يد @@ قطعها أحسن من تلك القبل
إن جزتني عن صنيعي في@@ رقها أولى فيكفيني الخجل
______________________________ ____

سعد و سلمان والقعقاع قد عبروا ## إياك نعبد من سلسالها رشفوا
في كفك الشهم من حبل الهدى طرف ## على الصراط وفي أرواحنا طرف

فكن شهيداً على ما في القلوب ## فما تحوي الضمائر منا فوق ما نصف
03 / 08 / 2012, 03 : 06 PM
رقم المشاركة :  4 
مراقبة زاد المسافر
للدول الاوروبية



الملف الشخصي
تاريخ التسجيل : 16 / 03 / 2009
رقم العضوية : 6710
الإقامة : المملكه العربيه السعوديه
المشاركات : 24,283
التقارير : 19
الجنس : أنثى
الحالة : دموع الوجد غير متواجد حالياً
الإجابات الموجودة 900
رد: للمشاركه وابداء الرأي ولا نستغني عن مداخلاتكم.. جدول مخصص للعوايل والاطفال14 يوم

انا ماعندي خبره كبيره في انترلاكن بس انصحك لاتفوت شلالات الراين ابدا ابدا احلي شلال في سويسرا بوجهة نظري
العاب اليورب بارك بعيده عليكم حوالي ساعتين ونص روحه وزيها رجعه
عندكم مطلين في وسط انترلاكن لايفوتونكم
حلو انكم حطيتوا يوم لمصنع الشوكولاته والجبن لانهم جنب بعض
03 / 08 / 2012, 50 : 07 PM
رقم المشاركة :  5 
خبير سويسرا



الملف الشخصي
تاريخ التسجيل : 28 / 06 / 2010
رقم العضوية : 15980
الإقامة : الامارات
المشاركات : 2,065
التقارير : 13
الجنس : ذكر
الحالة : مقدام غير متواجد حالياً
وسام خبير سياحي

الإجابات الموجودة 309
رد: للمشاركه وابداء الرأي ولا نستغني عن مداخلاتكم.. جدول مخصص للعوايل والاطفال14 يوم

بالتوفيق ان شاء الله في رحلتك

وعندي بعض الملاحظات
اليورب بارك بعيدة شوي ساعتين ونصف تقريبا من انترلاكن وزيارتها تتطلب يوم كامل من اول النهار الى اخره
لكي تستمتعوا فيها واقتراحي لك تخليها اخر يومين من رحلتك وتحجز هاليومين فيها اليوم الاول وهو الوصول لها والثاني تخصصه لها بالكامل
والثالث الرجوع للمطار حوالي ساعتين الى مطار زيورخ وتقدر تستغل يوم الذهاب بزيارة شلالات الراين او تزرورن حديقة في هذا اليوم حديقة
الكوني لاند ومنها الى اليورب بارك عن طريق الغابات السوداء والطريق ياخذ منكم ساعتين من الكوني لاند الى اليورب بارك

الملاحظة الثانية هي شلال الجان في اليوم رقم 5 بعيد شوي عن البرنامج المخطط واقترح عليك زيارته في نفس يوم زيارة مصنع الحلويات وجبل ميلسون لاته قريب عليهم وزيارته تاخذ وقت يمكن نص ساعه وهو يبعد عن مصنع الشوكلاته نستله حوالي 20 دقيقة يمكن تخليه في اخر الرحلة او اولها

الملاحظه الثالثه لو تخلي زيارة كرنس مونتانا وحديقة الهابي لاند في نفس اليوم لانهم قراب على بعض تخلي اول النهار لزايرة الهابي لاند وبعد الظهر زيارة كرانس مونتانا

يوم 11 في يوم زيارة الاوشن سي يمكن تزورون البلو سي لانها على الطريق

وفي الاخير مشاوير معظم الاماكن اللي بتزورونها طويلة واقترح عليكم توزبع رحلاتكم انها تكون يوم مكان بعيد ويوم لمكان قريب عشان ما تتعبون وبالتوفيق .
04 / 08 / 2012, 56 : 02 PM
رقم المشاركة :  6 
درجة سياحية



الملف الشخصي
تاريخ التسجيل : 22 / 06 / 2008
رقم العضوية : 1850
الإقامة : الأرض كلها لــ الله
المشاركات : 188
الحالة : القطري غير متواجد حالياً
الإجابات الموجودة 1
رد: للمشاركه وابداء الرأي ولا نستغني عن مداخلاتكم.. جدول مخصص للعوايل والاطفال14 يوم

هلا وغلا دموع الوجد

تسلمين على المداخله

اليوروب بارك حاسبين المسافه وراح اتكون اخر خيار اذا كانت الالعاب الباقيه مغلقه او ماكانت متاحه لنا ..الاولويه حق العاب كوني لاند لان صورها اعجبتني واحسها اقل زحمه من اليوروب بارك ..

زيوريخ جيناها مرتين ومافي شي ملفت عشان كذا مانبي انتعنا لزيوريخ عشان الشلالات ..الا اذا بندخل معاها مكان ثاني في زيوريخ يستاهل ..

المطلين في الحسبه واحتمال اول يوم انروح مطل ..

تسلمين وماقصرتي ..
الـــتـــوقـــيـــع

أبعين مفتقر إليك نظرت لي .. فأهنتني وقذفتني من حالقِ..
لست الملوم أنا الملوم لأنني .. علقت آمالي بغير الخالقِ ..
______________________________ _

أنا لا أرغب تقبيل يد @@ قطعها أحسن من تلك القبل
إن جزتني عن صنيعي في@@ رقها أولى فيكفيني الخجل
______________________________ ____

سعد و سلمان والقعقاع قد عبروا ## إياك نعبد من سلسالها رشفوا
في كفك الشهم من حبل الهدى طرف ## على الصراط وفي أرواحنا طرف

فكن شهيداً على ما في القلوب ## فما تحوي الضمائر منا فوق ما نصف
04 / 08 / 2012, 02 : 03 PM
رقم المشاركة :  7 
درجة سياحية



الملف الشخصي
تاريخ التسجيل : 22 / 06 / 2008
رقم العضوية : 1850
الإقامة : الأرض كلها لــ الله
المشاركات : 188
الحالة : القطري غير متواجد حالياً
الإجابات الموجودة 1
رد: للمشاركه وابداء الرأي ولا نستغني عن مداخلاتكم.. جدول مخصص للعوايل والاطفال14 يوم

الغالي مقدام

لوا قدامي كان حبيتك على راسك

الملاحظه 2 + 3 في محلها ..وريحتني الله ايريحك دنيا واخره ..

عدلت الجدول ولا ننحرم من مداخلاتك الروعه ..

الملاحظه رقم 1 نفس ماقلت حق مشرفتنا دموع الوجد ..

البلو سي بيني وبينك جيتها 3 مرات وتشبعت منها ومااحس الصغار بيستانسون فيها ..

وفعلا امخلي المخطط يومين مشاوير قريبه ويوم مشوار بعيد ..واحيانا 3 ايام مشاوير قريبه ويوم مشوار بعيد ..

والمشاوير البعيده راح ايتخلله وقفات في المحطات والاستراحات عشان الصغار يلعبون ولا ايتمللون ..

ولا تحرمنا من المداخله الغالي ..
الـــتـــوقـــيـــع

أبعين مفتقر إليك نظرت لي .. فأهنتني وقذفتني من حالقِ..
لست الملوم أنا الملوم لأنني .. علقت آمالي بغير الخالقِ ..
______________________________ _

أنا لا أرغب تقبيل يد @@ قطعها أحسن من تلك القبل
إن جزتني عن صنيعي في@@ رقها أولى فيكفيني الخجل
______________________________ ____

سعد و سلمان والقعقاع قد عبروا ## إياك نعبد من سلسالها رشفوا
في كفك الشهم من حبل الهدى طرف ## على الصراط وفي أرواحنا طرف

فكن شهيداً على ما في القلوب ## فما تحوي الضمائر منا فوق ما نصف
04 / 08 / 2012, 29 : 07 PM
رقم المشاركة :  8 
خبير سويسرا



الملف الشخصي
تاريخ التسجيل : 28 / 06 / 2010
رقم العضوية : 15980
الإقامة : الامارات
المشاركات : 2,065
التقارير : 13
الجنس : ذكر
الحالة : مقدام غير متواجد حالياً
وسام خبير سياحي

الإجابات الموجودة 309
رد: للمشاركه وابداء الرأي ولا نستغني عن مداخلاتكم.. جدول مخصص للعوايل والاطفال14 يوم

الله يعزك ويخليك اخوي القطري وحاضرين لأي استفسار

على فكرة الزحليقة اللي في جلاسير مغلقة لاني زرتها قبل 3 اسابيع واعتقد يعملون لها صيانه والقمة كانت ماتسوى بدون الزحليقة
لانهم كانوا مفككين الحديد كله مال الزحليقة

ملاحظه يوم 2 البحيرة اللي اشرت لها تقدر تروحلها بالتلفريك على محطتين وفي المحطة الاولى بتلقى زحليقة ما زرتها من قبل وكنت مخطط اروحلها الشهر الماضي ولكن ما حصلت وقت اروحلها
05 / 08 / 2012, 02 : 02 PM
رقم المشاركة :  9 
درجة سياحية



الملف الشخصي
تاريخ التسجيل : 22 / 06 / 2008
رقم العضوية : 1850
الإقامة : الأرض كلها لــ الله
المشاركات : 188
الحالة : القطري غير متواجد حالياً
الإجابات الموجودة 1
رد: للمشاركه وابداء الرأي ولا نستغني عن مداخلاتكم.. جدول مخصص للعوايل والاطفال14 يوم

لا هنت الغالي

يوم 2 النيه اني اروح البحيره بالسياره ..

وماقصرت على جلاسير 3000 ..بشيك على موقعهم اذا الزحليقه امسكره مالنا عازه انروح ..

ولا ننحرم من مداخلاتك الغالي
الـــتـــوقـــيـــع

أبعين مفتقر إليك نظرت لي .. فأهنتني وقذفتني من حالقِ..
لست الملوم أنا الملوم لأنني .. علقت آمالي بغير الخالقِ ..
______________________________ _

أنا لا أرغب تقبيل يد @@ قطعها أحسن من تلك القبل
إن جزتني عن صنيعي في@@ رقها أولى فيكفيني الخجل
______________________________ ____

سعد و سلمان والقعقاع قد عبروا ## إياك نعبد من سلسالها رشفوا
في كفك الشهم من حبل الهدى طرف ## على الصراط وفي أرواحنا طرف

فكن شهيداً على ما في القلوب ## فما تحوي الضمائر منا فوق ما نصف
06 / 08 / 2012, 42 : 11 AM
رقم المشاركة :  10 
درجة الأفق



الملف الشخصي
تاريخ التسجيل : 28 / 02 / 2010
رقم العضوية : 12278
الإقامة : قطر
المشاركات : 450
الجنس : ذكر
الحالة : لسويسري غير متواجد حالياً
رد: للمشاركه وابداء الرأي ولا نستغني عن مداخلاتكم.. جدول مخصص للعوايل والاطفال14 يوم

القطري يعطيك العافيه مجهود رائع تشكر عليه
إضافة رد

المواضيع المتشابهه
الموضوع كاتب الموضوع المنتدى الردود آخر مشاركة
جدول رحلتي 2014 بالعيد الرجاء المساعده وابداء الراي بالقران اهتديت بوابة الأسـتـفسارات عن مالـيـزيـا 3 27 / 07 / 2014 37 : 11 AM
جدول رحلتي اتمنى ابداء الرأي ابو حمودي الرياض بوابة الإسـتـفسارات عن النـمـسـا 1 20 / 04 / 2013 38 : 10 AM
مخطط رحلتي الى ميونخ و أنترلاكن و زيلامسي أنتظر مداخلاتكم و أقترااحاااتكم يا الطيبين...؟ قهوة المنتدى بوابة الأسـتـفسارات عن الـمـانـيـا 6 14 / 08 / 2010 33 : 01 AM
لاب توب مخصص للنساء ناصر كويتي الأرشــيــف الــعــام 17 31 / 01 / 2008 40 : 11 AM


المواضيع ، تعبر عن رأي كاتبها ويتحمل مسؤوليتها فقط ، ولا تعبر بالضرورة عن رأي شبكة ومنتديات زاد المسافر .