إضافة رد
22 / 08 / 2012, 01 : 03 AM
رقم المشاركة :  1 
خبيرة سفر وسياحة



الملف الشخصي
تاريخ التسجيل : 21 / 06 / 2008
رقم العضوية : 1827
الإقامة : إماراتيه وافتخر
المشاركات : 843
التقارير : 2
الحالة : حور الإمارات غير متواجد حالياً
شقق vorderjausern في سلباش القريبة من زلامسي

السلام عليكم .. اشحالكم شخباركم .. يالله مع السلامة :3:



اصبروا لا تسيرون بعدني مادخلت في الموضوع .. حبيت بس اخبركم عن شقق vorderjausern اللي سكناها هالصيف ( 2012 ) قبل رمضان باسبوعين .. في منطقة saalbach ( بالانجليزي تنطق سلباتش وبالالماني سلباخ ) واللي تبعد عن زلامسي مسافة 14 كيلو فقط .. ..


شقق vorderjausern عبارة عن فيلا فيها شقتين والثالثة لأصحاب الفيلا.. شقة في الدور الأرضي وشقة ثانيه في الدور الأول .. كل شقة لها مدخل خاص فيها ... الشقة اللي في الدور الأرضي مدخلها في واجهة الفيلا .. اما الشقة الثانية فمدخلها من الخلف ..ولا يوجد اي باب متصل بينهم كل شقة لها خصوصيتها ... وكل شقة فيها ثلاث غرف .. غرفتين بسرير مزدوج وغرفة بثلاث سراير ( سرير مزدوج وسريرين فرديين ) .. احنا استأجرنا الشقتين بالكامل لان كنا عبارة عائلتين ..

وطبعا انصح فيها للناس اللي عندهم سيارة خاصة فيهم مب اللي يعتمدون على التكاسي .. عشان الطريق كل يوم من هالمنطقة الى زلامسي مدري اشوف انه اريح للناس اللي عندهم سيارات خاصة ..

طبعا احنا بالبداية كنا حاجزين عن طريق المكتب فيلا ثانية كبيرة وفيها شقق وغرف كثيرة لكن للاسف لما وصلنا انصدمنا بحال الفيلا .. قديمة والفرش شكله مب نظيف .. والممرات بين الغرف ضيقة مادري حسيناها كئيبة الصراحة ماارتحنا فيها .. ليلة وحده بتنا وعلى طول طلعنا اندور بروحنا فيلا ثانية والحمدلله كانت قريبة منها يعني ماتعبنا وايد في البحث ..

وهذا عنوانها ...
jausernweg498,5753 saalbach
telephone :06765501167
email: office@vorderjausern.at
www.vorderjausern.at

وهذي صور الفيلا من تصويري الشخصي




واجهة الفيلا ويظهر فيها الطوابق الثلاثة .. الارضي .. الأول .. الثاني .. اما السيارة فاستأجرنا عدد 2 من هالنوع ..




الفيلا من ناحية ثانية ..




في هالصورة تظهر المنطقة المحيطة بهذه الفيلا او بهذه الشقق .. ويظهر ايضا فندق انتر ستار على يمين الصورة وهو اللي باللون البني ..





الممر المؤدي للغرف ويوجد به علاقات للملابس او المعاطف ..






غرفه بسرير مزودج .. ..





الغرفة الثانية وفيها ثلاث سراير وتكفي لاربع اشخاص.. ومعها حمام خاص فيها وخزانتين صغار للملابس ..


لكن السلبية الموجودة في هالغرفة .. اولا باب الحمام فيه فتحه على الجوانب .. عشان جيه اللي كان يدخل الحمام يتسبح يقفل باب الغرفة :3:
وهذي صورة باب الحمام ولاحظوا الفتحة اللي على الجنب




ثانيا .. ضيق المساحه لكن ممكن التخلص من هالسلبية بتحويل السراير الى كنب ..اذا لم تكن هناك حاجه للسراير اللي فوق بعض ..


الغرفة الثالثة ماصورتها بس هي عبارة عن غرفة بسرير مزدوج وفيها مغسلة وشاور



هذا الحمام الموجود بالممر .. للاستحمام والاغتسال فقط ..واسع ونظيف وفيه سشوار وفوط وحمام سونا ..
وهناك جزء ثاني من الحمام فيه مكان مخصص عزكم الله لقضاء الحاجه ..




هذا طبعا الشاور





غرفة الساونا






المرحاض مع مغسلة ..



طبعا االصالة اللي كنا نقعد ناكل فيها نسيت اصورها يمكن عشان دايما يكونون قاعدين فيها فما القى وقت اصورها .. عموما هذي صورة من موقعهم ..

طبعا الصالة دائرية الشكل ومب كبيرة ولا صغيرة وايد بس عادي كنا احنا الكبار ناكل على الطاولة والصغار نخليهم تحت ..






هذا هو المطبخ وطبعا موجود بالممر كطبيعة البيوت في البلاد الاوروبية فالمطابخ تكون جزء من الصالة او الممر مب مثل بلادنا المطبخ لازم يكون بعيد عن الغرف ..

المطبخ نظيف وتتوفر فيه اغلب الاشياء الخاصة بالطبخ .. صحون اكواب فوط ملاعق وسكاكين وغيرها .. وبالنسبة لنا كنا يايبين معانا اغراضنا الخاصة بالطبخ ..

الستاره اللي تشوفونها بالصورة وراها باب مؤدي الى البلكونه ..



هذي اطلالة البلكونه




وهذي صورة ثانية اوضح لاطلالة البلكونه..




على فكرة نسيت اقولكم ترا المنطقة وايد حلوه وكان دايما جوها ممطر الا في ايام معدودة كانت تطلع الشمس ..وجوها ابرد من زلامسي لانها تعتبر جبلية ..
وبسسسسسسسس ..
يا إمارات الوجود.. يا أمانه من الجدود.. آه لو شفتي قليبي لو تعديت الحدود.. يابعد كل الدول.. انتي ربعي والأهل.. كلما ضاقت بعيني يلاح لي بعينك أمل
22 / 08 / 2012, 20 : 03 AM
رقم المشاركة :  2 
][::.. درجة سياحية ..::][



الملف الشخصي
تاريخ التسجيل : 02 / 04 / 2012
رقم العضوية : 37058
الإقامة : السعودية , الدمام
المشاركات : 185
التقارير : 1
الجنس : ذكر
الحالة : ابو ميـرال غير متواجد حالياً
رد: شقق vorderjausern في سلباش القريبة من زلامسي

شقق جميلة وأنيقة وتستحق التوصية


كل الشكر لكِ أخت حور الامارات ,, بس ماقلتي لنا كم الاسعار ؟ :114:







مودتي
22 / 08 / 2012, 29 : 03 AM
رقم المشاركة :  3 
خبيرة سفر وسياحة



الملف الشخصي
تاريخ التسجيل : 21 / 06 / 2008
رقم العضوية : 1827
الإقامة : إماراتيه وافتخر
المشاركات : 843
التقارير : 2
الحالة : حور الإمارات غير متواجد حالياً
رد: شقق vorderjausern في سلباش القريبة من زلامسي

اووووف كيف غاب عن بالي سالفة الأسعار .. الله يسلمك اخذنا شقتين لمدة 15 ليلة بـ 25000 درهم إماراتي

مشكور اخوي ابو ميرال على التذكير ..
يا إمارات الوجود.. يا أمانه من الجدود.. آه لو شفتي قليبي لو تعديت الحدود.. يابعد كل الدول.. انتي ربعي والأهل.. كلما ضاقت بعيني يلاح لي بعينك أمل
22 / 08 / 2012, 16 : 08 AM
رقم المشاركة :  4 
مراقب زاد المسافر
للدول الاوروبية



الملف الشخصي
تاريخ التسجيل : 01 / 01 / 2010
رقم العضوية : 11319
الإقامة : السعودية
المشاركات : 3,609
التقارير : 10
الجنس : ذكر
الحالة : يوما ما سنلتقي غير متواجد حالياً
رد: شقق vorderjausern في سلباش القريبة من زلامسي


الحمد لله على السلامة خبيرتنا وعساكم من عواده


شقة جميلة واختيار موفق حتى سعرها مناسب واهم شي في نظري من ناحية السكن ان يكون فيه مطبخ

وميزت السيارة مثل ماذكرتي تعدد الخيارات للسكن وكثرتها حين تبتعد قليلا عن زيلامسي و في اطرافها


بارك الله فيك ورحم الله والديك
23 / 08 / 2012, 16 : 05 PM
رقم المشاركة :  5 
خبيرة سفر وسياحة



الملف الشخصي
تاريخ التسجيل : 21 / 06 / 2008
رقم العضوية : 1827
الإقامة : إماراتيه وافتخر
المشاركات : 843
التقارير : 2
الحالة : حور الإمارات غير متواجد حالياً
رد: شقق vorderjausern في سلباش القريبة من زلامسي

هلا اخوي يوما ما سنلتقي ( اسمك طويل ماشالله اكيد انت طويل بعد )

نورت الصفحة اخوي وياهلا ويامرحبا الساع ..
يا إمارات الوجود.. يا أمانه من الجدود.. آه لو شفتي قليبي لو تعديت الحدود.. يابعد كل الدول.. انتي ربعي والأهل.. كلما ضاقت بعيني يلاح لي بعينك أمل
23 / 08 / 2012, 24 : 11 PM
رقم المشاركة :  6 
مشرفة زاد المسافر الى سويسرا



الملف الشخصي
تاريخ التسجيل : 27 / 12 / 2011
رقم العضوية : 34093
الإقامة : مع احبتي
المشاركات : 1,657
التقارير : 2
الجنس : أنثى
الحالة : Miss Cloud غير متواجد حالياً
رد: شقق vorderjausern في سلباش القريبة من زلامسي

مشكورة أختيه على هاشقق و باين انه المكان بارد
24 / 08 / 2012, 41 : 02 AM
رقم المشاركة :  7 
كـبـار شـخـصـيـات الـمـوقـع



الملف الشخصي
تاريخ التسجيل : 23 / 06 / 2007
رقم العضوية : 9
الإقامة : السعودية
المشاركات : 1,675
التقارير : 6
الجنس : ذكر
الحالة : abu abdullah غير متواجد حالياً
رد: شقق vorderjausern في سلباش القريبة من زلامسي

الطريق لها جميل من ناحية سلفلدين وهي منتجع شتوي يقل فيها السياح الخلييجيين
مدينة متكاملة الخدمات
أسألك ربي الجنة وما قرب لها من قول وعمل
24 / 08 / 2012, 47 : 09 PM
رقم المشاركة :  8 
درجة سياحية



الملف الشخصي
تاريخ التسجيل : 08 / 03 / 2012
رقم العضوية : 36233
الإقامة : السعوديه الرياض
المشاركات : 298
الجنس : ذكر
الحالة : وسم غير متواجد حالياً
رد: شقق vorderjausern في سلباش القريبة من زلامسي

يعطيك الف عافيه على المعلومه الحلوه

بصراحه الشقق حلوه والسعر ممتاز على كبر الشقه
24 / 08 / 2012, 01 : 11 PM
رقم المشاركة :  9 
{ مــراقــب عــام }



الملف الشخصي
تاريخ التسجيل : 06 / 12 / 2009
رقم العضوية : 11072
الإقامة : دبــــي
المشاركات : 7,372
التقارير : 5
الجنس : ذكر
الحالة : * ابوعمر * غير متواجد حالياً
رد: شقق vorderjausern في سلباش القريبة من زلامسي

جد حلوين الشقق الموقع والسعر
والحمد لله على السلامة
25 / 08 / 2012, 24 : 03 AM
رقم المشاركة :  10 
خبيرة سفر وسياحة



الملف الشخصي
تاريخ التسجيل : 21 / 06 / 2008
رقم العضوية : 1827
الإقامة : إماراتيه وافتخر
المشاركات : 843
التقارير : 2
الحالة : حور الإمارات غير متواجد حالياً
رد: شقق vorderjausern في سلباش القريبة من زلامسي

Miss Cloud

abu abdullah

وسم

* ابوعمر *

اشكر مروركم العطر على الموضوع


25 / 08 / 2012 01 : 12 AM* ابوعمر *
يا إمارات الوجود.. يا أمانه من الجدود.. آه لو شفتي قليبي لو تعديت الحدود.. يابعد كل الدول.. انتي ربعي والأهل.. كلما ضاقت بعيني يلاح لي بعينك أمل
إضافة رد

المواضيع المتشابهه
الموضوع كاتب الموضوع المنتدى الردود آخر مشاركة
[ استفسار ] سكن في زلامسي احب عيالي بوابة الإسـتـفسارات عن النـمـسـا 0 05 / 08 / 2012 06 : 09 PM
زلامسي سفاري999 الأرشيف العام للبوابة النــمساوية 6 27 / 07 / 2012 09 : 11 AM
زلامسي !؟ خـ ـ ـالـ ـ ـد بوابة الإسـتـفسارات عن النـمـسـا 1 13 / 08 / 2011 19 : 12 AM


المواضيع ، تعبر عن رأي كاتبها ويتحمل مسؤوليتها فقط ، ولا تعبر بالضرورة عن رأي شبكة ومنتديات زاد المسافر .