الى الاعزاء اعضاء المنتدى الكرام .. لقد استفدت منكم كثيرا و جاء الوقت لأرد بعض الدين هذا التقرير المتواضع اضعه بين ايديكم عن نيويورك
Niagara Falls
بإختصار شديد هذا موقع يحتوي على أي معلومة تحتاجها في منطقة شلالات نياغرا بشكل عام: خرائط, مواصلات المطارات والقطار والباص والتاكسي ... , حجز فنادق ونزل وبيوت وموتيلات وخيم وأنشطة وبكجات, مزارات وأشياء يمكنك زيارتها وطرق الوصول إليها, وأنصح بزيارة المكتب السياحي أول ماتوصل لتوفر الخرائط التفصيلية وأماكن التسوق والمطاعم وموضح موقع المكتب السياحي لشلالات نياغرا U.S.A ومواعيد العمل.
أولا أنصح بأنكم تاخذون الباص السياحي وتاخذون فرة على شان تشيكون على الأماكن اللي في الجدول وتقررون هل تستاهل الزيارة ولا لا ومنها تاخذون فكرة عن الديرة ويمكن تشوفون شي يستحق الزيارة وهذا رابطين لموقعين باصات سياحية شوف السعر وخط السير اللي يناسبكم.
نبدأ من قلب جزيرة منهاتن وهو التايمز سكوير منطقة التايمز تحديدآ هي تقاطع شارع برودواي والجادة السابعه وتمتد بإتجاه الجنوب إلى أن تصل شارع الثاني والأربعون وبإتجاه الشمال إلى أن تصل شارع السابع والأربعون طبعآ مليء بالماركات ديزني وتويز وام اند امز وغيره والمقاهي والمطاعم والعروض من الشركات أو من الناس ويوجد أيضآمسرح أو مدرجات مفتوحه بالأحرى على الشارع رهييبه التكيه فيها مررره حلوه في الليل ويقفل الساعه وحده تقريبآ في الويك إند حسب ما اعرف وهذا موقع التايمز سكوير يفيدك في الفنادق والشو والمسارح والتسوق وغيره.
هذا المطعم اشوف انه رهييب بس غويلي شوي بس عليه إطلالة وااااااااااااااااااااااو الصراحه مطل على التايمز سكوير ويعيشك اللحظه لأن إرتفاع إطلالته مدروس على التايمز
الجادة الخامسة من التايمز سكوير تقريبآ إلى آبل ستور الشهير الشارع مليان ماركات ومتاجر محترمة وفخمة بس غااااليه مررره طبعآ آبل ستور يجب زيارته المبنى الزجاجي اللي يفتح 24 ساعةوالمنطقة اللي فيها آبل مطاااااااانيخ إذا وصلت آبل وانت على الجادة الخامسة خلها على يمينك بيجيك على طول تقاطع شارع السنترال بارك رح يسار يصير البارك على يمينكوعلى يسارك مباني من ضمنها فنادق إذا انتهى البارك على يمينك بتصير في دوار كولومبوس جنب الدوار فيه منطقة حليوة فيها عدة مباني Lincoln Center لعدة شركات للموسيقى والفنون ونوافير وتكيات حليله والسكوير موب ذاك الزود بساذا كان معك وقت ما يمنع انك تمره ممكن يعجبك وهذا رابط موقع الجادة الخامسة.
جميل أن تشقر على هذا البارك الحلو وتلقى فيه أماكن تأجر سياكل وفيه بحيرة تقدر تستأجر قارب وتجدف وتتمشى خاصه إذا صار الجو رووووعه وفيه مطعم الفطور عنده أبد مش بطال والجلسات في البحيرة.
منطقة تقع بين الجادة الخامسة والسادسه على شارع 49 وفيها عدة مباني فيها أكثر من إطلالة وأشهر الأبراج برج شركة جنرال إلكتريك لكن لا انصح ابدا انك ترقى ذالبرج بـ25 دولار و لا جاز لي ابدا .. خصوصا اذا كنت بتروح لشيكاغو لان اطلالات شيكاغو ازين وفيها حدايق صغارجنب المباني وعروض حلوة وتكيات حلوة وأسواق .
طبعآ منتشر في أمريكا بشكل وااااسع جدآ وملحوظ بس هذا الفرع يمتاز بأنه قديم مرررة بالنسبه للشركة يعني له أكثر من 80 سنه ومدخله أول ماتشوفه على طول بتقول كلمة ابوشهرزاد الشهيرة (الله الله) حقت الأولين موقعه على شارع 34 تقاطع الجادة السادسة في Herald Square تحديدآ.
بما انك على شارع 42 دز بإتجاه الشرق وخلي الجراند سنترال على يسارك وسيدا رابع تقاطع يصقع راسك في جدار الأمم المتحدة زيارتها حلوة الصراحة قبل لاتدخل يفتشونك ثم تدخل في قاعة كبيرة عبارة عن متحف تتمشى فيه وتشوف الصور والمجسمات والمعلومات يعني معرض أن صح التعبير وفي نهايته كاونتر تقدر تدخل في القاعة الرئيسية اللي يجتمعون فيهارؤساء الدول وطبعآ مرورآ بمجسمات هدايا من بعض الدول وبعض المجسمات اللي تعبر عن حوادث أو كوارث حصلت في الدنيا على سبيل المثال جزء من تمثال كان في هيروشيما وتأثر جزء منهمن القنبلتين النوويتيين وكل واحد يطلب لغته ويعطونك جهاز تسمع فيه الشرح ويتوقف المرشد ويشرح لك في بعض الأماكن وتقدر تسأله عن أي شي تبي وآخر شي في منطقة فيها محلات تذكاريةوكوفي شوب ومكتبة وفيه كتب عربية من إصدار الأمم المتحدة أتوقع ماتلقاها تنباع برى الأمم المتحدة وانا مدري وعلى فكرة منطقة الأمم المتحدة حرة والجيش اللي تشوف داخل المنطقة ماله دخل في الجيش الأمريكي أو الشرطة الأمريكيه ومافيه تاكس طبعآ يعني تخيشهم تشتري مويه بدون تاكس وتقول بكيفي وابن ام اللي يفك فمه بكلمه واللي يقول شي قله ترى الدعوه شراكه ولا ماجاز لك طق براسك في الجدار
ومنطقة بشكل عام جدآ جميلة وهي من شارع 29 مرورآ بالتايمز سكوير طبعآ بإتجاه الشمال وصولآ إلى السنترال بارك المنطقة بشكل عام حلوة ومليانه مولات وماركات على الشارع وكوفيهات وعالم تمشي معك وناطحات ومباني عليها رسومات ولا لوحات إعلانية كبيرة والمنظر اللي أعتقد مايوجد الا في منهاتن وهو أربع تكاسي متجاورين على نفس الشارع ووراهم مثلهم تحس ان الشارع خاص في التكاسي والشي الثاني اللي بيذكرك أنك في منهاتن إذا جت إشارة المشاة حمراء تلقى واقف معك ميه وخمسين شخص ابدا لاتستغربشي طبيعي انت في منهاتن.
Union Square
هذا سكوير جيد الصراحه لأن غالبآ يكون فيه عروض شوارعيه جيده وجزء منه فيه كشكات ناس يبيعون منتجات محليه غالبآ وفواكه ونقنقه ونيس المكان نوعآ ما والواي فاي مجانآ.
موقع ناطحات مركز التجارة العالمي إذا حابين تشوفون موقعها بس على فكرة ترى المنطقة تحت الإنشاء يعني تشوف وانت بالشارع منطقة عملخمسة أبراج تحت الإنشاء محوطه على نصب تذكاري للضحايا وفيه برج انتهى هذا إذا ما انتهى أغلب المشروع لأنه بينتهي في 2013.
World Financial Center
مقابل مركز التجارة العالمي قطع الشارع تلقى هالمنطقة وهي عبارة عن أربعة مباني ضخمة وجنبها بارك مطل على النهر وفيها اسواق ومطاعم وكوفيهات بس الزبدة في هالمنطقة The Winter Garden حديقة الشتاء(مالها علاقة في مسرح حديقة الشتاء)** الحقيقه مرررره حلوه قبه زجاجية كبيرة توصل بين مبنى 2 ومبنى 3 وكلها من الزجاج وداخلها نخل الزينه الطويل تحفه المنظر الصراحه .
The High Line
هذا خط سكة حديد قديمه لها أكثر من 110 سنوات وسموها طريق الموت من كثرة الحوادث ثم هجرت زمان طويل وتكون في المنطقة شجر وهي ضيقه بين المباني وكثرت فيها الجرايم وحبو يشيلونها الحكومة ورفضو السكان وخذ وهات ومحاكم إلى أن رسو يسوون الطريق مثل Promenade plantée اللي في باريس وفعلآ بدوا في الجزء الأول والثاني وانتهوا وباقي الجزء الأخير عمومآ طلع مره رايق السكه موجوده وتمشي جنبها في طريق مرصوف وأنيق وشجر وورد وكراسي وشغل مرتب طول الممشى ميل يبدأ من Gansevoort Street وشمالآ إلى شارع 30طبعآ بعد مافتحو الممشى معاد فيه جرايم أبد.
أشتهر لأنه الحي المالي في نيويورك ويشتهر بتمثال الثور والجزء الغربي منه ممشى بدون سيارات وفي نهاية الجزء الغربي تشوف كنيسة (Trinity Church) منظرها مع ضيقشارع الوول ستريت تحفه وأرى أنه ماخذ أكبر من حجمه وأعتقد أنه لايستحق الزيارة الا على شان اسمه ولكن لابأس بالمرور عليه إذا كنت متجه إلى تمثال الحرية أو راكب الباص السياحي.
South Street Seaport
بما انك على وول ستريت إذا انتهى الشارع بتصير على FDR DRIVE رح يسار وامشي اربع دقايق على رجلينك طبعآ بيجي على يمينك South Street Seaport بيير 17 هو الأكثر شهرة في نيويوركوبتلقى مراكز تسوق وفيه إطلاله حلوه على جسر بروكلين من أعلى طابق في المول تقريبآ, و بيير 15 وبيير 16وفيه مطاعم وكوفيهات ومحلات والنصب التذكاري للتيتانيك منارة صغيرةمثبتة في عام 1913 لتذكار الضحايا من ركاب التيتانيك .
جسر حلوة زيارته وفيه ممر مشاة يربط بين بروكلين ومنهاتن والجسر له 130 سنه .
ChinatownLittle Italy and
الحي الصيني حليو مطاعم وأكل وخرابيط وخبرك زي كل حي صيني وجنبه بالظبط الحي الايطالي برضو مطاعم ومقاهي وفي نظري انها غاليه ومخيسه الا عاد كان صادفتوا إجازة او احتفالات بس المنطقة ماجازت لي الحقيقه يعني اشوف اني اقضي وقتي في التايمز سكوير ولا هنا .
Battery Park
هذا بارك كبير وحليو فيه قلعة كلينتون وتطلع منه إلى تمثال الحرية وتقدر تشوف التمثال من البارك وجزيرة إيليس.
تمثال الحرية ويقع في جزيرة ليبرتي وترى فيه نوعين من التذاكر تذكرة لقاعدة التمثال وتذكرة خاصة على شان تطلع للتاج وجزيرة إيليس قريبة من جزيرة الحرية وفي الجزيرة متحف الهجرة والزيارات من 9ص - 5م يوميآ والله يعينكم على السرى اللي بتمسكونه على شان تركبون القارب من بارك بيتري وكلا الجزيرتين تمثل (Statue of Liberty National Monument).
أوووي ألبك هذا مكان مررررررعب مررررره ممرات مصممه على أنها تخوف الواحد أو بالأحرى تموت من الخوف وفيها ديكورات تخوف وناس يخوفون طبعآ أشكالهم ررررعب بس الميزه انهم ما يلمسونك وبرضو انت ممنوع تلمسهم ومدة مشيك في الممرات من 20 إلى 25 دقيقه ويبدو لي ان فيها مخرج طوارئ إذا ماحبيت تكمل أو بالأحرى مت من الخوف، وأنصح بأخذ تغيرةعلى شان إذا سويت شي تبدل ملابسك (دعابة) وهذا رابط الموقع والظاهر انك تقدرتدخل انت و اللي معك مجموعة مرة وحدة يعني والله يابيجي ضحك.
الله يعطيك العافيه ياخوي موضوع قيم وشامل لزوار نيو يوريك اللي اسمع فيه السنترال والتايمز سكوير هم افضل مكان للسكن بالمنطقه وسمعت عنها انها اغلي الولايات بامريكا
اللهم اغفر لوالديي وارحمه واجعل قبره روضه من رياض الجنه اللهم اغفر لموتي المسلمين
إن مرت الايام ولم تروني فهذه مشاركاتي فـتذكروني ، وان غبت ولم تجدوني أكون وقتها بحاجة للدعاء فادعولي
الا عجبنا ونص بعد ماخليت شي بارك الله فيك وفي نصايحك انا نفسك ماحبيت الحي الصيني متعب واسعارهم غاليه مع انه تقليد لكن للامانه تقليدهم ممتاز واللي يبيعون السمر والواحد يخاف يفاصل بالسعر وياهم اكثر من اللزوم
اتمنى ان اشوف صور لاماكن هذي اذا امكن
Sent from my GT-I9300 using زاد المسافر
المواضيع الموجودة في الموقع تعبر عن رأي كاتبها ويتحمل مسؤوليتها فقط ولا تعبر بالضرورة عن رأي موقع زاد المسافر
نيويورك. ..مدينة أعمال. ..وعمرها ما كانت سياحية. .ولا المدينة تدعى أنها سياحية. ..ورأييى الشخصى مسقط احلا منها وأنظف وأكثر امن منها. ...نيويورك بأختصار قرف
مــشـرف البـوابـة الـتـعـلـيـمـيـة مشرف زاد المسافر إلى امريكا الشمالية
الملف الشخصي
تاريخ التسجيل : 25 / 06 / 2007
رقم العضوية : 63
الإقامة : في قلب أبنائي الأربعة
المشاركات : 3,364
التقارير : 11
الجنس : ذكر
الحالة :
رد: كل ما تريد معرفته عن نيويورك
اقتباس:
المشاركة الأصلية كتبت بواسطة ok2
نيويورك. ..مدينة أعمال. ..وعمرها ما كانت سياحية. .ولا المدينة تدعى أنها سياحية. ..ورأييى الشخصى مسقط احلا منها وأنظف وأكثر امن منها. ...نيويورك بأختصار قرف
Sent from my GT-N7000 using زاد المسافر
حياك الله ok2
نيويورك مدينة يقصدها الكل سواء سياحياً او من ناحية الأعمال
لا تسقط حقها كون ان هناك مدن سياحية افضل منها داخل الولايات المتحدة