عودة لأستكمال الجزء الاخير
اعرف تأخرت كثير عليكم
بس اعذروني جات الاجازة وقبلها الجهاز مرض شوي وصلحته .. نبدء :
في اليوم الاخير كان يوم خفيف وسريع
لأنه يوم مغادرة مدريد ,,
كالعادة الفطور في دانكن دونات
وبعدها اخذنا جولة سريعة في بعض المحلات بالقران فيا للي كان يبي يشتري هدايا
وبعد ماانتهينا توجهنا لمتحف الشمع - museo de cera
وهو قريب منا وموقعة بكولون
وبوابة المتحف تكون بالقبو وهذي صورة لها من النت لاني ماصورتها للأسف
طبعاً متحف الشمع معروف نظامه ومحتوياته
راح يكون داخله شخصيات مشهوره صنعت بالشمع
وفي مدريد موجوده شخصيات سياسيه ورياضيه واسلاميه قديمة وكرتونية
وفي شغلات قديمة مثل كيف كانت السجون بالسابق وطرق التعذيب وغيرها اشياء كثير ...
هالتمثال بمناسبة تحقيق اسبانيا كأس العالم
وهذي شخصيه اسلامية
وفي شخصيات كثير قديمة وجديده بس انا عطيتكم معلومه عنه
واختصرت بالصورتين هذي
وبعد متحف الشمع توجهنا لساحة مايور - Plaza Mayor
وموقعها قريب من ساحة سول وفيها محلات تذكارية ومحلات كوفي
ونظامها مثل ساحة سول الناس تجتمع فيها ويصير فيها عروض
وتلاقي شخصيات متنكره تقدر تصور معها
وللي يحبون الشوكولاته والحلويات والبسكويت
في محل اسمه la cure gourmande
بجانب ساحة مايور
محل روعة ونظيف وهذي صور له من النت لأني ماصورت من داخل
كنت مشغول باللي اشوفه هههههه
وبعد ماطلعنا منه اخذنا جوله بالمنطقه اللي بعده ومرينا على مبنى الكونجرس
وبعدها رجعنا لجهة القران فيا ومرينا على هالساحة
واسمها - Plaza de la villa
كانت هادية ومافيها شي خذنا صور لها وتابعنا طريقنا لين وصلنا لساحة سول
ومرينا محل هاريبو اعتقد معروف عند الجميع
وللأحتياط للي مايعرفه اخذت لكم صور من النت للمحل من داخل
وبعدها رجعنا للشقة واخذنا الشنط من الاستقبال لأن كنا مسوين شيك اوت قبل نطلع
لأن ماكنا راح نرجع الشقه بوقت الشيك اوت فسويناه بدري وخلينا الشنط بالاستقبال
وبعدها ع المطار ...
في طريقنا للمطار لفت انتباهي الجبل الثلجي هذا
انا قريت عنه بس مادري اذا هو او لا ؟
قريب مدريد منطقة فيها جبل ثلجي على مدار العام والناس تقدر تزوره
راح نستكشفه برحله قادمة ان شاء الله ,,
صوره اخيره لمطار باراخاس
* نصيحة عند العودة تأكد من مكان تواجد شركة الطيران المسافر عليها في اي ترمينال ؟
لأن المطار كبير والتنقل من جهه الى اخرى يحتاج وقت وبعضهم بالباص .
