عــــــــــــدنا
أنا كنت اتصفح موقع خاص بالطلعات البرية يعني ما كان فيه نية لا وربا ولا غيرها المهم والاقي هذاك التقرير المصفصف عن سويسرا قلت ياولد انا قاعد ادور في هالفياض وهالبران ( لاخلا ولا عدم ) والربيع الاوربي هنا
سبحان الله ومن هنا كانت البداية قراءة في العديد من المنتديات الين استقر الراي على هالمنتدى المبارك
اتصلت على الربع قبل 6 الى 7 شهور قلت وش رايكم اوربا قالوا ما يخالف قلت عطونا السطن ( القريشات ) نحجز تذاكر ونحجزكم ما تغيرون رايكم
سويت الحجز وسوينا الفيزة قبل السفر بشهرين ونصف ( الصحيح نصف والا نص ، بس اعتقد اذا بتقول نص ريال تستخدم نص واذا بتقول نصف الطريق اعتقد بتستخدم وحده منهم) ما علينا نرجع لمحور النقاش
السكن والبرنامج ما قصروا الاخوة الاعضاء تدلل الكل فازع يامال العافية
البرنامج شبه مرتب باقي اخر يومين كنت في حيرة ودي اروح اروسا وايضا كونستانس.
اما بالنسبة لبرنامج كل يوم فكنت طابعة في ورقة مع المعلومات والاحداثيات يعني شغل مرتب لعله يتيسر وارفقة في التقرير مع ملف الحساب.
على فكرة انا اخذت معي جهازي القارمن وسجلت فيه كل الاحداثيات والحمدلله مشى تمام التمام او تقدر تقول عال العال اختروا أي وحدة
اكيد مشتاقين للصور خلوني احمل الصور وان شاء الله ابداء
