اول مرة اسافر لنمسا ومعاي اطفال
الجدول 1- 3 ايام في فينا
- 3 ايام سالزبورج ار
5 يام في زلامسي
- 3 ايام ميونخ


او


3 يام فيننا لوجود المطار والراحة ثم الى كابرون 5 ايام واخيرا 5 ايام ميونخ

ما مقترحاتكم بالنسبى للجدول ؟؟؟
وما هي الفنادق المجربة والموقع المناسب واكيد الاسعار

وبالنسبة للمصروفات انا وزوجي ومعاي 3 اطفال كم ممكن تكون المصروفات من غير الفنادق والتذاكر ؟؟؟وايد مهم بالنسبة لي( 500 درهم ) ممكن تكفي

واخيرا شو الافضل والاوفر استاجار سيارة (سفر اول مرة اوربا ومعاي اطفال ) او المواصلات مالهم والقطار للتنقل بين المدن

حبيت ارحب فيك في اول مشاركه لك واتمنى لكم سفره سعيده
وابشر المساعده في الطريق

ياهلا بطفل المهد
انا ارشح الجدول الأول لكن يبقى السؤال متى ناوي تسافر ؟
عشان نشوف لك الأماكن ونظبط لك الجدول
لانه تخبر في الوقت الحالي مشالله العرب ماليين زيلامسي وقد تكون هنالك صعوبات في الحجز في اماكن السنتر لكن اذا معاك سيارة فليست مشكلة
وبالنسبه للصرفية فهي قليلة خصوصا اذا ناوي تروح اماكن سياحية وبالقطار
لكن ارشح لك السيارة فهي متعه بحد ذاتها كذلك توفر عليك
ضع قرابة ألف درهم يوميا كحد متسوط ومعتدل
اخبرني بموعد الرحلة
وسوف نقدم لك ما تريد

اهلا بكم في زاد المسافر .......

بخصوص الترتيب ،،،
بما ان معاكم اطفال فاشوف المقترح الثاني افضل

ممكن يكون : 4 ايام فيننا - 5 ايام كابرون او زيلامسي - 5 ايام ميونخ ...

السيارة صحيح افضل لكن حتى لو تستغنون عنها مو مشكلة ...

اتمنى لكم رحلة ممتعة...

أختك
ام عزيزان

يعطيكم الف عافية على الرد
انا حجزي في 29 ؟ 7 انشاء الله
وسالت المكتب عن حجز السيارة بتكون في حدود 100 دولار في اليوم
اعتمد السيارة من مطار فينا ( مب مرتاحة خصوصا اول مرة بتكون نستخدم السيارو ومع الاطفال )
او من فبنا يوم الطلعة على زلامسي

حبيت اعرف قيمة البنزين في الاسبوع كم بتكون لو قارنتا مع اسعار القطار واللاندرجراوند

شو رايكم اخلي الوصول الى ميونخ 2 يوم وبعدها زلامسي 5 وحق الرجعة 3 ايام بعد في ميونخ وبتم عندي 4ايام وين اقضيهم
ابي اختصر التنقلات والمصاريف والزحمة العربية

ياهلا اختي طفل المهد
دامكم متخوفين من السيارة فمب مشكله القطارات هم حلوه
لكن نصيحه
في فيينا وفي ميونخ اعتمدي على الاندر قراوند
ولكن في زيلامسي على الباصات ويا سالزبورغ
بالنسبه انج تروحين وتردين من نفس المكان اشوف مالها داعي
يعني اذا بديتي من ميونخ خلي الرده من فيينا او العكس
وانا افضل المخطط التالي
فيينا - سالزبورغ - زيلامسي - ميونخ
بالنسبه انكم ماتبون الزحمه
ترى النمسا الحين متروسه خليجين خصوصا زيلامسي
لكن أختي نصيحه
حاولي قد ما تقدرون تسكنون في السنتر عشان يكون قريب لكم من كل الخدمات والمواصلات
الإجازه مالتج على قولتج 14 يوم
لو انا مكانكم
3 أيام فيينا - 3 ايام سالزبورغ - 6 أيام زيلامسي - 3 ايام ميونخ
ومن زيلامسي تقدرين تروحين لمناطق قريبه من زيلامسي وتستمتعون بالرحلات
وعلى فكرة ترى احد مراسلينا في زيلامسي واهو الأخ الشامخ يقول انه الحين في زيلامسي صارت البرامج السياحية بالعربي يعني كل شيء متسهل.
ونصيحه أختي : أطلعي على دليل رجل شرقي للنمسا ، المختصر المفيد لزيارة النمسا ، 32 مكان سياحي في زيلامسي وحوالينها
ترى بتفيدج هالمواضيع كثير وفيها نصائح أكثر وبتستفيدين وايد منها
واحب انوه لشغله أختي اذا انتي من الناس الي يحبون المدن فبراحتج زودي الأيام فيها أما اذا تحبين الهدوء والطبيعه فأنصحج بالأرياف وكثري فيها الأيام
يعني بالمختصر يعتمد عليكم انتوا

واي استفسار احنا في الشوفه