السلام عليكم ورحمة الله وبركاته الفنادق في ازميت
اخواني اخواتي اعضاء زاد المسافر الكرام
في هذا التقرير اكتب لكم عن فندق في محافظة كوجالي في منطقة أزميت
وهو
ايميكس اوتيل كوجالي
Emex otel kocaeli
فئة 5***** يتمع هذا الفندق بموقع رائع وجميل على بحر مرمرة وفي مكان هادئ وعلى مساحة شاسعة .
سكنت في هذا الفندق في شهر 7 عام 2011 وكانت الرحلة عائلية كان السكن فيه بالصدفة حيث انطلقت من منطقة بولو على اساس السكن في فندق (...........) وعندما وصلت اليه على اساسا البورتر او البيلهوب يشيل الشنط .
سمعته يقول حق موظف الرسبشن انا اشيل هذي الشناط اللي بالسيارة ما اقدر اشيلها وليش ما يتركها بالسيارة !!!
طبعاً ما مر علي مثل هذا الموقف في حياتي !!!!
المهم كلمت الرسبشن انني ماراح اسكن عندكم وانا ترى اعرف تركي وسمعت البيلهوب شنو يقول لك .
استغرب وتفاجا البيلهوب وحاول موظف الرسبشن يتدارك الامر ويعتذر وان البورتر راح يشيل الشنط ولكنه قال اذا ماله عازه في الشنط كلها راح اشيل اللي تهمه !!؟؟
قلت له الموضوع انتهي وهذا اول مرة تمر علي في حياتي واننا اهل سفر وسافرت كثير الدول واعرف كيفية التعامل ولكن للاسف تعاملكم هذا غير لائق .. وتقولون انتم فندق اسلامي واربع نجوم !!
واعطيته وهذا البزنس كارد الخاص بموقع travelzad ( ابو سلطان هنا يعرف الاكشن :3: )... وهنا جن جنونه وقام وحلف علي بالله قلت له انا حالف قبلك اني ما انام في هذا الفندق وبعد شد وجذب استسلم لإصراري على الخروج وكانت الساعة 12 باالليل فطلب مني طلب اني ما اكتب عن هذا الفندق وان هذا إخطاء وان هذا الشخص بالاساس ليس بورتر ولكن البورتر الذي يناوب بالليل مريض ولم يأتي ! قلت هذي ليست مسئوليتي ولكن مساوليتكم ولكن لك وعد مني اني ماراح اذكر اسم فندق حتى لو كتبت عن الحادثة ..وهنا راح معاي الى السيارة وحاول البورتر يشيل بعض الشناط اللي نزلها سابقا ورفضت لاني بصراحة في وقتها ما عاد طقت شوفته قام الموظف وطرده من عندي لانه شافني قافل 
طبعاً قلت يا حلويين (اولادي ) ابشرو بالعوض راح تسكنون في افخم فندق في ازميت ...... رحت للفندق emex وياسلام على الاستقبال
يا سلام على الاستقبال
البورتر يشيل الصغير محمد ( 4 ) سنوات لانه نايم وقلت لا والله ما تشيله وقال لا والله هذا نفس اسمي وراح اشيله للسويت وجزاء لكرمة وطيبة نفسه كرمته بعد ان شاهدت ما شهدت الفرق بينه وبين بورتر الفندق السابق .
خذيت اسويت وهو اكبر من سويت الذي يطل على الحديقة ومن الكنج سويت السعر كان 350 وبعد اخذ ورد اخت السويت 270 ) مع الافطار من موظفة الرسبشن وكانو لطفاء في في السرير الاضافي بالعلم ان الصوفا اللي داخل السويت تصير سرير والسويت يكفي 3 اسرة اضافية ( ماشاءلله كبير براحة ،، معلب ) ،،، ولكن للاسف انه محجوز بعد ثلاثة ايام والفندق فل ...
الايجابيات :
1- قريب من وسط المدينة .
2- لوبي كبير .
3- خدمة راقية .
4- يطل على البحر .
5- يوجد عدد من الملاعب ، موقف سيارات كبير .
السلبيات :
لم اشاهد سالبيات ( وهذا رائ شخصي ) ....كل شخص يذكر ما واجه ..
موقع الفندق الالكتروني ::
اترككم مع الصور ..
تقبلو تحياتي الباب العالي ابوعبدالعزيز 
emex otel kocaeli *****فندق ايميكس كوجالي في ازميت 
