ويعافيك ربي مراقبنا
لا الحمدلله صارت سهالة شغلة السوق لان قلنا اذا ما حصلنا بنخليها يوم ثاني نرجع وندور في المولات الثانية
بس الحمدلله حصلنا اللي نبيه وعلى المزاج واول مرة رقم قياسي ساعتين الا احنا خالصين
يسعدني مرورك الكريم دائماا

السلام عليكم

رجعنا من جديد لنكمل لكم ونعيشكم اجواء رحلتنا السريعه لمملكة البحرين

صرت مذيعه كيفكم

المهم احنا توقفنا بصور الشقة اللي من غير اسم

وفي صور لها نسيت احطها مو وايد بس حرام مصورتهم واقطهم لا شوفوهم معاي

خل نسمي الفندق بومبخر







اول ما دخلنا المصعد *الاصنصير * عجبتنا لوحة الارقام الكبيرة








والحين هذه الاضاءة بالصالة






وهذا يدل على ان الفندق بحريني يا رب يحفظ ملك البحرين وملوك وشيوخ دول الخليج كلهم يا رب







بعد ما صحينا الصبح واحنا للحين مع ابوحسين رافض يبات ليلة ثانية بالبحرين

وما آكد لنا على المبيت يقول بعدين يصير خير

المهم يعني لازم التشيك اوت الحين لان بعد ما يمدي نطلع ونرجع للشقه

بوحسين يعمل التشيك اوت واحنا نصور وكلها دقايق واحنا خالصين


من اللوبي











عملية التشيك اب
ونعرفكم على ابو الشباب





اللوبي بعد








المدخل جميل






الكتيبات السياحية طبعا ما خليناهم بس علشان اشكالهم

والا ما يمدي نغطي شي






والمواقيت العالمية






طلعنا من الفندق وقلنا نروح نفطر بالسيتي سنتر ونتمشى بعد

وطبعا اخذنا لفة بالشارع لان ما رحنا من تحت جسر السيف كان افضل بس صارت لفة صباحية حلوة

وتصوير للشارع










فندق الكمبينسكي اللي يفتح على مول سيتي سنتر






سيتي سنتر






مباني عملاقة











شوفو وين وصلنا علشان نرجع ما في لفة









الوصول لباب البحرين






الاسواق اللي عنده





















اشجار النخيل على الشاطئ






شوفو شنو وراء الاشجار





مباني جميله على مساحات رملية احنا نسميها دفان لانشاء مناطق جديدة داخل البحر

واعتقد انها بتشكل واجهة سياحية راائعه





وصلنا السيتي سنتر والمباني اللي قباله عندها الشقق ام مبخر






عاش ملك البحرين واهل البحرين جمييع










مدينة واو المائية تبدو من خارج المول






مبنى جميل







وصلنا للمواقف








وسيدا للمطاعم يوااااااااااعه
















ابو حسين في طبيعه ما يسأل شنو بتاكلون والا هو شنو بياكل يروح يختار بكيفه ويجيب طلبه ويقعد


وهذا طلبه الشهي اللي كلنا قلنا له ليش ما ناديتنا هههههه

ما عليكم بس انا اللي قلت

كان طلبه من المطعم الايراني اصفهاني على ما اعتقد






طلب البنات سندويتشات جبنه بالبيض مع هاش براون

وانا كلوب ساندويتش









خلصنا وقمنا نتمشى بالسوق الفاضي تقريباا

وابوحسين قال بروح اصلي الجمعه

وتواعدنا الساعة وحدة ونص عند نفس البوابة اللي دخلنا منها

ونكمل السوق











المحل الشامل لاحلى مافي السوق

وطبعا كله ماركات عالمية










هالتحفة الفنية عجبتني





























محل فيرجن شالوه من الكويت






دخلو البنات وناموا على الكتب وانا قعدت وصورت لكم هالصورتين









مدخل فندق كمبينسكي على المول














البنات الصغار ودهم يشوفون الكتب اللي شروهم

وتعبوا من التفرفر قلنا لهم قعدو بالكافيه وانا شريت البخور ورجعت عندهم







طلبت كابتشينو







وطلعنا على المحرق للغداء في مطعم الابراج


يا حلاة الريجنسي كنا ساكنين فيه انا وامي بغرفة وحدة مع بنتي صغيرة كانت

وكان معانا اثنين من اخواني وعوايلهم كانت سفرة ونيسسسسسسسه جدااا










وهل المراوح والمبنى المالي ما عمري صورتهم كاملين

بس للامانه مو حلوة اللقطة خخخخخخخخ اونس عمري






نكمل معاكم طريقنا للمحرق بالجزء القادم

الديكورات الداخلية وطبعا احنا بانتظار اخلاء كبينة لان قسم العوائل كله كباين
وتكون بالطابق العلوي...ما شفنا مصاعد بس درج

مرحبا بالاعضاء الطيبين

السلام عليكم جميعااا

نكمل سفرتنا بالبحرين

بعد ما طلعنا من السيف قالوا الحين نبي عشا زين

فقلت لهم الحين بنروح الجفير فيها شارع الشباب يقولون بالمنتدى انه كله مطاعم

خل نروح هناك ونشوف المطاعم اللي فيه ونتعشى


رحنا وبعد ما سالنا دلونا والله ما يقصرون البحرينين

والعرب هناك يدلونك بهالكلمه امش وراي

يغير مساره بس علشان يخدمك

ووصلنا شارع الشباب انا كنت احسب بس مسمى جذيه علشان كثرة الشباب

طلع اسمه باللوحه شارع الشباب


ونشوفه

على فكرة الكاميرا المستخدمه الان كاميرا الجوال


لانتهاء شحن البطارية

لكاميرا الكانون وما عندي الفيش الخاص لها بالفندق الاول

واحنا ندور الشارع





بداية الشارع








المواقف مليانه والمطاعم متنوعه












ووقفنا اخر الشارع ونزلنا مشي

رحنا لمطعم ناندوز ليتذكرون المطعم اللي اكلو فيه بلندن

ديكوراته للجنوب الامريكي













جلساته









يلا نبدي الاطباق



اول شي المناديل الورقية عليهم شعار حليوووووو للمطعم







حمسة بطاطا حلوة مع التشيلي

لذيذة







طبق وحدة من البنات او نقول طبقين


لها واختها






مع ذرة مشوية




وهذا طلبي شيكن بورغر بس مع الصلصة الحاره شي ثااااااااني يمي

الصلصة هذه شرينا منهم بطلين لذلذة مع الدياي بكل الطبخات





طبعا بوحسون راح مطعم ثاني

وبعدين طلعنا وصورة للشارع





الحين قرر ابو حسين المبيت طبعاا بعد ما تعبناه خخخخخخخخخ

قلت له انا اعرف ان الجفير فيها كذا فندق وشقق فندقيه خلينا ناخذ ليلة

وطبعا ابوحسين ما يبي فندق يقول ما اقدر انام وبناتي بغرفة بروحهم

المهم قمنا ندور واول ما شافانا هندي على قاري قال تبون شقه نظيف قلنا وين قال تعال

ونمشي وراه ويودينا فندق البنات قالوا يمه شوفي اللوبي فيلم هندي واللوبي واقفين هنود يشوفون

طبعا احنا بالسيارة وابوحسين ينزل يشوف الشقه

رجع بوحسين قال الاجار ب25 دينار بس ما راح تعجبكم

وقمنا ندور وبوقاري جدامنا يدلينا وكل شوي نفس الشقق مالت هنود

بعدين قلنا له خلاص روح ما يبي

وهذه وحده نزلنا احنا نشوف الوضع مزري تصلح لشباب ما يهمهم وين ينامون

اما انا ما اقدر بقعد احكك في راسي وجسمي للصبح خخخخخخخخخخخخخ

كنب مهترئ محد فكر يجلس عليه



كراسي مهترئة




المطبخ انظف شي

بس ما ادري بالليل تطلع الصراصير والا لأ



السرير فرشة اسفنج عادية والفراش كله شعر

والشراشف اكل عليهم الدهر









قمنا نفتر بروحنا وكله فل او مو شي .... تعب بوحسين قلت له خل نشوف اخر شي هالشقق الفندقية

والا الحمدلله شقق بنفس مستوى الشقة الاولى اللي سكنا فيها بسنابس

وما صورت لان ايفوني خلص الشحن وكاميرتي ما شحنتها بس الحمدلله لقيت فيش وخليتها تشحن

اما اسمها كمان ما اعرف الا ان فيها الشرق الاوسط من ضمن الاسم ههههههه


نمنا واي شي تحتاجه بس وصي الاستقبال يروحون يشترونه لك من البقالة

طلبنا ماي وعصيرات

نمنا الحمدلله


صحينا على الساعة تسع تقريبا والكل بدل علشان نطلع خلاص لازم مافيها قعدة

ورانا درب عملنا التشيك اب وكان سعرها 40 دينار

وعن نفسي ما راح اسكن بالجفير مرة ثانية



طلعنا ورجعنا على شارع الشباب بنتريق