في اليوم الثالث
وكالعاده نصحى بدري ونتجهز وننزل لجولتنا
والبداية تكون عند دانكن دونات للفطور ..
اليوم قررنا نزور مدينة العاب اتراكيونيس - Parque de Atracciones
ورحنا لها عن طريق المترو ونزلنا في محطة Batan
وهذي بوابه الملاهي
وهذي خريطة الملاهي
طبعاً في العاب للأطفال وفي للكبار وفي العاب عادية وفي العاب خطرة
يعني كل واحد ومزاجه ,,
هذا مجسم لبرج ايفل وتحته العاب اطفال
وهذي لعبه ثانيه للأطفال
وهاللعبه لو احد يفكر يركبها ياليت يفضي جيوبه هههه
وهنا نبداء بالعميق
واللي يحب يريح شوي انصحه بهذا
وبعدها ركبت هاللعبه وكنت افكرها عبيطه
بس يوم طلعنا فوق شفت برج المملكه ههههه
منظر اعجبني
صوره تجمع لعبتين ينشفون الدم
طبعاً بداخل الملاهي في مطاعم ومحلات للهدايا التذكاريه
ومحل حلويات ودورات مياه وكل حاجه تحتاجونها
وبعدها طلعنا من الملاهي ورجعنا للشقه بعد ماقضينا فيه
الصباح والظهر وللمعلوميه في العاب اكثر وعندي صور اكثر
بس عطيتكم معلومات بسيطة عنها ..
بعد ماصلينا وريحنا شوي نزلنا وكنا ناوين نتمشى للمعالم اللي حولنا بالقران فيا
اول وجهه كانت لساحة اسبانيا - Plaza de Espana
وهذا مجسم للكاتب الاسباني سيرفانتس وامامه ابطال روايته
وكان في الساحة مثل السوق الصغير
وبعدها تابعنا طريقنا الى القصر الملكي - Palacio Real
كانت الاجواء حلوة وساحة القصر الخلفيه مزحومه بالناس
هالعيال شكلهم يتدربون على التزلج لان ياكثر ماطاحو بالارض
وبعدها قررنا نروح للملعب المخصص لنادي اتلتيكو مدريد - Estadio Vicente Calderon
ومنها نشوف نهر مدريد والاماكن الحلوة اللي جنبه
وطبعاً رحنا مشي والطريق طويل
يعني نصيحة اللي لياقتة ضعيفه لايتهور ويروح مشي ..
عشان ننزل للشارع اللي يودينا لطريقنا
لازم ننزل بمنحدر طويل
اعجبني لون المبنى
وهذا هو النهر
صوره ثانيه للنهر مع ممر للطرف الثاني
وهذي صوره بعد غروب الشمس للنهر
وهذا هو الاستاد
بعدها قررنا نرجع لأن بعضنا الله يهديهم انتهو وماعاد فيهم يمشون اكثر ههههه
والا كان في اشياء حلوة قدام بس تتعوض بالزيارات القادمه ..
وبطريقنا للشقه اعجبني المنظر هذا
ولمن رجعنا لساحة قصر اسبانيا جلسنا شوي نريح وحصلت تمثال
وجلست اعبث بالكام لين طلعت هالصوره معي
وبعدها واصلنا وقلنا نتعشى اول وبعدها نرجع الشقه
واليوم اخترنا مطعم عربي اسمه الخليفه
مطعم حلو واكلاته ذوق وحلال واللي فيه محترمين
وبعدها رجعنا للشقه على الساعه 2 تقريباً
بعد يوم ممتع ومتعب للبعض ههههه ..
تابعوني مع اليوم الرابع ...
وبعدها 
